DANIEL 4:19 - BUKUIT NE TILIL

¹⁹ Kitoptoben anyun ne matia Daniel, ne kigiguure Beltesasar, ak kiim inendet kabwatutikyik. Kiwolji laitoriat inendet kolenji, Beltesasar, amatingoiimin karuotitoet, anan ko kaweeksennyi. Kowolji Beltesasar kolenji, Ingobunji karuotitoet ichek che wechin, ak ingobunji kaweeksennyi buniguk.

Bukuit Ne Tilil

¹⁹ Ki toptoben anyun ne matya Daniel, ne ki kiguure Belteshazzar, ak kiim ineendet kabwaatutikyik. Ki mwachi `laitoryat ineendet koleenji, “Beltesasar, amat ingoiimin karwotitoet, anan ko kaarorennyi.” Kowol Belteshazzar kole, ingobunji karwotitoet icheek che wechin, ak ingobunji kaarorennyi puuniguk!

DANIEL 4:19 ပူးပေါင်းရင်းမြစ်များ

TAUNET 31:35

Ak kilenji Rael kwandanyi, Amat konerekya kiptaiyandennyu, amu mamuchi ang’eet eng’ taing’ung’; amu kanama atebetab kwonyik. Ak kicheng’ kot, ak kima nyor kanamonik.

TAUNET 32:18

Ilenji anyun, Bo otwogindeng’ung’ Jakobo; kagochinet ne kiyokyin kiptaiyandennyu Esau: ak nyonei inendet eng’ let.

TAUNET 40:12

Ak kilenji Josep inendet, Ye kiweech ko u ni: temenichoto somok ko betusiek somok:

1 LAITORINIK 18:7

Ak kingomi oret Obadia, kotuiye Elija: ak kiinyit inendet, ak kobutyi ng’ony, ak kole, Inye nito, kiptaiyandennyu Elija?

KOMONG'U 32:32

Ago nguno, ngicham inyochi kaat tengektanywa; ak ngo ma u noto asomin ale, iistaa eng’ bukuing’ung’ ne kiisir.

JEREMIA 29:7

Ak ocheng’ji kalyet nganaset ne kiachamde keluuljok, ak osa Jehovah agobo nganasanato: amu onyoru kalyet eng’ kalyetab nganasanato.

JEREMIA 4:19

Moennyu, moennyu! Atinye ng’wanindo eng’ muguleldanyu orit: rukrugeni muguleldanyu; mamuchi asis; amu kaigas, ee sobondanyu, cheetab iriaget, waagatab luget.

DANIEL 1:7

Ak kitochi bounindetab kiptainik ichek kainaik: koguure Daniel Beltesasar, ak koguure Hanania Sadrak, ak koguure Misael Mesak, ak koguure Asaria Abed- nego.

DANIEL 2:26

Kiwolji laitoriat Daniel, ne kigiguure Beltesaser kolenji, Tos imuchi iborua kit ne kiageer eng’ karuotitoet, ak kaweeksennyi?

DANIEL 2:37

Ee laitoriandani, i laitoriatab laitorinik, ne kogogochi Kamuktaindetab kipsengwet bounatet, kamuget, ak kimnatet ak torornatet;

DANIEL 4:24

Ni anyun kaweeksennyi, ee laitoriandani, noto ng’atutietab Inendet ne Toror Mising’, ne kanyonji kiptaiyandennyu laitoriat:

DANIEL 5:12

Amu kiginyorji Daniel tamirmiriet ne mie kot, ak naet, ak kaguiyet, kaweeksetab karuotitaosiek, ak ng’ang’etab ng’alek che ung’otin, ak kaborunetab tuguk che iimi bich, ne kiguure laitoriat Beltesasar. Iyokte anyun keguur Daniel, si kobor inendet kaweekset.

DANIEL 5:18

Ee laitoriandani, kiigochi Kamuktaindet ne Toror Mising’ Nebukadnesar kwandang’ung’ bounatet, ak oindo, ak torornatet, ak etunatet:

DANIEL 5:19

kibotanso ak koiyweis eng’ tainnyi bik tugul, bororiosiek tugul, ak che bo kutuswek tugul, amu oindo ne kiigochi inendet: kibarei ne kimachei kobar, ak kibagaktoi kosob ne kimakyin kosob; kiieeti ne kimachei koeet, ak kiiming’ini ne kimachei koming’in.

DANIEL 7:15

Ago kiarogen ane Daniel eng’ tamirmiriennyu, ak kiima ng’ang’utik che kibwa metinnyu.

DANIEL 7:28

Igesunegei yuto ng’olyondonoto. Kiima mising’ kabwatutikyuk, ane Daniel, ak kiwalak togennyu: ago kiagonore muguleldanyu ng’olyondonoto.

DANIEL 8:27

Ak kiatanui ane Daniel, amian betusiek alak; ye ibata, ang’eet, ak ayai boisietab laitoriat: ak kiakwong’e ng’ang’utionoto, ago ma biit chi ne kiiguiyo.

HABAKUK 3:10

Kiiyweis tulonok ye kigeerin; Kisiirto usonetab nyanjet; Kitul riret, Ak konamji barak eunekyik.

1 SAMUEL 1:15

Ak kiwol Hana kole, Achicha, kiptaiyandennyu, a kwondo ne tinyei tamirmiriet ne tinyei arogenet: ma aee divaik anan ko maiyek, ago karong’ji sobondanyu taitab Jehovah.

1 SAMUEL 24:8

Yeityo kong’eet Daudi agine, ak kwo eng’ kebenet, ak komwachi Saul eng’ kutit ne o, kole, Kiptaiyandennyu laitoriat. Ak kingogusgong’ Saul, kong’uruk Daudi, kot kotiiny toget ng’ony, kogutung’ji.

1 SAMUEL 26:15

Ak kilenji Daudi Abner, Tos, ma i muren? Ng’o ne ogerge eng’ Israel? Amu nee anyun si merib kiptaiyandeng’ung’ laitoriat? Amu konyo chi eng’ bik konyo kobar lairtoriat kiptaiyandeng’ung’.

1 SAMUEL 3:17

Ak kile, Nee kit ne komwaun Jehovah? Asomin ale, ameung’ena ng’olyondonoto: ingoyaun ko u noto Kamuktaindet, ak ne siirei noto, ngot iung’ena kiy age tugul eng’ tuguk tugul che komwaun inendet.