DANIEL 6:4 - BUKUIT NE TILIL

⁴ Kicheng’ anyun boisiechoto koboto bounik kochaam Daniel agobo bounatet; ago ma imuch konyorji inendet ng’olyo anan ko lelut; amu ki bo iman inendet, ama kinyorji kiy ne ma litit anan ko lelut.

Bukuit Ne Tilil

⁴ Ki cheeng' anyun poisyechooto kobooto pounik kochaam Daniel agobo pounateet. Ma imuuch konyoorchi ineendet ng'olyoo anan ko leluut, amu ki po iman ineendet, ama ki nyoorchi kiy ne ma litit anan ko leluut.

DANIEL 6:4 ပူးပေါင်းရင်းမြစ်များ

TAUNET 41:38

Ak kilenji Parao otwogikyik, Kimuktoi ano kenyoru chito ne u chichi ne tinyei Tamirmirietab Kamuktaindet?

TAUNET 43:18

Ak kiiyweis bichoto, amu kigimut koba gotab Josep; ak kile, Kagimutwech kebwa go amu fedaisiek che kigiweekte eng’ lolotinwekyok yu kiga kibwa tai; si kobiit konyor ng’olyot ne igikyinenech, ak kogerjech go, yeityo koyaech keegu otwogik, koboto sigirokyok.

KALEWANAIK 29:27

Wechei che bo iman ne ma bo iman: Wechei ne ya ne isubi iman.

AMDOINDET 4:4

Yeityo ageer boisiet tugul, ak boisiet age tugul ne bo utatiet, ale amei kimege chi agobo chitab kokwennyi. Buch nito agine ak kaiimetab ge ne bo buch.

JEREMIA 18:18

Kimwa anyun kole, Obwa kechob kit ne kiitoi Jeremia; amu mabetei ng’atutiet eng’ tisiindet, ama betei kiruoget eng’ chito ne ng’om, ama betei ng’olyot eng’ maotiot. Obwa, kebire ng’elyepta, amat ongeepchi it agot ng’olyot agenge eng’ ng’alekyik.

JEREMIA 18:23

Ago, ingen inye Jehovah, kiruogenywa ne iruochi kole kobara; menyochi kaat tengektanywa, amebukte chalwoktanywa eng’ taing’ung’: ago ingeriich eng’ taing’ung’; yachi ko u noto eng’ betutab neregeguk.

JEREMIA 20:10

Amu koagas katewerisietab che chang’, kamuiset eng’ komosta age tugul. Mwaei choronokyuk tugul che achame, che machei kotaama, kole, Omwaite, si kemwaite inendet; tamangab kigaigai, si kiterter inendet, ak kiyaaktochinege mugetut.

JEREMIA 29:7

Ak ocheng’ji kalyet nganaset ne kiachamde keluuljok, ak osa Jehovah agobo nganasanato: amu onyoru kalyet eng’ kalyetab nganasanato.

DANIEL 3:8

Kirik anyun eng’ sainato Kaldeik alage koib kataamset ne kitaame Yahudik.

DANIEL 5:12

Amu kiginyorji Daniel tamirmiriet ne mie kot, ak naet, ak kaguiyet, kaweeksetab karuotitaosiek, ak ng’ang’etab ng’alek che ung’otin, ak kaborunetab tuguk che iimi bich, ne kiguure laitoriat Beltesasar. Iyokte anyun keguur Daniel, si kobor inendet kaweekset.

DANIEL 6:22

Koiyok Kamuktaindennyu malaikaiyandennyi koger kutuswekab ng’etunyik, ama ita kiy: amu ma kinyorja kiy ne ya eng’ tainnyi; ak kogeny, tom ayai kiy ne ya eng’ taing’ung’, ee laitoriandani.

MATAYO 26:4

ak kitet ichek ng’alek kole si kobiit konam Jesu eng’ ng’alset, ak kobar inendet.

MATAYO 27:18

Amu kinai kole, kagigoito inendet eng’ ng’etkonda.

LUKA 20:20

Ak kiriboti icheget inendet, ak koyokto segeik, che kiyaigei koek che bo imanda, si kobiit koname inendet ng’alekyik, si kogoito inendet kwo taitab bounatet ak kimnatetab bounindet.

LUKA 20:26

Ak kima imuch koname mwaonato eng’ taitab bik; ak kikwong’io eng’ wolunennyi, ak kisisyo.

LUKA 22:2

Ak kicheng’ tisiik che eechen ak sirik ole bartoi inendet; amu kiiywei ichek bik.

JOHANA 19:4

Ak kimanda Pilato kogeny, ak kolenji ichek, Ogeero, kamutwak inendet konyo taing’wong’, si onai ole ma anyorji ane lelut inendet.

2 KORINTOEK 11:12

Ago kit ne ayae, ayae noto, si kobiit atile boroindo icheget che machei boroindo; si kobiit kogergeit ak ichek eng’ kioto ilosunegei.

PILIPIK 2:15

si kobiit oegu che matinyei lelut ak ko libwoben, lagokab Jehovah che matinyei kunenden eng’ kwenutab ibinda ne kunur ak ko mastaat, che koluu eng’ kwenunywa ko u lapkeiyosiek eng’ ng’ony,

1 TIMOTEO 5:14

Noto anyun achame ale kitun mosogik che ta ko mengechen, si kosich lagok, ak korib got, amat kogochi boroindo bunyot kochuris eng’ ui tugul;

TITO 2:8

ng’alek che bo iman, teegisto, che magimuchi kiruokyi; si kobiit kolilan inendet ne kirindoech, ko matinyei kiy ne ya ne mwaitaenech.

1 PETERO 2:12

okwek che otinye atebet ne nyolu eng’ kwenutab Bororiosiek: si nganda itaamok ko u yaikab yaitio, kotoror Jehovah eng’ betutab rutochinet eng’ boisionikwok che miach che keerei.

1 PETERO 3:16

otinye kabwatet ne mie; si ye kitaamok, kigochin kolilan ichek che mwaitae ng’alek che yaach atebeng’wong’ ne mie eng’ Kristo.

KIRUOGIK 14:4

Ago kima nai kwandanyi ak kamennyi kole ki bo Jehovah ng’olyondonoto; amu kicheng’ei boroindo ne yachine luget Pilistik. Kibou Pilistik Israel eng’ betusiechoto.

1 SAMUEL 12:4

Ak kile, Ma iberberech, anan iusech, anan inam eng’ eutab chi kiy age tugul.

1 SAMUEL 18:14

Ak kitebi Daudi eng’ ng’omnatet eng’ ortinwekyik tugul; ak kimi Jehovah koboto inendet.

1 SAMUEL 22:14

Kowolji anyun Aimelek laitoriat kolenji, Ago ng’o eng’ otwogiguk tugul ne bo iman ko u Daudi ne sandetab laitoriat, ne kiginem kwo kapkiruogeng’ung’, ak ko konyitot eng’ gong’ung’?