DANIEL 5:23 - BUKUIT NE TILIL

²³ ago kiietge obelge ak Kiptaiyat ne bo kipsengwet; ak kogeib terenikab gonnyi kobwa taing’ung’, ak kooee divaik, inye ak kiptainiguk, osotiguk ak chebaigeiniguk; ak koilosu kanamonikab feda, ak che bo tahabu, che bo sugunwet, che bo karik, che bo ketik, ak che bo koik, che mageertoi, ama kastoi, amaingen kiy: ama itoror Kamuktaindet ne tinyei kabuseng’ung’ eng’ eunnyi, ak chechik ortinweguk tugul:

Bukuit Ne Tilil

²³ Ago ki ietkei obelgei ak Kiptaiyat ne po kipsengwet; ak kogeip tereenigap koonnyi kobwa taing'ung', ak kooee divaik, inyee ak kiptainiguk, osotiguk ak chebaigeiniguk; ak koilasu kanamonigap fedha, ak che po thahabu, che po sugunwet, che po kariik, che po keetiik, ak che po koik, che ma keertoi, ama kastoi, amaingen kiy. Ama itoroor Kamuktaindet ne tinyei kabuseng'ung' eng' eunnyi, ak chechiik ortinweguk tugul.

DANIEL 5:23 ပူးပေါင်းရင်းမြစ်များ

TAUNET 14:19

Ak kiiberur inendet, ak kole, Ingoberurok Abram eng’ Kamuktaindet ne Toror Mising’ ne chechik kipsengwetisiek ak ng’ony.

TAUNET 2:7

Ak kiyai Jehovah Kamuktaindet chito eng’ ng’ung’unyek, ak kobusyi serunekyik kabuset ne bo sobondo; kiek anyun chichoto, chito ne sobei.

2 LAITORINIK 14:10

Kiibar iman Edom, ak kigotororin muguleldang’ung’: baibaitune noto anyun, ak itebe gong’ung’; amu nee si icheng’jige nyalilda, si ibut, inye koboto Juda?

Kitabuutap JOB 12:10

Mi eunnyi sobondab kiy age tugul ne sobei, Ak kabusetab bik tugul.

Kitabuutap JOB 31:4

Tos mageerei ortinwekyuk, Ak koiiti kakwautikyuk tugul?

TIENWOGIKAL 104:29

Ye keuny togeng’ung’, kotoptobenso; Inemu kabusenywa, si kobek, Ak koweektagei temburiekwak.

TIENWOGIKAL 115:16

Kipsengwetisiek ko kipsengwetisiek che bo Jehovah. Ago kiigochi ng’ony werikab bik.

TIENWOGIKAL 139:3

Isiachi korennyu ak ole arue, Ak ingen ortinwekyuk tugul.

TIENWOGIKAL 146:4

Mandoi kabusennyi, weekyingei ng’ung’unyekyik; Betos kabwatutikyik eng’ betunoto.

KALEWANAIK 20:24

Bo Jehovah kakwautikab chi; Imuktoi ano anyun chi koguiyo orennyi?

ISAIAH 13:11

Ak abir ng’ony amu yaitiennyi, ak abir kiptengeginik amu tengektanywa; ak awong’u menotetab che mendos, ak anyeroti menotetab che imuisei.

ISAIAH 14:13

Ak kiimwa eng’ muguleldang’ung’ ile, Atogostoi kipsengwet, atorori ng’echerennyu ne bo laitornatet kosiir kecheikab Kamuktaindet; ak atebe tulwetab tuiyet, eng’ komoswek che looen che bo murot ne bo katam.

ISAIAH 2:12

Amu tun biitu betutab Jehovah ne bo lugosiek, eng’ ichek tugul che mendos ak che ieetigei; ak eng’ ichek tugul che itororigei: ak kiming’ini.

ISAIAH 33:10

Kang’eet anyun nguno, mwaei Jehovah; aeetu nguno; atororitu nguno.

ISAIAH 37:19

ak kigowirji ma kanamonikwak: amu kima ko cheptalelisiek, ago ki boisietab eunekab bik, ketit ak koik; king’em anyun ichek tuguchoto amu noto.

ISAIAH 37:23

Ak ng’o ne kiichot ak ichub? Ak ng’o ne kiibolji ak injurur? Noto ko Inendet ne Tilil ne bo Israel.

ISAIAH 42:5

Mwaei ko u noto Kamuktaindet Jehovah, ne kitoi koyai kipsengwetisiek, ak koiito; inendet ne kiito ng’onyuni, ak che mong’une oloto; inendet ne igochin kabuset bik che menyei ng’ony, ak kogochi tamirmiriet ichek che bendote:

JEREMIA 10:23

Ee Jehovah, angen ale, ma bo chito ortinwekyik; amaindochin chito ne wendoti, kabwatutikyik.

JEREMIA 48:26

Ogochi inendet kobogit; amu kigotororgei kogirinda Jehovah; ak mildoegei Moab kang’undaekyik, ak kerorechin.

JEREMIA 50:28

Kutitab ichek che mweei ak kochililyo komong’ eng’ emetab Babulon, si kobiit kibarta eng’ Sion yaaktaetab mugetut ne bo Jehovah Kamuktaindennyo, yaaktaetab mugetut ne bo hekalunnyi.

JEREMIA 50:29

Kuur mwogik tugul kobargei ak Babulon, ichek tugul che riichei kwangok koyiem komoswekyik; amengochilil agot agenge eng’ oloto: yaakyi mugetut ko u boisionikyik; oyachi ko u tugul che kigoyai: amu kigomenji Jehovah, kigomenji Inendet ne Tilil ne bo Israel.

EZEKIEL 28:17

Kiitororge eng’ muguleldang’ung’ amu kororonindang’ung’, kiing’em ng’omnateng’ung’ amu kakweng’eng’ung’: kaawirjin ng’ony kaandein taitab laitorinik, si kobiit kogeerin.

EZEKIEL 28:2

Ee, weritab chi, mwachi bounindetab Turo, ilenji, Mwaei Kiptaiyat Jehovah ko u ni kole: Amu kiitororge eng’ muguleldang’ung’, ak imwa ile, A cheptalelit, atebe ng’echeretab Kamuktaindet, eng’ kwenutab nyanjosiek; ago i chito, ma i Kamuktaindet, agot nganda kiiyaige eng’ muguleldang’ung’ iige Kamuktaindet:

EZEKIEL 28:5

kiites magornatosieguk eng’ ng’omnateng’ung’ ne o ak eng’ mung’areng’ung’, ak kiitororgei eng’ muguleldang’ung’ amu magornatosieguk:

EZEKIEL 31:10

Kamwa anyun Kiptaiyat Jehovah ko u ni kole: Amu kiitororge eng’ koindang’ung’, ak kiitei walinnyi bolik, ak kitororit muguleldanyi amu koindanyi;

DANIEL 11:12

Ak ye kagimut tuiyet, koeetgei eng’ muguleldanyi: ak kobar tamanusiekab elfusiek, ago maiterteri.

DANIEL 4:37

Alosu anyun ane Nebukadnesar, ak atorori ak agonyiti Laitoriatab kipsengwet; amu bo iman boisionikyik tugul, ak ko bo kiruoget ortinwekyik: ak imuchi koming’in ichek che bendoti eng’ menotet.

DANIEL 8:11

Ee, kiieetgei, kot koit ole mi bounindetab luget; ak koistoe inendet kagochinet ne kibeelei ne bo kotugul, ak kigibut oldanyi ne tilil.

HABAKUK 2:4

Ogeero, kagomen muguleldanyi, ma litit inendet: ago sobei ne bo imanda eng’ kayanennyi.

POISYONIGAP CHE KIYOKTOI 17:25

Ama kiboisiechin eng’ eunekab bik, ko u ne banani kiy, amu inendet ne igochin tugul sobondo, ak kabuset, ak tuguk tugul;

1 KORINTOEK 8:4

Noto anyun eng’ amet ne bo tuguk che kieng’jin kanamonik, kingen kele mami kanamwet ne kiy eng’ ng’ony, ama mi Jehovah age kobate agenge.

1 TIMOTEO 3:6

Ama chi ne kota koyani, si ye men kobutyi kiruogetab oindet.

HEBRANIK 4:13

Ama mi kiy age tugul ne kigiyai ne ma toogu eng’ tainnyi: ago ng’ang’otin ak yatotin tuguk tugul eng’ taitab konyek che bo inendet ne tun kitetyini atebosiekyok.

NG'ANG'UTYET 9:20

Ak ma sik bik che kiga ng’et, che kima kibar eng’ korotwechoto, eng’ boisionikab eunekwak si mata kosa oik, ak kanamonikab tahabu, ak che bo feda, ak che bo sugunonik, ak che bo koik, ak che bo ketik; ak maimuchi kogeerto, anan kogasta anan kobendat:

KIRUOGIK 16:23

Ak kiiyumgei kiptainikab Pilistik si kogochi korosiot ne o, Dagon kanamwenywa, ak koboiboitu: amu kimwa kole, Kagonde kanamwennyo Samson bunyondennyo eunekyok.

1 SAMUEL 17:26

Ak king’alalji Daudi bik che kitonondos eng’ ye mi inendet, kolenji, Kiyachin nee chito ne barei Pilistindoni, ak koisto tewernatani eng’ Isrtael? Amu ng’o Pilistindoni ma kimuratan, kot koreny lugosiekab Kamuktaindet ne sobei?

1 SAMUEL 17:36

Kibar otwogindeng’ung’ tiong’ichoto tuwai, ng’etundo ak noto ne kergei ak keerit; ak igeitu Pilistindonito ma kimuratan age eng’ ichek, amu kogoreny lugosiekab Kamuktaindet ne sobei.