DANIEL 5:29 - BUKUIT NE TILIL

²⁹ King’at anyun Belsasar ng’atutiet, ak kolaakyi bik Daniel ngoriet ne arus ne birir, ak kolaakyi kaatinnyi sirimdab tahabu, ak komwaita agobo inendet kole, egu bounindet ne bo somok eng’ bounatet.

Bukuit Ne Tilil

²⁹ Ki ng'at anyun Belshazzar ng'atuutyet, ak kolaakyi `piik Daniel ngoryeet ne arus ne piriir, ak kolaakyi kaatinnyi sirimdap thahabu, ak komwaita agobo ineendet kole egu pounindet ne po somok eng' pounateet.

DANIEL 5:29 ပူးပေါင်းရင်းမြစ်များ

TAUNET 41:42

Ak kiinemune Parao eunnyin peteinnyi ne bo ng’okset, ak konde eutab Josep, ak kolelesonji inendet eng’ ngoroik che kororon che bo katanit, ak konde sirimdo ne bo tahabu katatinnyi.

ESTA 10:3

Amu kirubei Mordekai Yahudiot laitoriat Aasuerus, ak ki o eng’ Yahudik, ak kichamak eng’ tupchosiekyik che chang’; kicheng’ei kit ne mie agobo bikyik, ak kong’alaljin iyotennyi tugul agobo kalyet.

KALEWANAIK 1:9

Amu egu choto narietab mieindo eng’ meting’ung’, Ak koek sirimwek che mi kaating’ung’.

DANIEL 2:48

Koeet anyun laitoriat Daniel, ak kogochi inendet kagochinoik che eechen, ak kogochi inendet koboi emet komugul ne bo Babulon; ak koek kiruogindet ne o ne bou bik tugul che ng’omen che bo Babulon.

DANIEL 5:16

Ago koagas agobo inye kele imuchi iboru kaweeksosiek, ak iboru tuguk che iimi bich: ngot imuchi anyun isoman sirutichuto, ak iborua kaweeksennyi, kilaagun anyun ngoroik che arusen ne birir, ak kilaakyi kaating’ung’ sirimdab tahabu, ak iegu bounindet ne bo somok eng’ bounatet.

DANIEL 5:7

Kiguurso anyun laitoriat eng’ kutit ne o kimut ng’omotikab kecheik, Kaldeik ak kipsogeinik. King’alalji laitoriat bik che ng’omen che bo Babulon, kolenji, Chi age tugul ne somani sirutichu, ak koborua kaweeksennyi, kilaakyin ngoriet ne arus ne birir, ak kilaakyi kaatinnyi sirimdab tahabu, ak koek bounindet ne bo somok eng’ bounatet.

DANIEL 6:2

ak kiinde boisiek somok che kandoik koboi ichek, ne ki Daniel age eng’ ichek; si koibei bounik ng’alek koipchin ichek, si mabet kiy ne bo laitoriat.