DANIEL 4:33 - BUKUIT NE TILIL

³³ Kiisulda kioto sainato eng’ Nebukadnesar: ak kigion eng’ ole mi bik, ak koaget ko u tuga, ak kiibutyi rewot bortanyi, kot koeegitu sumeekyik ko u kororikab kipsichit, ak koigei siokyik che bo taritik.

Bukuit Ne Tilil

³³ Ki isulda kioto sainooto eng' Nebukadnezar. Ki kioon eng' ole mi piik, ak koaget ko uu tuuga ak ki ibutyi rewoot poortanyi, kot koeegitu suumeekyik ko uu koroorigap kipsiichit ak koigei siyookyik che po toriitik.

DANIEL 4:33 ပူးပေါင်းရင်းမြစ်များ

Kitabuutap JOB 20:5

Ile, nwach boiboiyetab kiptengeginik, Ak bo sait ne ming’in kagasetab ge ne bo ne maiywei Kamuktaindet?

ISAIAH 30:14

Ak kotui ko u ye kituei teretab cheptereniot, ne tuatui ko marire; kot ko ma kenyoru rokiet ne kiibe mat eng’ kapkoima, anan kerame beek eng’ keringet.

DANIEL 4:25

kele kionin iwe eng’ ole mi bik, ak imeny koboto tiong’ikab timin, ak kegonin iaget ko u tuga, ak kobutyin rewot, kot kogesgei betusiek che kiging’at, konyil tisab; agoi inai ile bou Inendet ne Toror Mising’ bounatetab bik, ak kogochin age tugul ne makyin.

DANIEL 4:32

Ak kionin eng’ ole mi bik, ak imeny koboto tiong’ikab timin; kigonin iagete ko u tuga, agoi kogesgei betusiek che kiging’at, konyil tisab; agoi inai ile bou Inendet ne Toror Mising’ bounatetab bik, ak kogochin age tugul ne makyin.

DANIEL 5:21

ak kigion kwo eng’ ole mi bik; ak kigiyai naennyi koigei ne bo tiong’ik, ak kimeny koboto sigirokab timin; ak kigibae suswek ko u tuga, ak kiibutyi rewot bortanyi: agoi konai kole bou Kamuktaindet ne Toror Mising’ bounatetab bik, ak kogochin age tugul ne makyin koboi.

DANIEL 5:5

Kitook eng’ sainato morikab eutab chito, ak kisir inatutab gotab laitoriat kotokyigei tait: ak kigeer laitoriat eunoto kisirisiei.

1 THESSALONIKEK 5:2

Amu ongen okweget komie ole nyonei betutab Kiptaiyat ko u chorin ne nyonei kemoi.