DANIEL 7:1 - BUKUIT NE TILIL

¹ Kiiruotyi Daniel karuotitoet, ak kobwanji metinnyi ng’ang’utik eng’ itogunnyi eng’ kenyit ne bo tai ne bo Belsasar laitoriatab Babulon: kisir anyun ng’alekab karuotitaonoto, ak komwaita ng’alek che eechen che bo karuotitaonoto.

Bukuit Ne Tilil

¹ Ki irwotyi Daniel karwotitoet, ak kobwonji metinnyi ng'ang'utik eng' itogunnyi eng' kenyiit ne po tai ne po Belshazzar laitoryatap Babilon. Ki sir anyun ng'aleegap karwotitaonooto, ak komwaita ng'aleek che eecheen che po karwotitaonooto.

DANIEL 7:1 ပူးပေါင်းရင်းမြစ်များ

TAUNET 15:1

Kingobata tuguchu koityi Abram ng’olyotab Jehovah eng’ ng’ang’utiet, kolenji, Ameiywei, Abram; a long’eng’ung’ ak melektang’ung’, ne o ne siirtoot.

TAUNET 46:2

Ak king’alalji Kamuktaindet Israel eng’ ng’ang’utik che bo kemoi, kolenji, Jakobo, Jakobo, Ak kile, Ami yu.

Kitabuutap JOB 4:13

Eng’ kabwatet ne bo ng’ang’utikab kemoi, Ye kagonyonji bik ruondo ne nyigis,

ISAIAH 30:8

Ui anyun nguno, ak isirji bukuit, si kobunji betusiek che bwanei che bo koigeny ak koigeny.

ISAIAH 8:1

Ak kilenja Jehovah, Ipchige kit ne o ne kisirei, ak isire kalamitab chito, Agobo Maer-salal-hasbas;

JEREMIA 23:28

Ingomwa maotiot karuotitoet ne koiruotyi; ak inendet ne tinyei ng’olyondennyu komwa eng’ imanda. Ting’egei nee metetek ak nganok? Mwaei Jehovah.

JEREMIA 27:7

Ak koot bororiosiek tugul inendet ak werinnyi, agoi koit betusiekab emennyi: ak koyae anyun bororiosiek che chang’ ak laitorinik che eechen inendet koek otwogindenywa.

JEREMIA 36:32

Kinam anyun Jeremia bukuit age ne mamanat, ak kogochi Baruk sirindet, weritab Neria; ne kisirji ng’alek tugul che kimwaei Jeremia che kimi bukuit, ne kiga kobeel Jeoiakim laitoriat ne bo Juda: ak kigitesyi ng’alek alak che chang’ che kergei ak chugiche.

JEREMIA 36:4

Kiguur anyun Jeremia Baruk weritab Neria; ak kisir Baruk ng’alek tugul che bo Jehovah che kimwaei Jeremia, che kiga komwachi Jehovah inendet, kosirji bukuit ne mamanat.

EZEKIEL 1:1

Kiyatak kipsengwet eng’ kenyitab sosom, eng’ arawet ne bo ang’wan, eng’ betutab mut ne bo arawanato, ye kiami koboto luulenik eng’ ye negite ainetab Kebar, ak kiageer ng’ang’utikab Kamuktaindet.

EZEKIEL 40:2

Kiimutwa eng’ ng’ang’utikab Kamuktaindet anyo emetab Israel ak kondea tulwet ne koi mising’, ole kimi itondab teeksetab nganaset eng’ murot ne bo tai.

DANIEL 1:17

Ago eng’ atebetab neranichuto ang’wan, ko kiigochi Kamuktaindet naet ak utatiet eng’ kanetetab ge tugul ak ng’omnatet: ak kitinyei Daniel kaguiyet ne bo ng’ang’utik tugul ak karuotitaosiek.

DANIEL 2:1

Ak eng’ kenyit ne bo aeng’ ne bo laitornatetab Nebukadnesar, koruotyi Nebukadnesar karuotitaosiek; ak kiimak tamirmiriennyi, ak ma inuuch.

DANIEL 2:26

Kiwolji laitoriat Daniel, ne kigiguure Beltesaser kolenji, Tos imuchi iborua kit ne kiageer eng’ karuotitoet, ak kaweeksennyi?

DANIEL 4:13

Ak kiageer eng’ ng’ang’utik che kibwanja ami itogunnyu, ak ogeero, kichorgei ribindet ne tilil kobunu kipsengwet.

DANIEL 4:5

Kiaruotyi karuotitoet ne kiimua; ak kiima kabwatutik ak ng’ang’utik che kibwanja ami itogunnyu.

DANIEL 5:1

Kiyachi laitoriat Belsasar igorta ne o kiptainikyik elfut, ak koeei divaik eng’ taitab bichoto elfut.

DANIEL 5:22

Ak ma iming’inge inye werinnyi, ee Belsasar, eng’ muguleldang’ung’, nganda kiingen tuguchuto tugul;

DANIEL 5:30

Kigibar kemounoto Belsasar laitoriatab Kaldeik.

DANIEL 7:13

Kiageer eng’ ng’ang’utikab kemoi, ogeero, kinyo eng’ bolikab kipsengwet, age ne kergei ak weritab chi, ak kinyo ole mi inendet ne bo keny, ak kigimut inendet korik taitab inendet ne bo keny.

DANIEL 7:15

Ago kiarogen ane Daniel eng’ tamirmiriennyu, ak kiima ng’ang’utik che kibwa metinnyu.

DANIEL 7:7

Kingobata nito, ageer eng’ ng’ang’utik kemoi, ogeero, tiondo ne bo ang’wan ne imuisei ak ko kim, ak kotinyei kimnatet ne siirtoot; ak kitinyei kelek che eechen che bo karik: kiam, ak kotonaton, ak kotiechatiech che king’et: ak ki ter tionyoto eng’ tiong’ik tugul che kiindoune inendet; ak kitinyei kuinoik taman.

DANIEL 8:1

Kinyonja ane Daniel, ng’ang’utiet ne u ne kiga ageer eng’ tai, eng’ kenyit ne bo somok ne bo laitoriat Belsasar.

JOEL 2:28

Ak ye ibata choto, ko tun arong’jini Tamirmiriennyu bik tugul; ak komaoten werikwok ak tibikwok, iruotyin boisiekwok karuotitaosiek, keerei murenikwok ng’ang’utik:

AMOS 3:7

Iman mayaei kiy Kiptaiyat Jehovah kotom kong’ang’ji ung’otiennyi otwogikyik maotik.

HABAKUK 2:2

Ak kiwolwa Jehovah, kolenja, Sir ng’ang’utiet ak iyai kotook eng’ tuguk che kisirei, si kobiit komuch kosoman chito ne labati.

KAITOSYEK 12:6

Kilenji anyun, Ogas anyun ng’alekyuk: ngo mi maotiot kweng’wong’, aborjinige ane Jehovah eng’ ng’ang’utiet, ang’alaljini eng’ karuotitoet.

ROMANIK 15:4

Amu tuguk alak tugul che kigisir keny ko kigisir si kinetge, si kenyoru kamang’unet eng’ muitaet ak eng’ kagaigaet ne bo sirutik.

2 KORINTOEK 12:1

Kanyol alosge, agot ngo manyolu; ago aityini keersosiek ak ng’ang’utik che bo Kiptaiyat.

NG'ANG'UTYET 1:19

Sir anyun tuguk che kaigeer, ak tuguk che mitei, ak tuguk che tun biitu eng’ let;

NG'ANG'UTYET 10:4

Ak ye kingo kagobolyo tulosiek tisabu, amach asir: ak kiagas kutit ne bunu kipsengwet kole, Ng’och tuguk che kamwa tulosiek tisabu, amesir.