DANIEL 7:10 - BUKUIT NE TILIL

¹⁰ Kibiit ainet ne u mat ne kimong’une tainnyi: kiboisiechin inendet elfusiek konyil elfut, ak kitonondos eng’ tainnyi elfusiek tamanu konyil elfusiek taman: kigichob kiruoget, ak kiging’any bukuisiek.

Bukuit Ne Tilil

¹⁰ Ki piit aineet ne uu maat ne ki mang'une tainnyi. Ki poisyechin ineendet eliphuusyek konyil eliphuut, ak ki tonondos eng' tainnyi eliphuusyek tamanu konyil eliphuusyek taman. Ki kichop kirwooget, ak ki king'aany bukuisyek.

DANIEL 7:10 ပူးပေါင်းရင်းမြစ်များ

1 LAITORINIK 22:19

Ak kile Mikaia, Kas anyun ng’olyotab Jehovah; kiageer Jehovah kotebyei eng’ ng’echerennyi ne bo laitornatet, ak kitononi luget tugul ne bo kipsengwet eng’ eunnyi ne bo tai ak ne bo katam.

2 ATEPTAP PEETUUSYEK 18:18

Ak kile Mikaia, Ogas anyun ng’olyotab Jehovah: kiageer Jehovah kotebyei eng’ ng’echerennyi ne bo laitornatet, ak kitononi luget tugul ne bo kipsengwet eng’ eunnyi ne bo tai ak ne bo katam.

Kitabuutap JOB 25:3

Tos iitoksei lugosiekyik? Ak ng’o ne mailuuchin lapkeiyennyi?

TIENWOGIKAL 103:21

Olosu Jehovah, okwek lugosiekyik tugul, Okwek che o kiboitinikyik, che oyae magennyi.

TIENWOGIKAL 18:8

Kitogostae iyeto serunekyik, Ak kibeelso mat ne kimong’une kutinnyi: Kilalyo nesek eng’ maata.

TIENWOGIKAL 50:3

Nyonei Kamuktaindennyo, ama sisei: Beelei mat eng’ tainnyi kowong’u, Ak komuut inendet usonet ne o.

TIENWOGIKAL 68:17

Karisiekab Kamuktaindet ko elfusiek tiptem, agot elfusiek ak elfusiek: Mi Kiptaiyat kwenunywa, eng’ Sinai, eng’ ole tilil.

ISAIAH 30:27

Ogeero, bunu kainetab Jehovah ole loo, lalei eng’ neregekyik, ak eng’ iyeto ne o ne togostoi; nyiitat kutinnyi nyitatet, ak u ng’elyeptanyi mat ne beelsei:

ISAIAH 30:33

Amu kigechob Topet koboch keny; ee, kigechopchi laitoriat; kigoyai kolooit kwo ng’ony ak kotebeesit: karurugutiennyi ko mat ak kwenik che chang’; inaami kabusetab Jehovah, ne kergei ak koik che laldos, che isururu.

DANIEL 12:1

Ak kotonon eng’ betunoto Mikael, bounindet ne o ne toreti lagokab biguk: ak biitu betusiek che bo nyalilda, che kitomo kobiitu koboch ngab kobiit bororiet agoi betunoto: ak kisoru biguk eng’ betusiechoto, age tugul ne kigisirji kainennyi bukuit.

DANIEL 7:22

agoi konyo inendet ne bo keny, ak koruoch agobo bik che tililen che bo Inendet ne Toror Mising’, ak koit betut ne bunjin bounatet bik che tililen.

DANIEL 7:26

Ago kichobei kiruoget, ak kerebe bounatennyi, si koges ak kong’em agoi kagesunet.

SEKARIA 14:5

Ak omwei obun atebwetab tulonokyuk; amu itei atebwetab tulonok Asel: ee, omwei, ko u ye kiomwei ye kibotani ng’ony eng’ betusiekab Usia laitoriatab Juda: ak konyo Jehovah Kamuktaindennyu, komi bik tugul che tililen koboto inendet.

MATAYO 25:31

Ago ye nyo Weritab chi eng’ torornatennyi, koboto malaikaisiek tugul, kotebe anyun ng’echeretab torornatennyi:

NG'ATUTIK 33:2

kile, Kinyo Jehovah eng’ Sinai, Ak king’eet eng’ Seir amu ichek; Kiiluu eng’ tulwetab Paran, Kinyo eng’ che tililen tamanusiekab elfusiek: Kimi eunnyi ne bo tai ng’atutiet ne u mat eng’ ichek.

HEBRANIK 1:14

Tos choto tugul ko ma tamirmirik che boisiei, che kiyoktoi kobois agobo ichek che tun nyoru yetunet?

HEBRANIK 12:22

ago kaoit okwek tulwetab Sion, ak nganaset ne bo Jehovah ne sobei, Jerusalem ne bo kipsengwet, ak tuiyosiek che bo malaikaisiek che ma iitoksei,

JUDA 1:14

Ak kimaoten Enok agine, chito ne bo tisab koboch Adam, koamdochi bichu kole, Ogeero, kinyo Kiptaiyat koboto bikyik che tililen elfusiek ng’isiat,

NG'ANG'UTYET 11:18

Ak kinerekso bororiosiek, ak kinyo nereknateng’ung’, ak betut ne kiruokyine bik che kigobek, ak betut ne kigochine otwogiguk maotik melekwekwak, ak bik che tililen, ak ichek che iywei kaineng’ung’, che mengechen ak che eechen; ak keng’em ichek che ng’emei ng’ony.

NG'ANG'UTYET 5:11

Ak kiageer ak agas kutitab malaikaisiek che chang’ ko kayiem ng’echeranato bo laitornatet ak tiong’ichu kasoptos ak boisiechugai; ak koitenywa ko ki elfusiek taman konyil elfusiek taman, ak elfusiek konyil elfusiek;