DANIEL 4:27 - BUKUIT NE TILIL

²⁷ Noto anyun, ee laitoriandani, ingochamak kiruogennyu eng’ inye, ak itabanege tengekwogiguk, ye iyae imanda, ak itabanege yaitwogiguk ye irire kibananok; si kotesak kalyeng’ung’.

Bukuit Ne Tilil

²⁷ Nooto anyun, ee laitoryat, ingochamak kirwoogennyu eng' inyee, ak itabaanegei tengekwogiguk ye iyae imanda, ak itabaanegei yaitwogiguk ye iriiree kibananook; si kotesak kalyeng'ung'.

DANIEL 4:27 ပူးပေါင်းရင်းမြစ်များ

TAUNET 11:4

Ak kimwa kole, Obwa keteekyigei nganaset, ak keteech teekset age ne koi ne togostoi barak, ne itei kimonjogunnyi kipsengwetisiek, si keyaige keegu che toogunotin, si mata keyeste eng’ ng’ony komugul.

1 LAITORINIK 21:29

Igeere ole iming’indogei Ahab eng’ tainnyu? Amu iming’inegei eng’ tainnyu, ko maibu yaitiet eng’ betusiekyik: ago aipchini yaitiet gonnyi eng’ betusiekab werinnyi.

TIENWOGIKAL 119:46

Amwaitoi agine baornatosieguk eng’ taitab laitorinik, Amalilani.

KALEWANAIK 11:2

Ye nyo menotet, konyo agine kalilanet: Ago mi ng’omnatet ak che iming’inegei.

KALEWANAIK 16:6

Kiundoi yaitiet eng’ rirenet ak iman: Ak istoegei bik yaitiet ye iywei Jehovah.

KALEWANAIK 28:13

Manyoru berurto inendet ne unyei bistaosiekyik: Ago nyoru rirenet age tugul ne ng’anyei ak kometo.

ISAIAH 10:13

Amu kigomwa kole, Kiayai nito eng’ kimnatetab eunnyu, ak eng’ ng’omnatennyu; amu a ng’om; ak kiaiste kiwotosiekab bororiosiek, ak kiarebe konoraikwak, ak kiaming’in ichek che tebe ng’echerokab laitornatet, ko u chito ne nyigan:

ISAIAH 47:10

Amu kiimang’u sogornateng’ung’; kiile, Mami chi ne keera; kigomaasin ng’omnateng’ung’ ak naeng’ung’: ak kiimwa eng’ muguleldang’ung’ ile, Anendet, mami age kobatena.

ISAIAH 47:8

Kas nito anyun, inye ne ichame ureriosiek, ne imeng’isiei, ameiiti kiy, ne imwae eng’ muguleldang’ung’ ile, Anendet, ama mi age kobatena; matebye ko u mosok, ama begunena lagok:

JEREMIA 29:7

Ak ocheng’ji kalyet nganaset ne kiachamde keluuljok, ak osa Jehovah agobo nganasanato: amu onyoru kalyet eng’ kalyetab nganasanato.

JEREMIA 38:20

Ago kile Jeremia, Maigoitoin. Kasain ale, kas kutitab Jehovah eng’ chuto amwaun: si kobiit komieit eng’ inye, ak kosob sobondang’ung’.

EZEKIEL 18:7

ak tom koyachi chi kiy ne ya, ago kogoweekta kit ne kiginame besendo, koweekyi chito ne kiginame besendo, koweekyi chito ne kiyaachei, ama rebe chi kiy eng’ koromnatet, ak kigogochi amitwogik chito ne amei rubet, ak kolaaksechi ne mi ach ngor;

EZEKIEL 29:3

ng’alal, ak imwa ile, Mwaei Kiptaiyat Jehovah ko u ni kole; Keero, aborienen, inye Parao laitoriatab Misri, maswetit ne o ne rue kwenutab ainosiekyik, ne kigomwa kole, Ainennyu ko nenyu anege, kiayachinige.

EZEKIEL 29:9

Ak koguber emetab Misri ak koek karaita, si konai kole a Jehovah; amu kigomwa kole, Nenyu ainet, ane ne kiayae.

JOEL 2:14

Ng’o ne ingen ngo tos ma week ak kowal kabwatutikyik, ak kobagakta kaberuret eng’ ole kabunei, agot kagochinetab busiek ak kagochinet ne kieei ne kigochin Jehovah Kamuktaindeng’wong’?

AMOS 6:13

okwek che oboiboitune kit ne bo buch, che omwae ole, Tos ma kiib eng’ kimnatennyo kuinoik kobunjech?

JONAH 3:9

Ng’o ne ingen ngo tos ma week Kamuktaindet ak kowal kabwatutikyik, ak kometo neregekyik che koromen, si ma kibegu?

HABAKUK 1:11

Iwiktogei ko u usonet, ak kosiirto, ak konam ng’ogisto: inendet ne cheptalelinnyi kimnatennyi.

SEPANIA 2:15

Ni nganaset ne baibai ne maiiti kiy, ne kimwa eng’ muguleldanyi kole, Ane kityo, mami age kobatena: kagoek karatia ne tia, ole ruitos tiong’ikab timin! Renyei inendet age tugul ne siirtoi, ak kong’wereri.

MATAYO 3:8

Oi anyun logoek che nyoljin sigunet:

LUKA 11:41

Ogoite kagochinoik che bo tuguk che mi orit; ak ogeero, tililitu tuguk tugul eng’ okwek.

POISYONIGAP CHE KIYOKTOI 24:25

Ak ye kita kong’alali agobo imanda, ak ribetab ge, ak kiruoget ne nyonei, koiyweis Peliki, ak kowol kole, Ui korok; ak ye tun anyoru boroindo ne mie, aguurin.

POISYONIGAP CHE KIYOKTOI 26:20

ago kiaborji che mi Damasko korok, ak eng’ Jerusalem, ak eng’ emet komugul ne bo Judea, ak eng’ Bororiosiek agichek, si kosik ak koyan Jehovah, koyaei boisionik che nyoljin sigunet.

POISYONIGAP CHE KIYOKTOI 8:22

Sigu anyun eng’ tengeging’ung’et, ak isa Kiptaiyat, tamangab kenyoun kaat amu kabwatetab muguleldang’ung’.

2 KORINTOEK 5:11

Amu kingen anyun kaiyweisietab Kiptaiyat, kichuutu bik, ago kibortaech eng’ taitab Jehovah; ak amang’u ale kibortoech eng’ taitab kabwateng’wong’.

GALATYEK 5:13

Amu okwek che kitupche, ko kigiguurjok katiaget; ago moboisie katiageng’wong’ koek boroindo ne bo borto, ago oboisiechige okwege eng’ okwege eng’ chamnyet.

GALATYEK 5:22

Ago logoiyotab Tamirmiriet ko chamnyet, boiboiyet, kalyet, muitaet, talasiet, mieindo, atepto ne kiyani,

GALATYEK 5:6

Amu eng’ Kristo Jesu ko matilei kiy kamuratanet, anan ngo ma kimuratan; ago kayanet ne boisiei eng’ chamnyet.

EPESOEK 4:28

Inendet ne kigochorso ko matata kochorso: ago kaigai kobois, koyai eng’ eunekyik noto mie, si kobiit kosich kit ne igochin inendet ne banani.

NG'ATUTIK 24:13

iweekyi kinnyi ko karorokto asista, si kobiit kotugegei ye ruei ak koberurin: ak koek noto imanda eng’ inye eng’ taitab Jehovah Kamuktaindeng’ung’.

NG'ATUTIK 32:27

Nda kima aiywei tagisietab bunyot, Si maibwat bunikwak berberindo, Ak komwa kole, Kagotororit eunnyo, Ak ma yai Jehovah choto tugul.

NG'ATUTIK 8:17

ak ile eng’ muguleldang’ung’, Kagona kimnatennyu ak kamugetab eunnyu magornatoni.

1 PETERO 4:8

ne siirei tuguk tugul ko ochamnye mising’ okwege; amu tuchei chamnyet chang’indab tengekwogik: