DANIEL 4:8 - BUKUIT NE TILIL

⁸ Ago eng’ let, konyo Daniel tainnyu, ne kigiguure Beltesasar, ko u kainetab cheptalelinnyu, ne menyei tamirmirietab cheptalelisiek che tililen: ak kiamwachi inendet karuotitaonoto, alenji,

Bukuit Ne Tilil

⁸ Ago eng' let, konyo Daniel tainnyu, ne ki kiguure Belteshazzar, ko uu kainetap kamuktaindennyu, ne menyei tamirmiryetap kamuktaik che tiliileen. Ki amwachi ineendet karwotitaonooto aleenji:

DANIEL 4:8 ပူးပေါင်းရင်းမြစ်များ

TAUNET 41:38

Ak kilenji Parao otwogikyik, Kimuktoi ano kenyoru chito ne u chichi ne tinyei Tamirmirietab Kamuktaindet?

ISAIAH 46:1

Abuksei Bel, ing’uruksei Nebo; laei tiong’ik ak tuga kanamonikwak: kagiyai koek milet tuguk che kioiboti, lautiet eng’ che ng’etyotin.

ISAIAH 63:11

Kiibwat anyun betusiek che bo keny, Musa, ak bikyik, kole, Mi ano inendet ne kiimut ichek kolong’une nyanjet koboto mestowek che bo akwennyi? Mi ano inendet ne kiinde Tamirmiriennyi ne tilil kwenunywa,

JEREMIA 50:2

Omwaite eng’ bororiosiek ak obarte, ak onamji barak songoliet; obarte, amouny: ole, Kageluul Babulon, kagigochi Bel kolilan, kagoarogen Merodak; kagigochi kanamonikyik kolilanso, kagoarogenso kanamonikyik.

EZEKIEL 17:23

Aminjini tulwet ne koi ne bo Israel: ak kowakta, ak koi logoek, ak koek tarakwet ne mie: ak komeny kelunnyi taritik alak tugul che tirirendos; menyei taritichoto uruetab temenikyik.

DANIEL 1:7

Ak kitochi bounindetab kiptainik ichek kainaik: koguure Daniel Beltesasar, ak koguure Hanania Sadrak, ak koguure Misael Mesak, ak koguure Asaria Abed- nego.

DANIEL 2:11

Ak ko kit ne ma bo kotugul ni kateeb laitoriat, ama mi age ne imuchi koborji laitoriat, kobate cheptalelisiek, che mamenyei ak bik.

DANIEL 2:26

Kiwolji laitoriat Daniel, ne kigiguure Beltesaser kolenji, Tos imuchi iborua kit ne kiageer eng’ karuotitoet, ak kaweeksennyi?

DANIEL 3:14

Koteebe Nebukadnesar ichek kolenji, Ee, Sadrak, Mesak, ak Abed-nego, tos kootil iman ole moote cheptalelinnyu, anan olosu kanamwetab tahabu ne koalumde?

DANIEL 4:18

Kiageer ane laitoriat Nebukadnesar tuguchuto eng’ karuotitoet: ee inye Beltesasar, mwa kaweekset, amu maimuchi bik tugul che ng’omen che bo bounatennyu koborua kaweekset; ago imuchi inye, amu menyin tamirmirietab cheptalelisiek che tililen.

DANIEL 4:9

Ee Beltesasar, bounindetab bik che ng’omen che ng’orsei, amu angen ale menyin tamirmirietab cheptalalisiek che tililen, ama mi ung’otiet ne iimin, mwawa anyun ng’ang’utikab karuotitoennyu che kiageer, ak kaweeksennyi.

DANIEL 5:14

Koagas agobo inye kele menyin tamirmirietab cheptalelisiek, ak kele itinye lapkeiyet ak naet ak ng’omnatet ne siirtoot.