DANIEL 5:12 - BUKUIT NE TILIL

¹² Amu kiginyorji Daniel tamirmiriet ne mie kot, ak naet, ak kaguiyet, kaweeksetab karuotitaosiek, ak ng’ang’etab ng’alek che ung’otin, ak kaborunetab tuguk che iimi bich, ne kiguure laitoriat Beltesasar. Iyokte anyun keguur Daniel, si kobor inendet kaweekset.

Bukuit Ne Tilil

¹² amu ki kinyoorchi Daniel tamirmiryet ne myee kot, naet, kaguiyet, kaaroretap karwotitaosyek, ak ng'ang'eetap ng'aleek che ung'ootiin, ak kaboorunetap tuguuk che iimi piich, ne kiguure laitoryat Belteshazzar. Iyookte anyun keguur Daniel, si koboor ineendet kaaroret.

DANIEL 5:12 ပူးပေါင်းရင်းမြစ်များ

TIENWOGIKAL 16:3

Ago eng’ che tililen che mi ng’ony, Choto ko che telutik, che mi boiboiyennyu tugul eng’ ichek.

KALEWANAIK 12:26

Chitab iman ko kandoindetab chitab kokwennyi: Ago ibeeti kiptengeginik orenywa.

KALEWANAIK 17:27

Tinyei naet ne maiseeri ng’alekyik: Ak tinyei kaguiyet inendet ne tinyei tamirmiriet ne bo muitaet.

EZEKIEL 28:3

keero, i ng’om isiir Daniel; mami ung’otiet ne imuchi ichek koung’enen:

DANIEL 1:17

Ago eng’ atebetab neranichuto ang’wan, ko kiigochi Kamuktaindet naet ak utatiet eng’ kanetetab ge tugul ak ng’omnatet: ak kitinyei Daniel kaguiyet ne bo ng’ang’utik tugul ak karuotitaosiek.

DANIEL 1:7

Ak kitochi bounindetab kiptainik ichek kainaik: koguure Daniel Beltesasar, ak koguure Hanania Sadrak, ak koguure Misael Mesak, ak koguure Asaria Abed- nego.

DANIEL 2:26

Kiwolji laitoriat Daniel, ne kigiguure Beltesaser kolenji, Tos imuchi iborua kit ne kiageer eng’ karuotitoet, ak kaweeksennyi?

DANIEL 4:19

Kitoptoben anyun ne matia Daniel, ne kigiguure Beltesasar, ak kiim inendet kabwatutikyik. Kiwolji laitoriat inendet kolenji, Beltesasar, amatingoiimin karuotitoet, anan ko kaweeksennyi. Kowolji Beltesasar kolenji, Ingobunji karuotitoet ichek che wechin, ak ingobunji kaweeksennyi buniguk.

DANIEL 4:8

Ago eng’ let, konyo Daniel tainnyu, ne kigiguure Beltesasar, ko u kainetab cheptalelinnyu, ne menyei tamirmirietab cheptalelisiek che tililen: ak kiamwachi inendet karuotitaonoto, alenji,

DANIEL 5:14

Koagas agobo inye kele menyin tamirmirietab cheptalelisiek, ak kele itinye lapkeiyet ak naet ak ng’omnatet ne siirtoot.

DANIEL 5:16

Ago koagas agobo inye kele imuchi iboru kaweeksosiek, ak iboru tuguk che iimi bich: ngot imuchi anyun isoman sirutichuto, ak iborua kaweeksennyi, kilaagun anyun ngoroik che arusen ne birir, ak kilaakyi kaating’ung’ sirimdab tahabu, ak iegu bounindet ne bo somok eng’ bounatet.

DANIEL 6:3

Kigigonyit anyun Daniel kosiir boisiechoto ak bounik, amu kitinyei tamirmiriet ne mie mising’; ak kiibwat laitoriat kole konde inendet koboi bororiet komugul.

DANIEL 6:4

Kicheng’ anyun boisiechoto koboto bounik kochaam Daniel agobo bounatet; ago ma imuch konyorji inendet ng’olyo anan ko lelut; amu ki bo iman inendet, ama kinyorji kiy ne ma litit anan ko lelut.

KOLOSAIK 1:29

abirtochinige agine noto, agiilige ko u boisiennyi, ne boisiei eng’ ane eng’ kamuktaet.