DANIEL 4:6 - BUKUIT NE TILIL

⁶ Kiang’at anyun ng’atutiet ale kimut bik tugul che ng’omen che bo Babulon kobwa tainnyu, si kobiit koborua kaweeksetab karuotitoet.

Bukuit Ne Tilil

⁶ Ki ang'at anyun ng'atuutyet ale kimut piik tugul che ng'oomen che po Babilon kobwa tainnyu si kobiit koboorwo kaaroretap karwotitoet.

DANIEL 4:6 ပူးပေါင်းရင်းမြစ်များ

KOMONG'U 7:11

Kiguur agine anyun Parao bik che ng’omen ak orgoik: ak kiyai ko u noto agichek bik che ng’omen che ng’orsei che bo Misri, eng’ ng’orsenywa.

ISAIAH 8:19

Ak ye mwawok kole, Ocheng’ate ichek che boisie oik ak bonik, che twegu ko u taritik ak che nyeanyei ng’alek: tos manyoljin bik kocheng’ Kamuktaindenywa? Tos nyoljin kocheng’at che kigobek agobo che soptos?

DANIEL 1:17

Ago eng’ atebetab neranichuto ang’wan, ko kiigochi Kamuktaindet naet ak utatiet eng’ kanetetab ge tugul ak ng’omnatet: ak kitinyei Daniel kaguiyet ne bo ng’ang’utik tugul ak karuotitaosiek.

DANIEL 2:2

King’at anyun laitoriat keguur bik che ng’omen che ng’orsei, ak ng’omotikab kecheik, ak bonik ak Kaldeik si komwachi laitoriat karuotitaosiekyik. Kibwa anyun go ak kotononso eng’ taitab laitoriat.

DANIEL 2:48

Koeet anyun laitoriat Daniel, ak kogochi inendet kagochinoik che eechen, ak kogochi inendet koboi emet komugul ne bo Babulon; ak koek kiruogindet ne o ne bou bik tugul che ng’omen che bo Babulon.

DANIEL 4:15

Ago obagakte musukyennyi eng’ ng’ony, ko miroot eng’ karnet ak sugunwet, eng’ ole mi suswek che ng’orng’or; si kobutyi rewot ak kotebi koboto tiong’ik che agetos:

DANIEL 5:11

mitei chito eng’ bounateng’ung’ ne menyei tamirmirietab cheptalelisiek che tililen; ak kiginyorji chichoto eng’ betusiekab kwandang’ung’ lapkeiyet ak naet ak ng’omnatet, ne u ng’omnatetab cheptalelisiek: ak kiinde laitoriat Nebukadnesar kwandang’ung’, ne inendet ko laitoriat kwandang’ung’, kiinde inendet koek kiptaiyatab bik che ng’omen che ng’orsei, ng’omotikab kecheik, Kaldeik ak kipsogeinik;

DANIEL 5:7

Kiguurso anyun laitoriat eng’ kutit ne o kimut ng’omotikab kecheik, Kaldeik ak kipsogeinik. King’alalji laitoriat bik che ng’omen che bo Babulon, kolenji, Chi age tugul ne somani sirutichu, ak koborua kaweeksennyi, kilaakyin ngoriet ne arus ne birir, ak kilaakyi kaatinnyi sirimdab tahabu, ak koek bounindet ne bo somok eng’ bounatet.