DANIEL 5:7 - BUKUIT NE TILIL

⁷ Kiguurso anyun laitoriat eng’ kutit ne o kimut ng’omotikab kecheik, Kaldeik ak kipsogeinik. King’alalji laitoriat bik che ng’omen che bo Babulon, kolenji, Chi age tugul ne somani sirutichu, ak koborua kaweeksennyi, kilaakyin ngoriet ne arus ne birir, ak kilaakyi kaatinnyi sirimdab tahabu, ak koek bounindet ne bo somok eng’ bounatet.

Bukuit Ne Tilil

⁷ Ki kuurso anyun laitoryat eng' kutit ne oo kimut ng'amotigap kecheik, Kaldeik ak chepsogeinik. Ki ng'alaalji `laitoryat piik che ng'oomen che po Babilon koleenji, “Chii age tugul ne somani siruutichu ak koboorwo kaarorennyi, kilaakyin ngoryeet ne arus ne piriir ak kilaakyi kaatinnyi sirimdap thahabu, ak koek pounindet ne po somok eng' pounateet.”

DANIEL 5:7 ပူးပေါင်းရင်းမြစ်များ

TAUNET 41:8

Ak kingoeech karon, koiimgei eng’ muguleldanyi; ak kiiyokto keguur sirik tugul che ng’omen che bo Misri, che ng’orsei, ak bik tugul che ng’omen che kimitei: ak kitetyi Parao ichek karuotitoennyi; ago kima biit chi ne kiimuch koguiyechi Parao karuotitaosiekyik.

ESTA 3:1

Kingobata tuguchuto koeet laitoriat Aasuerus Haman weritab Hamedata Agagindet, ak kotoror inendet ak kogochi kotebe ng’echeret ne toror kosiir bounik tugul che kimi koboto inendet.

KOMONG'U 7:11

Kiguur agine anyun Parao bik che ng’omen ak orgoik: ak kiyai ko u noto agichek bik che ng’omen che ng’orsei che bo Misri, eng’ ng’orsenywa.

KALEWANAIK 1:9

Amu egu choto narietab mieindo eng’ meting’ung’, Ak koek sirimwek che mi kaating’ung’.

TYENDO NE SIIREI TUGUL 1:10

Kororon matong’oik koboto lelestang’ung’, Ak kaating’ung’ koboto sonoek che kororon.

ISAIAH 47:13

Kiing’et eng’ chang’indab kiruogutiguk: ingotononso anyun ng’omotikab kecheik, ak keerikab kecheik, ng’omotikab arawet age tugul, kosorun eng’ tuguk che bwanjinin.

JEREMIA 50:35

Mi rotwetab chok baragutab Kaldeik, mwaei Jehovah, ak eng’ bik che menyei Babulon, ak eng’ bounikyik, ak eng’ bikyik che ng’omen.

EZEKIEL 16:11

Kialelesanunenen kogeny tuguk che bo lelesta, ak kialaagun karikab eunek ak sirimdo ne bo kaating’ung’.

DANIEL 1:20

Ak kigeer anyun laitoriat bichoto kole siirei bik tugul che ng’omen che ng’orsei, ak ng’omotikab kecheik che kimi bounatennyi tugul konyil taman eng’ kit age tugul ne bo ng’omnatet ak naet ne kiga teepse laitoriat bichoto.

DANIEL 1:4

neranik che kima kotinyei berut, ak ko kororon, ak ko utotin eng’ ng’omnatet, che ng’omen eng’ naet, ak koguitos ung’otikab ng’omnatet, ak che u choto che kitinyei kamuget kotononso eng’ gotab laitoriat, si kobiit konet laitoriat ichek ng’omnatet ak kutitab Kaldeik.

DANIEL 2:2

King’at anyun laitoriat keguur bik che ng’omen che ng’orsei, ak ng’omotikab kecheik, ak bonik ak Kaldeik si komwachi laitoriat karuotitaosiekyik. Kibwa anyun go ak kotononso eng’ taitab laitoriat.

DANIEL 2:27

Kowol Daniel eng’ taitab laitoriat, kole, Ung’otiet ne kateeb latoriat ko maimuchi bik che ng’omen, anan ng’omotikab kecheik, anan bik che ng’omen che ng’orsei, anan kipsogeinik, koborji laitoriat;

DANIEL 2:48

Koeet anyun laitoriat Daniel, ak kogochi inendet kagochinoik che eechen, ak kogochi inendet koboi emet komugul ne bo Babulon; ak koek kiruogindet ne o ne bou bik tugul che ng’omen che bo Babulon.

DANIEL 2:6

Ago ngot oborua karuotitoet ak kaweeksennyi, onyoru eng’ ane konunoik ak melekwek ak teegisto ne o: oborua anyun karuotitoet, ak kaweeksennyi.

DANIEL 4:14

Kimwa eng’ kutit ne o ko u ni kole, Oeb ketoto, ak oeb temenikyik, otumdum korara sogekyik, ak oseer logoekyik: ingoba tiong’ik eng’ kelunnyi, ak koba taritik eng’ temenikyik.

DANIEL 5:11

mitei chito eng’ bounateng’ung’ ne menyei tamirmirietab cheptalelisiek che tililen; ak kiginyorji chichoto eng’ betusiekab kwandang’ung’ lapkeiyet ak naet ak ng’omnatet, ne u ng’omnatetab cheptalelisiek: ak kiinde laitoriat Nebukadnesar kwandang’ung’, ne inendet ko laitoriat kwandang’ung’, kiinde inendet koek kiptaiyatab bik che ng’omen che ng’orsei, ng’omotikab kecheik, Kaldeik ak kipsogeinik;

DANIEL 5:15

Ak kagimut bik che ng’omen, ng’omotikab kecheik, kobwa tainnyu, si kobiit kosoman sirutichuto, ak koborua kaweeksenywa: ago ma imuch kobor kaweeksetab kioto.

DANIEL 5:16

Ago koagas agobo inye kele imuchi iboru kaweeksosiek, ak iboru tuguk che iimi bich: ngot imuchi anyun isoman sirutichuto, ak iborua kaweeksennyi, kilaagun anyun ngoroik che arusen ne birir, ak kilaakyi kaating’ung’ sirimdab tahabu, ak iegu bounindet ne bo somok eng’ bounatet.

DANIEL 5:29

King’at anyun Belsasar ng’atutiet, ak kolaakyi bik Daniel ngoriet ne arus ne birir, ak kolaakyi kaatinnyi sirimdab tahabu, ak komwaita agobo inendet kole, egu bounindet ne bo somok eng’ bounatet.

KAITOSYEK 22:17

amu aeetin inyoru teegisto ne o, ak ayai kiy age tugul ne imwawa: asain anyun ale, nyo chubwa bichu.

KAITOSYEK 22:7

Ak kiba boisiekab Moab ak che bo Midian koibei kagochinoikab ng’orset eng’ eunekwak; ak kiit oldab Balaam, ak kimwachi ng’alekab Balak.

KAITOSYEK 24:11

Ara mwei ui oldang’ung’ nguno: kialen si aeetin inyoru teegisto ne o; ago keero, kietenen Jehovah teegisoto.

1 SAMUEL 17:25

Ak kile bikab Israel, Kaogeer chichi katogos? Katogosu iman konyo korenyei Israel: ak chito ne barei inendet, kogochin laitoriat inendet magornatet ne o, ak kogochi cheptanyi kotun, ak kotiach gotab kwandanyi eng’ Israel.