DANIEL 6:26 - BUKUIT NE TILIL

²⁶ Ang’ate ng’atutiet ale, Ingobotanso bik che mi bounatetab laitornatennyu ak koiyweis eng’ taitab Kamuktaindetab Daniel: amu inendet ko Kamuktaindet ne sobei, ak kotebyei koigeny, ak laitornatennyi ko maging’emei, ak kotebyei bounatennyi agoi kagesunet:

Bukuit Ne Tilil

²⁶ Ang'ate ng'atuutyet ale ingobotanso piik che mi pounatetap laitornatennyu ak koiyweis eng' taitap Kamuktaindetap Daniel: Amu ineendet ko Kamuktaindet ne sabei, ak kotebyei koigeny. Laitornatennyi koma king'emei, ak pounatennyi koma mi ole igeesunegei.

DANIEL 6:26 ပူးပေါင်းရင်းမြစ်များ

EZRAH 1:3

Ingotogosta Jerusalem, ne mi Juda, age tugul eng’ okwek che o bo bikyik tugul, ak ingoteb Kamuktaindennyi koboto inendet, kwo koteekyi got Jehovah, Kamuktaindetab Israel (inendet ko Kamuktaindet,) ne mi Jerusalem.

EZRAH 7:21

Ang’ate ane, laitoriat Artaserses, konoraik tugul che bo tuguk, che mi ainet bitonin, ale, kit age tugul ne ta komagenok Esra tisiindet, sirindetab ng’atutikab Kamuktaindetab kipsengwet, keyai eng’ kagiiletab ge,

TIENWOGIKAL 119:120

Botani bortanyu amu aiywein; Ak aiywei kiruogutiguk.

TIENWOGIKAL 146:10

Laitorani Jehovah koigeny, Laitorani Kamuktaindeng’ung’ eng’ ibinwek tugul, ee Sion. Olosu Jehovah.

TIENWOGIKAL 2:11

Oboisiechi Jehovah eng’ kaiyweisiet, Ak oboiboitu eng’ botanet.

TIENWOGIKAL 29:10

Tebe Jehovah maranet ko u laitoriat; Ee, tebyei Jehovah kolaitorani koigeny.

TIENWOGIKAL 42:2

Amei sobondanyu melelda amu machei Kamuktaindet, Kamuktaindet ne sobei: Auiyo ye anyone atoogu eng’ taitab Kamuktaindet?

ISAIAH 66:2

Amu kiyaei eunnyu tuguchuto tugul, ak kibiit anyun tuguchuto tugul, mwaei Jehovah; ago ageni inendet ne banan ak konyerategei eng’ tamirmiriet, ne botani amu ng’olyondennyu.

ISAIAH 9:7

Mami ole igesunegei tesetab ge ne bo bounatennyi ak kalyet, eng’ ng’echeret ne bo laitornatetab Daudi, ak laitornatennyi, si kogimit, ak koboi eng’ kiruoget ak imanda koboch nguno agoi koigeny. Yaei nito kagiiletab ge ne bo Jehovah ne bo lugosiek.

JEREMIA 10:10

Ago Jehovah ko Kamuktaindet ne bo iman; inendet ko Kamuktaindet ne sobei, ak ko laitoriat ne bo koigeny: botani ng’ony amu neregekyik: amaimuchi komuita bororiosiek eng’ neregekyik.

DANIEL 2:44

Ak tun lumdoi Kamuktaindetab kipsengwet eng’ betusiekab laitorinichoto bounatet ne magoi king’em, ama kigochin laitornatanato boror age; ago tuatui ak koges bounatosiechuto tugul, ak tononi koigeny.

DANIEL 3:29

Kang’at ng’atutiet anyun ale kitonatoni bik alak tugul, bororiet age tugul, ak bikab kutit age tugul, che mwaei kiy age tugul ne ya agobo Kamuktaindetab Sadrak, Mesak, ak Abed-nego; ak keyai gorikwak koek kapng’atat: amu mami cheptalelit ne kimuchi kosor chi ko u ni.

DANIEL 4:3

Eechen ne tia kaborunoikyik! Ak kimen ne tia kwong’utikyik! Laitornatennyi ko laitornatet ne bo koigeny, ak ko bo bounatennyi ibinwek tugul.

DANIEL 4:34

Ak kingogesgei betusiechoto anyal ane Nebukadnesar kipsengwet, ak koweekyagei naennyu, ak kiaweekyi kongoi Inendet ne Toror Mising, ak alosu ak agonyit inendet ne sobei koigeny; amu bounatennyi ko bounatet ne bo koigeny, ak ko bo laitornatennyi ibinwek tugul:

DANIEL 6:20

Ak kingorikta anyun keringet ole mi Daniel, kowaach laitoriat eng’ arogenet: king’alal laitoriat kolenji Daniel, Ee Daniel, otwogindetab Kamuktaindet ne sobei, tos imuchi Kamuktaindeng’ung’ ne iote kotugul kosorun eng’ ng’etunyik?

DANIEL 7:14

Ak kigigochi inendet bounatet, ak torornatet, ak laitornatet, si koot inendet bik tugul, bororiosiek tugul, ak che bo kutuswek tugul: bounatennyi ko bounatetab koigeny, ne ma igesugei, ak ma tun king’emei laitornatennyi.

DANIEL 7:27

Ak tun kigochin bikab bik che tililen che bo Inendet ne Toror Mising’, laitornatet ak bounatet, ak oindab laitornatosiek che mi kureretab kipsengwet komugul: laitornatennyi ko laitornatet ne bo koigeny, ak tun otei inendet bounatosiek tugul, ak kogase it.

HOSEA 1:10

Ago tenitu lagokab Israel ng’aniek che bo nyanjet, che magimuchi kirogendoe kiy anan kiit; ak eng’ ole kigimwachine icheget kele, Ma o bikyuk, ko tun kilenjin, O werikab Kamuktaindet ne sobei.

MALAKI 3:6

Amu mawalaksei ane Jehovah, magigeswok anyun, ee okwek werikab Jakobo.

MATAYO 6:13

Amemutech ole mi yomset, ago soruech eng’ ne ya. [Amu neng’ung’ bounatet, ak kamuktaet, ak torornatet, agoi koigeny. Amen.]

LUKA 1:33

ak tun laitorane gotab Jakobo koigeny; ama tinyei ole igesunegei bounatennyi.

LUKA 12:5

Ago ateeiywok si onai inendet ne kanyol oiywei: Oiywei inendet, ne ngo kagobar komuchi kowirji Gehenna; ee, amwawok ale, Oiywei inendet.

POISYONIGAP CHE KIYOKTOI 17:25

Ama kiboisiechin eng’ eunekab bik, ko u ne banani kiy, amu inendet ne igochin tugul sobondo, ak kabuset, ak tuguk tugul;

ROMANIK 9:26

Ak eng’ oloto ole kigimwachine, kelenji, Ma o bikyuk, Keguure eng’ oloto werikab Jehovah ne sobei.

NG'ATUTIK 5:26

Chi ng’o eng’ bik tugul, ne kigas kutitab Kamuktaindet ne sobei, kong’alali eng’ mat, ko u ye kigigas, ak kosob?

1 THESSALONIKEK 1:9

Amu icheget che ibortoi agobo achek ole kigibwanunde oldang’wong’; ak ko u ye kioweekyige Jehovah olakte kanamonik, si kobiit oot Jehovah ne sobei ak ko ne bo iman,

HEBRANIK 12:29

amu Jehovah nenyo ko mat ne igesu.

JAKOBO 1:17

Kagoitoet age tugul ne mie ak konunotiot age tugul ne igesunotgei ko bo barak, chorugei eng’ Kwanda ne bo lapkeiyosiek, ne mami eng’ inendet kit ne walaksei, anan ko uruet ne bunu waletab ge.

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

NG'ANG'UTYET 4:10

kobutyi anyun boisiechoto tiptemu ak ang’wan taitab inendet ne tebe ng’echeranato bo laitornatet, ak kogutung’ji inendet ne sobei koigeny ak koigeny, ak kowirji ng’ony kutonokwak che bo tahabu eng’ taitab ng’echeret, kolen,

NG'ANG'UTYET 5:14

Ak kimwa tiong’ichoto ang’wanu soptos kole, Amen. Ak kobutyi ng’ony boisiechoto ak kolos.

1 SAMUEL 17:26

Ak king’alalji Daudi bik che kitonondos eng’ ye mi inendet, kolenji, Kiyachin nee chito ne barei Pilistindoni, ak koisto tewernatani eng’ Isrtael? Amu ng’o Pilistindoni ma kimuratan, kot koreny lugosiekab Kamuktaindet ne sobei?

1 SAMUEL 17:36

Kibar otwogindeng’ung’ tiong’ichoto tuwai, ng’etundo ak noto ne kergei ak keerit; ak igeitu Pilistindonito ma kimuratan age eng’ ichek, amu kogoreny lugosiekab Kamuktaindet ne sobei.