DANIEL 4:34 - BUKUIT NE TILIL

³⁴ Ak kingogesgei betusiechoto anyal ane Nebukadnesar kipsengwet, ak koweekyagei naennyu, ak kiaweekyi kongoi Inendet ne Toror Mising, ak alosu ak agonyit inendet ne sobei koigeny; amu bounatennyi ko bounatet ne bo koigeny, ak ko bo laitornatennyi ibinwek tugul:

Bukuit Ne Tilil

³⁴ Kingo keskei peetuusyechooto, anyal anee Nebukadnezar kipsengwet, ak koweekyagei naennyu, aweekyini kongoi Ne Toroor Miising', alasu ak agoonyit ineendet ne sabei koigeny. Amu pounatennyi ko pounateet ne po koigeny, ak ko po laitornatennyi ibinwek tugul.

DANIEL 4:34 ပူးပေါင်းရင်းမြစ်များ

2 SAMUEL 22:31

Igesunotgei oretab Kamuktaindet: Kigonaak ng’olyotab Jehovah; Inendet long’etab icheget tugul che imang’u.

1 ATEPTAP PEETUUSYEK 29:10

Kolos anyun Daudi Jehovah eng’ taitab tuiyet tugul; ak kile Daudi, Iberurot inye, koigeny ak koigeny, ee Jehovah, Kamuktaindetab Israel kwandanyo.

1 ATEPTAP PEETUUSYEK 29:13

Ara anyun, Kamuktaindennyo, kimwaun kongoi, ak kilosu kaineng’ung’ ne bo torornatet.

Kitabuutap JOB 1:21

ak kile, Kigisicha ach ngor, ak aweeksei ach ngor: kigonu Jehovah, ak kagoweech Jehovah; iberurot kainetab Jehovah.

TIENWOGIKAL 10:16

Laitoriat Jehovah ne bo koigeny ak koigeny: Kigobetyo bororiosiek eng’ emennyi.

TIENWOGIKAL 102:24

Kiale, Ee Kamuktaindennyu, amemuta eng’ kwenutab betusiekyuk: Tebyei kenyisieguk agoi ibinwek tugul.

TIENWOGIKAL 107:15

Ee, kata mie kolos bik Jehovah amu mieindanyi, Ak amu boisionikyik che kikwong’e, che yachin werikab bik!

TIENWOGIKAL 107:22

Ak ingogoito korosekab kongoi, Ak komwaita boisionikyik eng’ tiendo.

TIENWOGIKAL 107:31

Ee, kata mie kolos bik Jehovah amu mieindanyi, Ak amu boisionikyik che kikwong’e, che yachin werikab bik!

TIENWOGIKAL 107:8

Ee, kata mie kolos bik Jehovah amu mieindanyi, Ak amu boisionikyik che kikwong’e, che yachin werikab bik!

TIENWOGIKAL 111:7

Boisionikab eunekyik ko imanda ak kiruoget; Isuldootin konetisiosiekyik tugul.

TIENWOGIKAL 121:1

Anyali tulonok: Bunu ano toretennyu?

TIENWOGIKAL 123:1

Anyalin, Ee inye ne tebe kipsengwetisiek.

TIENWOGIKAL 145:13

Laitornateng’ung’ ko laitornatet ne bo koigeny. Ak tebyei bounatengung’ eng’ ibinwek tugul.

TIENWOGIKAL 146:10

Laitorani Jehovah koigeny, Laitorani Kamuktaindeng’ung’ eng’ ibinwek tugul, ee Sion. Olosu Jehovah.

TIENWOGIKAL 50:14

Igochi Kamuktaindet korosiotab kongoi; Ak yaakyi Inendet ne Toror Mising’ arorutiguk:

TIENWOGIKAL 66:7

Laitorani koigeny eng’ kamuktaennyi; Keerei konyekyik bororiosiek: Amat koeetgei ngelelik.

TIENWOGIKAL 7:17

Aweekyini Jehovah kongoi ko u imandanyi: Ak atienjini kalosunet kainetab Jehovah ne Toror Mising’.

TIENWOGIKAL 9:2

Abaibaitu ak agasige eng’ inye: Atienjini kalosunet kaineng’ung’, ee, inye Ne Toror Mising’.

TIENWOGIKAL 92:1

Kit ne mie ko keweekyi kongoi Jehovah, Ak ketienji kaineng’ung’ eng’ kalosunoik, ee inye Ne Toror Mising’:

ISAIAH 13:11

Ak abir ng’ony amu yaitiennyi, ak abir kiptengeginik amu tengektanywa; ak awong’u menotetab che mendos, ak anyeroti menotetab che imuisei.

ISAIAH 2:11

Kinyeroti che ieetegei, ak kiming’ini menotetab bik, Jehovah inegei ne tororitu eng’ betunoto.

ISAIAH 24:15

Otoror anyun Jehovah eng’ kong’asis, otoror kainetab Jehovah, Kamuktaindetab Israel, eng’ ngegusiekab nyanjet.

JEREMIA 10:10

Ago Jehovah ko Kamuktaindet ne bo iman; inendet ko Kamuktaindet ne sobei, ak ko laitoriat ne bo koigeny: botani ng’ony amu neregekyik: amaimuchi komuita bororiosiek eng’ neregekyik.

RIREKAB JEREMIA 3:38

Tos mamong’une kutitab Inendet ne Toror Mising’ yaitiet ak mieindo?

DANIEL 12:7

Agas chito ne kiilaachi ngoroikab katanit, ne kimi baragutab beekab ainonoto, ye kinamjin barak eunnyi ne bo tai, ak eunnyi ne bo katam, ak koyosio eng’ inendet ne sobei koigeny, kole kobunjin kenyit, ak kenyisiek ak kebebertab kenyit; ak ye tun kagoges ichek tonet ne tonatoni kimnatetab bik che tililen, kogesgei anyun tuguchuto tugul.

DANIEL 2:44

Ak tun lumdoi Kamuktaindetab kipsengwet eng’ betusiekab laitorinichoto bounatet ne magoi king’em, ama kigochin laitornatanato boror age; ago tuatui ak koges bounatosiechuto tugul, ak tononi koigeny.

DANIEL 4:2

Kiageer ale mie abor kaborunoik ak kwong’utik che kiyaiywa Kamuktaindet ne Toror Mising’.

DANIEL 4:26

Ak ko u ye king’at ichek kebagakta musukyet eng’ ng’ony; inyoru kogeny bounateng’ung’, ye kainai ile bounisiei kipsengwetisiek.

DANIEL 4:3

Eechen ne tia kaborunoikyik! Ak kimen ne tia kwong’utikyik! Laitornatennyi ko laitornatet ne bo koigeny, ak ko bo bounatennyi ibinwek tugul.

DANIEL 4:32

Ak kionin eng’ ole mi bik, ak imeny koboto tiong’ikab timin; kigonin iagete ko u tuga, agoi kogesgei betusiek che kiging’at, konyil tisab; agoi inai ile bou Inendet ne Toror Mising’ bounatetab bik, ak kogochin age tugul ne makyin.

DANIEL 4:36

Kiweekyagei eng’ yoto naennyu; amu kiweekyagei etunatennyu ak kororonindanyu amu torornatetab bounatennyu; ak kibwa ole ami kiruogikyuk ak kiptainikyuk; ak kigigimita eng’ bounatennyu, ak kigiteswa etunatet ne kararan mising’.

DANIEL 5:18

Ee laitoriandani, kiigochi Kamuktaindet ne Toror Mising’ Nebukadnesar kwandang’ung’ bounatet, ak oindo, ak torornatet, ak etunatet:

DANIEL 5:21

ak kigion kwo eng’ ole mi bik; ak kigiyai naennyi koigei ne bo tiong’ik, ak kimeny koboto sigirokab timin; ak kigibae suswek ko u tuga, ak kiibutyi rewot bortanyi: agoi konai kole bou Kamuktaindet ne Toror Mising’ bounatetab bik, ak kogochin age tugul ne makyin koboi.

DANIEL 6:26

Ang’ate ng’atutiet ale, Ingobotanso bik che mi bounatetab laitornatennyu ak koiyweis eng’ taitab Kamuktaindetab Daniel: amu inendet ko Kamuktaindet ne sobei, ak kotebyei koigeny, ak laitornatennyi ko maging’emei, ak kotebyei bounatennyi agoi kagesunet:

DANIEL 7:14

Ak kigigochi inendet bounatet, ak torornatet, ak laitornatet, si koot inendet bik tugul, bororiosiek tugul, ak che bo kutuswek tugul: bounatennyi ko bounatetab koigeny, ne ma igesugei, ak ma tun king’emei laitornatennyi.

DANIEL 7:27

Ak tun kigochin bikab bik che tililen che bo Inendet ne Toror Mising’, laitornatet ak bounatet, ak oindab laitornatosiek che mi kureretab kipsengwet komugul: laitornatennyi ko laitornatet ne bo koigeny, ak tun otei inendet bounatosiek tugul, ak kogase it.

DANIEL 9:14

Kirib anyun Jehovah yaitiet agoi betut ne kiibwech: amu bo iman Jehovah Kamuktaindennyo eng’ boisionikyik tugul che yaei, ago ma kigas it kutinnyi.

JONAH 1:14

Kirirji anyun Jehovah kolenji, Kisomin mising’, ee Jehovah, kisomin mising’ kele, amengebegu agobo sobondab chichi, ameityech korotik che matinyei tengek: ee Jehovah, amu kaiyai inye ko u ye kecham.

MIKAH 4:7

ak ayai inendet ne ing’wali koek ne ng’etunot, ak ayai inendet ne kigetimda kolooit koek bororiet ne kim: ak koboi Jehovah ichek eng’ tulwetab Sion koboch yoto agoi koigeny.

LUKA 1:33

ak tun laitorane gotab Jakobo koigeny; ama tinyei ole igesunegei bounatennyi.

LUKA 18:13

Ago kitonon taagindetab aisurut eng’ ye loo, ak ma cham agot konyal kipsengwet, ago kiluch tegennyi, kole, Jehovah, rirena, a kiptengekyo.

JOHANA 5:26

Amu ko u ye tinyei Kwanda sobondo inegei, u noto kigogochi Werit kotepto sobondo:

NG'ATUTIK 32:4

Ruandet inendet, igesunotgei boisiennyi; Amu imanda ortinwekyik tugul: Kamuktaindet ne bo imanit ne matinyei yaitio, Bo imanda inendet ak kosuldaat.

1 TIMOTEO 1:17

Ingobunji anyun nguno Laitoriat ne bo koigeny, ne ma ng’emaksei, ne ma toogu, Jehovah ne inegei, teegisto ak torornatet koigeny ak koigeny. Amen.

1 TIMOTEO 6:16

ne tinyei inegei sobondab koigeny, ne menyei eng’ lapkeiyet ne magimuchi kerikyi; ne tomo kogeer chi, ama imuchi kogeer: ingobunji inendet teegisto ak kamuktaet koigeny. Amen

NG'ANG'UTYET 10:6

ak kiiyosio eng’ inendet ne sobei koigeny ak koigeny, ne kitau koyaei kipsengwet ak tuguk che mitei oloto, ak ng’ony ak tuguk che mi oloto, ak nyanjet ak tuguk che mi orit, kole ma komi kagaetab ge:

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

NG'ANG'UTYET 4:10

kobutyi anyun boisiechoto tiptemu ak ang’wan taitab inendet ne tebe ng’echeranato bo laitornatet, ak kogutung’ji inendet ne sobei koigeny ak koigeny, ak kowirji ng’ony kutonokwak che bo tahabu eng’ taitab ng’echeret, kolen,

NG'ANG'UTYET 4:9

Ak ye igochi tuguchoto soptos torornatet ak teegisto ak kongoi inendet ne tebe ng’echeranato bo laitornatet, inendet ne sobei koigeny ak koigeny,