DANIEL 6:16 - BUKUIT NE TILIL

¹⁶ Kong’at anyun laitoriat ng’atutiet, ak kigimut Daniel, ak kewirji keringetab ng’etunyik. King’alalji laitoriat Daniel kolenji, Sorun Kamuktaindeng’ung’ ne iote kotugul.

Bukuit Ne Tilil

¹⁶ Ki ng'atiis anyun laitoryat, ak ki kimut Daniel ak kewiirchi keriingetap ng'etuunyik. Ki ng'alaalji `laitoryat Daniel koleenji, “Saruun Kamuktaindeng'ung' ne iote kotugul.”

DANIEL 6:16 ပူးပေါင်းရင်းမြစ်များ

2 SAMUEL 3:39

A nyalulat rani agot nganda a laitoriat ne kigiil; ak temena bichu werikab Seruia; ingoyaakyi Jehovah yaindetab yaitiet ko u yaitiennyi.

Kitabuutap JOB 5:19

Sorun eng’ nyalilwogik lo; Ee, agot eng’ tisab ko matwain yaitiet.

KALEWANAIK 29:25

Ibu mestet kaiyweisiet ne kiywei chi: Ago nyoru chametab ge age tugul ne imang’u Jehovah.

ISAIAH 41:10

ameiyweisie, amu ami koboten; amearogen, amu a Kamuktaindeng’ung’: agimitin; ee, atoretin; ee, anamin eng’ eunnyu ne bo tai ne bo imandanyu.

ISAIAH 43:2

Ami koboten ye ibune beek che chang’; ak ye ibune ainosiek, ko maimaluuchin; ye ibune mat, ko mabeelin; ama imelin liblibenetab mat.

JEREMIA 26:14

Ago ogeero, ami ane eung’wong’: oyaiywa ko u ye ogeere ole mie ak ko bo iman.

JEREMIA 38:5

Ak kile Sedekia laitoriat, Ogeero, mi inendet eunekwok: amu laitoriat ko ma chi ne imuchi koyaiywok kiy ne ya.

JEREMIA 38:6

Konam anyun ichek Jeremia, ak kotoorji inendet keringetab Malkija weritab laitoriat, ne kimi seremutab ribik: ak kichoortae Jeremia rogoonik. Kima komi beek keringonoto, ago kimi ng’atatek: ak kirorokyi Jeremia ng’atatek orit.

JEREMIA 39:17

Ago asorun eng’ betunoto, mwaei Jehovah: ama kigochinin eunekab bik che iywei.

DANIEL 3:15

Ngot ochoboge anyun eng’ sait ne kogas cheetab igondit, ndurerut, ketubet, chepkesemit, kibugandet ak ndurerut ne o, koboto tienwogik alak tugul, obutye ng’ony ak olosu kanamwet ne koayai, komieitu: ago ngot ko molosu, kewirjinok mat ne o ne lalei mising’, eng’ sainato; ak ng’o cheptalelit ne tos soruok eng’ eunnyu?

DANIEL 3:17

Ngot ko u noto, komuchi Kamuktaindennyo ne keote kosoruech eng’ mat ne o ne lalei mising’; ak kosoruech inendet eng’ eung’ung’, ee laitoriat.

DANIEL 3:28

Kong’alal anyun Nebukadnesar komwa kole, Iberurot Kamuktaindetab Sadrak, Mesak, ak Abed-nego, ne kagoyok malaikaiyandennyi kosor otwogikyik che koimang’u inendet, ak kagowal ng’olyotab laitoriat, ak kogoito borwekwak si maot anan kolos cheptalelit age tugul kobate Kamuktaindenywa inegei.

DANIEL 6:20

Ak kingorikta anyun keringet ole mi Daniel, kowaach laitoriat eng’ arogenet: king’alal laitoriat kolenji Daniel, Ee Daniel, otwogindetab Kamuktaindet ne sobei, tos imuchi Kamuktaindeng’ung’ ne iote kotugul kosorun eng’ ng’etunyik?

DANIEL 6:7

Kogong’alaljigei boisiek tugul che bo bounatet, kiptainik, ak bounik, bikab kapkiruok ak kiruogik, kole kogimit ng’atutiet ne bo kaplaitoriat, ak kong’at ng’atutiet ne kim, kole, age tugul ne somei kiy cheptalelit age tugul anan ko chi eng’ betusiek sosom, kobatenen, inye, ee laitoriat, kewirjin keringetab ng’etunyik.

POISYONIGAP CHE KIYOKTOI 24:27

Ago kingogesgei kenyisiek aeng’u, konam Porkio Pesto boisietab Peliki; ak amu kimachei Peliki kobaibai Yahudik, kobagakta Paulo ko ratat.

POISYONIGAP CHE KIYOKTOI 25:11

Ngo a kiptengekyo, ak ngot ko koayai kiy ne nyoljin meet, ko maesioi ame: ago ngot ko ma bo iman tuguchoto, che itaamjina bichu, ko mami chi ne imuchi kondea eunekwak. Arirjini Kaisari.

POISYONIGAP CHE KIYOKTOI 25:9

Ago ye kimachei Pesto kobaibai Yahudik, kowolji Paulo, kolenji, Tos imache itogoste Jerusalem, si kiruogun eng’ oloto agobo tuguchu eng’ tainnyu?

ROMANIK 13:3

Amu ma bo bounik kamuiset eng’ boisionik che miach, ago eng’ che yaach. Ak tos meiywei bounatet? Yai ne mie, si inyoru kalosunet eng’ noto;

2 KORINTOEK 1:10

ne kisoruech eng’ meet ne o ne te ni, ak ta kosoruech: ne kimang’u kele ta ko soruech kogeny;