DANIEL 5:20 - BUKUIT NE TILIL

²⁰ Ago ye kingoeetgei eng’ muguleldanyi, ak kouuiit tamirmiriennyi koboisie menotet, kechoor eng’ ng’echerennyi ne bo laitornatet, ak kerebe torornatennyi:

Bukuit Ne Tilil

²⁰ Ago ye kingo eetkei eng' muguleldanyi ak kouiit tamirmiryennyi kot koboisye menoteet, kechoor eng' ng'echerennyi ne po laitornatet, ak kerebe toroornatennyi.

DANIEL 5:20 ပူးပေါင်းရင်းမြစ်များ

2 LAITORINIK 17:14

Ago ma cham kogas kora, ago kiiuuiit kaatwekwak ko u kaatwekab kwanisiekwak, che kima iyan Jehovah Kamuktaindenywa.

2 ATEPTAP PEETUUSYEK 32:25

Ago ma yai Hesekia kogeny ko u ye kiga kiyachi ko mie; amu kimen: konyonji anyun nereknatet inendet, ak Juda ak Jerusalem.

2 ATEPTAP PEETUUSYEK 36:13

Ak kiingelelji kogeny laitoriat Nebukadnesar, ne kiga birji koyosio eng’ Kamuktaindet: ago kiiuuiit kaatinnyi ak muguleldanyi, ma weekyigei Jehovah, Kamuktaindetab Israel.

KOMONG'U 18:11

Angen nguno anyun ale o Jehovah kosiir cheptalelisiek tugul: ee, eng’ kit ne kiyai bichoto eng’ menotet.

KOMONG'U 9:17

Ak ta ilosuge eng’ bikyuk, ak maigochi koba?

KOMONG'U 9:7

Ak kiiyokto Parao bik, ak ogeero, ma me agot agenge eng’ tugab Israel. Ago kiuuiit muguleldab Parao, ak ma chamji bik koba.

KALEWANAIK 16:18

Indoe menotet ng’emisiet, Ak indoe kachaunetab ge kabutet.

KALEWANAIK 16:5

Kit ne wechei Jehovah ko muguleldo age tugul ne menei: Agot ngo namgei eunek, ko magimetoi ama kibir.

ISAIAH 47:1

Choruge ak itebe temburiek, ee inye ne i chepto ne bergeiyat ne bo Babulon; tebe ng’ony, ye mami ng’echeretab laitornatet, ee cheptab Kaldeik: amu ma keguurenen kogeny ne cheptalbisio ak ko ng’arng’ar.

JEREMIA 13:18

Mwachi laitoriat ak kametab laitoriat, ilenji, Oming’inge, otebe ng’ony: kigobutyo chepkuloikwok, choto ko narietab torornateng’wong’.

JEREMIA 19:15

Mwaei Jehovah ne bo lugosiek, Kamuktaindetab Israel, ko u ni kole, Ogeero, aipchini nganasani ak nganasokyik tugul yaitiet tugul ne koamwa agobo nganasanito; amu koiuuiit kaatwekwak, si magas ng’alekyuk.

JEREMIA 48:18

Ee inye chepto ne itebe Dibon, choruge eng’ torornateng’ung’, ak itebi eng’ melelda; amu kagobokyin ng’emindetab Moab, kagong’em irimoiguk.

EZEKIEL 30:6

Mwaei Jehovah ko u ni kole: Ibutos agichek che tiie Misri, ak kobut menotetab kimnatennyi: kibare ichek rotwetab chok koboch teekset ne koi ne bo Sebene, mwaei Kiptaiyat Jehovah.

EZEKIEL 31:10

Kamwa anyun Kiptaiyat Jehovah ko u ni kole: Amu kiitororge eng’ koindang’ung’, ak kiitei walinnyi bolik, ak kitororit muguleldanyi amu koindanyi;

DANIEL 11:36

Ak koyai laitoriat ko u ye machei; ak kotororgei ak koeetgei kosiir cheptalelit age tugul, ak komwa tuguk che kikwong’e agobo Kamuktaindet ne bou cheptalelisiek: ak konyor inendet borotet kot kosulda neregek; amu kiyaei noto kigeng’at.

DANIEL 4:26

Ak ko u ye king’at ichek kebagakta musukyet eng’ ng’ony; inyoru kogeny bounateng’ung’, ye kainai ile bounisiei kipsengwetisiek.

DANIEL 4:28

Kibwanji laitoriat Nebukadnesar tuguchuto tugul.

DANIEL 4:37

Alosu anyun ane Nebukadnesar, ak atorori ak agonyiti Laitoriatab kipsengwet; amu bo iman boisionikyik tugul, ak ko bo kiruoget ortinwekyik: ak imuchi koming’in ichek che bendoti eng’ menotet.

DANIEL 8:8

Ak kieetgei kwesta mising’: ak ye kingo kagogimit, koil kuinet ne o; ak kimong’ kuinoik ang’wanu che toogunotin kotokyigei usonaik ang’wan che bo kipsengwet, kogeer ni ka bo tai.

LUKA 18:14

Amwawok ale, kichortagei chichoto gonnyi ko kagoek ne bo imanda kosiir nin age: amu chi age tugul ne itororigei kiming’ini; ak age tugul ne iming’inigei ko tun kitorori.

HEBRANIK 3:13

ago oteechige betut age tugul, eng’ ye ta kemwaei kele rani; si ma kiuuiit chi age tugul eng’ okwek amu kenisietab tengekto:

1 SAMUEL 6:6

Amu nee anyun si ouuiit mugulelwekwok, ko u ye kiiuuiit Misrik ak Parao mugulelwekwak? Kingo kagoyai tuguk eng’ kwong’et eng’ kwenunywa, ko tos ma chamji bichoto koba, ak kiba?