DANIEL 4:3 - BUKUIT NE TILIL

³ Eechen ne tia kaborunoikyik! Ak kimen ne tia kwong’utikyik! Laitornatennyi ko laitornatet ne bo koigeny, ak ko bo bounatennyi ibinwek tugul.

Bukuit Ne Tilil

³ Eechen ne tya kaboorunoikyik! Kiimeen ne tya kwang'utikyik! Laitornatennyi ko laitornatet ne po koigeny, ak ko po pounatennyi ibinwek tugul.

DANIEL 4:3 ပူးပေါင်းရင်းမြစ်များ

Kitabuutap JOB 25:2

Mi koboto inendet bounatet ak kaiyweisiet; Yaei kalyet eng’ komoswekyik che tororen.

TIENWOGIKAL 104:24

Ee Jehovah, chang’ ne tia boisioniguk! Kiiyai tugul eng’ ng’omnatet: Nyiitat ng’ony magornatosieguk.

TIENWOGIKAL 105:27

Kiinde kwenunywa kaborunoikyik, Ak kwong’utikyik eng’ emetab Ham.

TIENWOGIKAL 145:13

Laitornateng’ung’ ko laitornatet ne bo koigeny. Ak tebyei bounatengung’ eng’ ibinwek tugul.

TIENWOGIKAL 66:7

Laitorani koigeny eng’ kamuktaennyi; Keerei konyekyik bororiosiek: Amat koeetgei ngelelik.

TIENWOGIKAL 72:18

Iberurot Jehovah Kamuktaindet, Kamuktaindetab Israel, Ne inegei ne yaei tuguk che bo kwong’et:

TIENWOGIKAL 77:19

Kimi oreng’ung’ nyanjet, Ak kimi ortinweguk beek che kimen, Ak kimanaak tiegutiguk.

TIENWOGIKAL 86:10

Amu i o, ak iyae kwong’utik; I Kamuktaindet inyege.

TIENWOGIKAL 92:5

Eechen ne tia boisioniguk, ee Jehovah! Matinyei ole bochin kabwatutiguk.

ISAIAH 25:1

Ee, Jehovah, i Kamuktaindennyu; atororin, alosu kaineng’ung’; amu kiiyai tuguk che kikwong’e, kiruogutik che bo keny, eng’ imanda ak eng’ imanit.

ISAIAH 28:29

Bunu nito agine Jehovah ne bo lugosiek, ne kikwong’e kiruogennyi, ak kogesunotgei eng’ ng’omnatet.

ISAIAH 9:7

Mami ole igesunegei tesetab ge ne bo bounatennyi ak kalyet, eng’ ng’echeret ne bo laitornatetab Daudi, ak laitornatennyi, si kogimit, ak koboi eng’ kiruoget ak imanda koboch nguno agoi koigeny. Yaei nito kagiiletab ge ne bo Jehovah ne bo lugosiek.

JEREMIA 10:10

Ago Jehovah ko Kamuktaindet ne bo iman; inendet ko Kamuktaindet ne sobei, ak ko laitoriat ne bo koigeny: botani ng’ony amu neregekyik: amaimuchi komuita bororiosiek eng’ neregekyik.

DANIEL 2:2

King’at anyun laitoriat keguur bik che ng’omen che ng’orsei, ak ng’omotikab kecheik, ak bonik ak Kaldeik si komwachi laitoriat karuotitaosiekyik. Kibwa anyun go ak kotononso eng’ taitab laitoriat.

DANIEL 2:44

Ak tun lumdoi Kamuktaindetab kipsengwet eng’ betusiekab laitorinichoto bounatet ne magoi king’em, ama kigochin laitornatanato boror age; ago tuatui ak koges bounatosiechuto tugul, ak tononi koigeny.

DANIEL 4:17

Bunu kiruogoni ng’atutietab ribik, ak bunu magonato ng’olyotab icheget che tililen: si kobiit konai che soptos kole bou Inendet ne Toror Mising’ bounatetab bik, ak kogochin age tugul ne makyin, ak koeeti bik che nyerotin mising’ koboi.

DANIEL 7:14

Ak kigigochi inendet bounatet, ak torornatet, ak laitornatet, si koot inendet bik tugul, bororiosiek tugul, ak che bo kutuswek tugul: bounatennyi ko bounatetab koigeny, ne ma igesugei, ak ma tun king’emei laitornatennyi.

DANIEL 7:27

Ak tun kigochin bikab bik che tililen che bo Inendet ne Toror Mising’, laitornatet ak bounatet, ak oindab laitornatosiek che mi kureretab kipsengwet komugul: laitornatennyi ko laitornatet ne bo koigeny, ak tun otei inendet bounatosiek tugul, ak kogase it.

ROMANIK 11:33

Ee tianitu anyun oindo ne bo magornatosiekab ng’omnatet ak naetab Jehovah! Ak kiruogutikyik che maisiagaksei, ak ortinwekyik che ma cheng’oksei!

NG'ATUTIK 4:34

Anan kitiem Kamuktaindet au komutyigei bororiet eng’ bororiet age, eng’ tiemisiosiek, eng’ kaborunoik, ak eng’ kwong’utik, ak eng’ boriet, ak eng’ eut ne kim, eng’ eut ne chuulat, eng’ kamuisosiek che eechen, ko u tugul che kiyaiywok Jehovah Kamuktaindeng’wong’ eng’ Misri eng’ taitab konyekwok?

1 TIMOTEO 1:17

Ingobunji anyun nguno Laitoriat ne bo koigeny, ne ma ng’emaksei, ne ma toogu, Jehovah ne inegei, teegisto ak torornatet koigeny ak koigeny. Amen.

HEBRANIK 1:8

Ago kimwa agobo Werit kole, Ee, Jehovah, tebyei koigeny ak koigeny ng’echereng’ung’ ne bo laitornatet; Siaritab imanda siaritab bounateng’ung’.

HEBRANIK 2:4

ak kibaoriani agine Jehovah koboto icheget, eng’ kaborunoik ak kwong’utik, ak eng’ kamugosiek che terotin, ak eng’ kagoitaosiekab Tamirmiriet ne Tilil, ko u magennyi.

1 PETERO 4:11

ngo ng’alali chi, kong’alal ko u arorutikab Jehovah; ngo boisiei chi, kobois eng’ kimnatet ne igochin Jehovah: si kobiit kitoror Jehovah eng’ tuguk tugul eng’ Jesu Kristo, ne nenyi torornatet ak kimnatet koigeny ak koigeny. Amen.

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.