DANIEL 5:13 - BUKUIT NE TILIL

¹³ Kigimut anyun Daniel konyo taitab laitoriat. King’alal laitoriat kolenji Daniel, Tos i Daniel, ne i bo lagokab bik che kigiluul che bo Juda, che kiimutu laitoriat kwandanyu eng’ Juda?

Bukuit Ne Tilil

¹³ Ki kimut anyun Daniel konyo taitap laitoryat. Ki ng'alaal laitoryat koleenji Daniel, “Tos ii Daniel, ne ii po lagogap piik che ki kiluul che po Judah, che ki imutu laitoryat kwandanyu eng' Judah?

DANIEL 5:13 ပူးပေါင်းရင်းမြစ်များ

EZRAH 10:16

Ak kiyai ko u noto lagokab bik che kiga kiluul. Ak kigitaban tisiindet Esra, koboto kandoik alak che bo gorikab kwanisiek, kobee gorikab kwanisiekwak, ak ichek tugul ko u kainaikwak; ak kitebi ng’ony eng’ betut ne bo tai ne bo arawetab taman kogin ng’alechato.

EZRAH 10:7

Ak kimwaita eng’ Juda tugul ak Jerusalem, komwachi lagok tugul che bo bik che kiga kiluul, si kobiit koyumjigei Jerusalem.

EZRAH 4:1

Kingogas anyun bunikab Juda ak Benjamin kole kateekyi Jehovah, Kamuktaindetab Israel, hekalut, lagokab luulenik,

EZRAH 6:16

Ak kiitaban eng’ boiboiyet lagokab Israel, tisiik koboto Lawik, ak lagok tugul che ki luulenik che kiweeksei, goyoto bo Kamuktaindet.

DANIEL 1:1

Kinyo Nebukadnesar laitoriatab Babulon Jerusalem, ak koyiem eng’ kenyitab somok ne bo laitornatetab Jeoiakim laitoriatab Juda.

DANIEL 1:2

Ak kiinde Kiptaiyat eutab Nebukadnesar Jeoiakim laitoriatab Juda, koboto tuguk alak che bo gotab Kamuktaindet; ak kiib tuguchoto koba emetab Sinar agoi gotab cheptalelinnyi: ak konde tuguchoto gotab konoraik che bo cheptalelinnyi.

DANIEL 1:21

Ak kitebi Daniel agoi kenyit ne bo tai ne bo laitoriat Kirus.

DANIEL 1:6

Kimi anyun eng’ choto eng’ lagokab Juda, Daniel, Hanania, Misael, ak Asaria.

DANIEL 2:25

Komut anyun Ariok Daniel kochaktae kwo taitab laitoriat, ak kolenji, Kaanyoru chi eng’ lagokab bik che kigiluul che bo Juda, ne imuchi koborji laitoriat kaweekset.

DANIEL 2:48

Koeet anyun laitoriat Daniel, ak kogochi inendet kagochinoik che eechen, ak kogochi inendet koboi emet komugul ne bo Babulon; ak koek kiruogindet ne o ne bou bik tugul che ng’omen che bo Babulon.

DANIEL 5:11

mitei chito eng’ bounateng’ung’ ne menyei tamirmirietab cheptalelisiek che tililen; ak kiginyorji chichoto eng’ betusiekab kwandang’ung’ lapkeiyet ak naet ak ng’omnatet, ne u ng’omnatetab cheptalelisiek: ak kiinde laitoriat Nebukadnesar kwandang’ung’, ne inendet ko laitoriat kwandang’ung’, kiinde inendet koek kiptaiyatab bik che ng’omen che ng’orsei, ng’omotikab kecheik, Kaldeik ak kipsogeinik;

DANIEL 5:14

Koagas agobo inye kele menyin tamirmirietab cheptalelisiek, ak kele itinye lapkeiyet ak naet ak ng’omnatet ne siirtoot.

DANIEL 5:18

Ee laitoriandani, kiigochi Kamuktaindet ne Toror Mising’ Nebukadnesar kwandang’ung’ bounatet, ak oindo, ak torornatet, ak etunatet:

DANIEL 5:2

Ye kita koeei Belsasar Divaik, kong’at keib terenik che bo tahabu ak che bo feda che kiibu Nebukadnesar kwandanyi eng’ hekalut ne kimi Jerusalem; si kobiit koeeise laitoriat ak kiptainikyik, osotikyik ak chebaigeinikyik.

DANIEL 6:13

Kiwol anyun bichoto eng’ taitab laitoriat kole, Maiitin Daniel-inoto ne bo lagokab bik che kigiluul che bo Juda, ee laitoriandani, anan koiit ng’atutiet ne kiisir kaineng’ung’, ago saei konyil somok eng’ betut.

DANIEL 8:1

Kinyonja ane Daniel, ng’ang’utiet ne u ne kiga ageer eng’ tai, eng’ kenyit ne bo somok ne bo laitoriat Belsasar.

DANIEL 8:27

Ak kiatanui ane Daniel, amian betusiek alak; ye ibata, ang’eet, ak ayai boisietab laitoriat: ak kiakwong’e ng’ang’utionoto, ago ma biit chi ne kiiguiyo.

JOHANA 7:1

Ak kingobata tuguchu kowendot Jesu eng’ Galili: amu ma cham kowendot eng’ Judea, amu kicheng’ei Yahudik kobar inendet.

JOHANA 7:3

Kilenji anyun tupchosiekyik, Ui eng’ oli, ui agoi Judea, si kogeer alamalyeng’ung’ agichek boisioniguk che iyae.