DANIEL 6:10 - BUKUIT NE TILIL

¹⁰ Ak kingonai Daniel kole kagosir laitoriat kainet ko u noto, eng’ sirutichoto, kwo gonnyi; (ki yatotin tirisiok eng’ gonnyi, che tokyingei Jerusalem;) ak kogutuny konyil somok eng’ betut, ak kosa, komwachi kongoi Kamuktaindennyi, ko u ye kocham koyaei.

Bukuit Ne Tilil

¹⁰ Nganda ki nai Daniel kole kagosir laitoryat kainet ko uu nooto eng' siruutichooto, ko ki testai kwo koonnyi ne po parak, ne ki tinye tirisyok che ki yaatatin kotokyingei Jerusalem, ak kogutuny konyil somok eng' peetuut, ak kosa, komwachi kongoi Kamuktaindennyi, ko uu ye kocham koyaei.

DANIEL 6:10 ပူးပေါင်းရင်းမြစ်များ

1 LAITORINIK 8:30

Ak igas sometab otwogindeng’ung’, ak biguk Israel, ye saei kotokyingei yuto: ee, kas anyun eng’ kipsengwet oldang’ung’ ole imenye; ak ye igas, inyochi kaat.

1 LAITORINIK 8:38

ko saet anan ko somet age tugul ne kasom chi age tugul, anan ko ne kasom biguk tugul che bo Israel, ne naei chi age tugul miandab muguleldanyi, ak koiito eunekyik kotokyi goi:

1 LAITORINIK 8:44

Ngot koba biguk kobargei ak bunikwak, eng’ oret age tugul ne keyoktae, ak kosa Jehovah kotokyigei nganasani kiilewen, kotokyigei goi koateekyi kaineng’ung’:

1 LAITORINIK 8:54

Ak kingo kagoges Solomon saet eng’ saoni ak somet ne kisaei Jehovah, kong’eet eng’ taitab kaptisisietab Jehovah, eng’ ole kigutung’e kotokyin eunekyik kipsengwet.

2 ATEPTAP PEETUUSYEK 6:13

(amu kiga yai Solomon eng’ sugunwet ole kitororit, ne koindanyi ko ki kakwautik mut che bo eut, ak tebeesindanyi ko ki kakwautik mut, ak koindab tononennyi ko ki kakwautik somok, ak konde kwenutab seremut; ak kotonone, ak kogutuny eng’ taitab tuiyet tugul ne bo Israel, ak koiito eunekyik kotokyigei kipsengwet:)

2 ATEPTAP PEETUUSYEK 6:38

ngot koweekyingei eng’ mugulelwekwak tugul ak eng’ sobonwekwak tugul eng’ emet ne kigiluulji ichek, ole kigimut ichek koek luulenik, ak kosa kotokyigei emenywa, ne kiigochi kwanisiekwak, ak nganaset ne kiilewen, ak got ne koateekyi kaineng’ung’:

EZRAH 9:5

Ak kiang’eet eng’ kaming’inennyu bo ge ye kigigoitoi kagochinetab koskoleny, ko kaabet ngoriennyu ne bo orit ak ne bo barak; ak kiagutuny, ak aiitochi eunekyuk Jehovah Kamuktaindennyu;

NEEMIA 6:11

Ak kiale, Tos nyolu komwei chi ne u ane? Ak mi ng’o ne u ane, ne machei kwo hekalut kosor sobondanyi? Mawendi orit.

TIENWOGIKAL 34:1

Alasu Jehovah kotugul: Tebe kutinnyu kalosunennyi kotugul.

TIENWOGIKAL 5:7

Ago ane, anyone gong’ung’ eng’ chang’indab rireng’ung’ bo ge: Eng’ kaiyweisieng’ung’ agutunyi atokyinige hekalung’ung’ ne tilil.

TIENWOGIKAL 55:17

Atigeni, ak arire, koskoleny, ak karon, ak bet kwen: Si kogas kutinnyu inendet.

TIENWOGIKAL 86:3

Rirena, ee Kiptaiyat; Amu arirjinin bet komugul.

TIENWOGIKAL 95:6

Obwa kilosu, ak king’urukyi; Ongegutung’se eng’ taitab Jehovah Yaindennyo:

DANIEL 6:13

Kiwol anyun bichoto eng’ taitab laitoriat kole, Maiitin Daniel-inoto ne bo lagokab bik che kigiluul che bo Juda, ee laitoriandani, anan koiit ng’atutiet ne kiisir kaineng’ung’, ago saei konyil somok eng’ betut.

DANIEL 9:4

Ak kiasa Jehovah Kamuktaindennyu, ak ang’ang’ji inendet ale, Ee Kiptaiyat, Kamuktaindet ne o ne kiywei, ne ribei kayomiset ak rirenet eng’ ichek che chamei inendet ak koribei ng’atutikyik;

JONAH 2:4

Ak kiamwa ale, Kagewirta si ma igeera; Ago ta atokyinige hekalung’ung’ ne tilil.

MARIKO 3:3

Ak kilenji chito ne resot eut, Tonon eng’ kwen.

LUKA 14:26

Ngo nyonja chi, ama wech kwanda, ak kamet, ak osotiondennyi, ak lagokyik, ak werik che tupcho, ak chepkametinik, ee ak sobondanyi agine, ko maimuchi koek alamalyennyu.

LUKA 22:41

Ak kiistoegei ichek ye te ye itei koita ngewirta; ak kigutuny kosa,

POISYONIGAP CHE KIYOKTOI 10:9

Ak eng’ betut ne kiisubi betunoto ye kita kobendi, ko karikta nganaset, kotogosta Petero got barak, eng’ olo bo sait lo, kwo kosa:

POISYONIGAP CHE KIYOKTOI 2:15

Amu ma bogityo bichu, ko u ye obwati; amu ta ko sait somok kityo;

POISYONIGAP CHE KIYOKTOI 20:24

Ago maiiti sobondanyu ale kiy ne achame kot, si kobiit ages bandanyu, ak boisiet ne kiataach eng’ Kiptaiyat Jesu, abaorianji logoiywek che miach che bo mieindab Jehovah.

POISYONIGAP CHE KIYOKTOI 20:36

Ak kingo kagomwa ko u noto, kogutuny, kosa koboto ichek tugul.

POISYONIGAP CHE KIYOKTOI 21:5

Ak kingo kagigesu betusiechoto, kebe bandanyo; ak kiiyomisech ichek tugul koboto osotik ak lagok, agoi kemande eng’ nganaset: ak kegutung’se eng’ ngegut, kesa

POISYONIGAP CHE KIYOKTOI 3:1

Ak kitogostoi Petero ak Johana hekalut eng’ sait ne bo saet, sait sogol.

POISYONIGAP CHE KIYOKTOI 4:29

Ak nguno anyun, Kiptaiyandani, keer kertaenywa bo kong’: ak igochi otwogiguk komwa ng’olyondeng’ung’ eng’ nyiganatet tugul,

POISYONIGAP CHE KIYOKTOI 5:20

Oba, ak otonon eng’ hekalut ak omwachi bik ng’alek tugul che bo Soboni.

POISYONIGAP CHE KIYOKTOI 5:29

Ago kiwol Petero ak che kiyoktoi kole, Kanyol kegas it Jehovah kosiir bik.

POISYONIGAP CHE KIYOKTOI 7:60

Ak kigutuny, ak komwa eng’ kutit ne o, kole, Kiptaiyat, ameiityi ichek tengegi. Ak kingo kagomwa nito, konuuch.

POISYONIGAP CHE KIYOKTOI 9:40

Komaanda Petero tugul koba sang’, ak kogutuny, kosa; ak kingoweleljigei musto, kolenji, Ng’eet, Tabita. Ak kiyat konyekyik: ak kingogeer inendet Petero, kong’eet koteb ng’ony.

EPESOEK 3:14

Amu nito anyun agutung’jini Kwanda,

PILIPIK 1:14

ak tinyei che chang’ eng’ che kitupche eng’ Kiptaiyat nyiganatet ne o kosiir, komwaita ng’olyotab Jehovah ama eng’ kaiyweisiet, amu tinyei kamang’unet agobo monjorornatennyu.

PILIPIK 1:20

Ko u eng’ kagenisiennyu ne ageni mising’ ak kamang’unennyu, ale magigona alilan eng’ kiy age tugul ago eng’ nyiganatet tugul, ko u kotugul, ko u noto agine nguno kitorori Kristo eng’ bortanyu, ngo eng’ sobondo, anan eng’ meet.

PILIPIK 4:6

Amogereri met eng’ kiy age tugul; ago eng’ kiy age tugul ko eng’ saet ak somet koboto kongoi, ingonaak somutikwok eng’ Jehovah.

KOLOSAIK 3:17

Ak kit age tugul ne oyae, eng’ ng’olyot anan eng’ boisiet, oyai tugul eng’ kainetab Kiptaiyat Jesu, omwachini Jehovah Kwanda kongoi eng’ inendet.

HEBRANIK 13:15

Noto anyun ongigochi Jehovah eng’ inendet korosiotab kalosunet kotugul, noto ko logoiyatab kutuswek che ng’anyei kainennyi.

HEBRANIK 4:16

Ongerikyi anyun ng’echeret ne bo mieindo eng’ nyiganatet, si kenyoru rirenetab ge, ak kesich mieindo ne toretech eng’ betut ne kinyalili.

NG'ANG'UTYET 2:10

Ameiywei nyalilwogik che negit inyoru: ogeero, machei oindet kotoorji korgoret alak eng’ okwek, si kobiit ketiemak; ak osich nyalilda eng’ betusiek taman. Egu ne kiyani agoi meet, si agonin kutwet ne bo sobondo.

NG'ANG'UTYET 2:13

Angen ole imenye, ole mi ng’echeretab laitornatet ne bo Setani: ak iname kainennyu mising’, ama iesie kayanennyu, agot eng’ betusiekab Antipa baoriandennyu, nenyu ne bo iman, ne kigibar eng’ kwenung’wong’, ole menyei Setani.