DANIEL 6:3 - BUKUIT NE TILIL

³ Kigigonyit anyun Daniel kosiir boisiechoto ak bounik, amu kitinyei tamirmiriet ne mie mising’; ak kiibwat laitoriat kole konde inendet koboi bororiet komugul.

Bukuit Ne Tilil

³ Ki kigonyit anyun Daniel kosiir poisyechooto ak pounik, amu ki tinyei tamirmiryet ne myee miising'; ak ki ibwaat laitoryat kole konde ineendet koboi pororyet komugul.

DANIEL 6:3 ပူးပေါင်းရင်းမြစ်များ

EZRAH 4:22

Oripge anyun si mogaege ng’olyondonoto: amu nee si kotesak ng’emisiet ne inyalili laitorinik?

NEEMIA 7:2

alewen anyun tupchennyu Hanani, ak Hanania bounindetab irimet, gab laitoriat, koboi Jerusalem: amu ki chito ne kiyani, ak ne kiiywei Kamuktaindet kosiir che chang’.

ESTA 10:3

Amu kirubei Mordekai Yahudiot laitoriat Aasuerus, ak ki o eng’ Yahudik, ak kichamak eng’ tupchosiekyik che chang’; kicheng’ei kit ne mie agobo bikyik, ak kong’alaljin iyotennyi tugul agobo kalyet.

KALEWANAIK 17:27

Tinyei naet ne maiseeri ng’alekyik: Ak tinyei kaguiyet inendet ne tinyei tamirmiriet ne bo muitaet.

KALEWANAIK 22:29

Tos igeere chito ne igiiljingei boisiennyi? Tononi inendet eng’ taitab laitorinik; Matononi eng’ taitab bik che ma toogunotin.

AMDOINDET 2:13

Kiageer anyun ale siirei ng’omnatet berberindo, ko u ye siirei lapkeiyet mesundeito.

DANIEL 5:12

Amu kiginyorji Daniel tamirmiriet ne mie kot, ak naet, ak kaguiyet, kaweeksetab karuotitaosiek, ak ng’ang’etab ng’alek che ung’otin, ak kaborunetab tuguk che iimi bich, ne kiguure laitoriat Beltesasar. Iyokte anyun keguur Daniel, si kobor inendet kaweekset.

DANIEL 5:14

Koagas agobo inye kele menyin tamirmirietab cheptalelisiek, ak kele itinye lapkeiyet ak naet ak ng’omnatet ne siirtoot.

DANIEL 5:7

Kiguurso anyun laitoriat eng’ kutit ne o kimut ng’omotikab kecheik, Kaldeik ak kipsogeinik. King’alalji laitoriat bik che ng’omen che bo Babulon, kolenji, Chi age tugul ne somani sirutichu, ak koborua kaweeksennyi, kilaakyin ngoriet ne arus ne birir, ak kilaakyi kaatinnyi sirimdab tahabu, ak koek bounindet ne bo somok eng’ bounatet.

DANIEL 9:23

Kimong’ ng’atutiet eng’ taunetab somutiguk, ak kanyo amwaun, amu i chamat mising’: ibwat anyun komie ng’olyondoni amu noto, ak iguiye ng’ang’utiet.