DANIEL 4:17 - BUKUIT NE TILIL

¹⁷ Bunu kiruogoni ng’atutietab ribik, ak bunu magonato ng’olyotab icheget che tililen: si kobiit konai che soptos kole bou Inendet ne Toror Mising’ bounatetab bik, ak kogochin age tugul ne makyin, ak koeeti bik che nyerotin mising’ koboi.

Bukuit Ne Tilil

¹⁷ Punu kirwoogoni ng'atuutyetap riibiik, ak punu ma ko nooto ng'olyootap icheeget che tiliileen, si kobiit konai che saptos kole pou Ne Toroor Miising' pounatetap piik, ak kogoochin age tugul ne makyin, ak koeeti piik che nyerootiin miising' koboi.

DANIEL 4:17 ပူးပေါင်းရင်းမြစ်များ

1 LAITORINIK 21:25

(Ago kitom kobiit age ne kiigei Ahab ne kialdagei koyai yaitiet eng’ taitab Jehovah, ne kiing’eetyin Jesebel osotiondennyi.

2 ATEPTAP PEETUUSYEK 28:22

Ak kites kosiir kongelelji Jehovah eng’ betusiekab nyalildanyi, laitoriandanito Ahas.

TIENWOGIKAL 103:19

Kigogimit Jehovah ng’echerennyi ne bo laitornatet eng’ kipsengwetisiek; Ak bou laitornatennyi tugul:

TIENWOGIKAL 12:8

Bendi kiptengeginik komoswek tugul, Ye eetu yaitiet eng’ kwenutab bik.

TIENWOGIKAL 9:16

Kigoborgei Jehovah, kigoruoch: Kigonam kiptengekyot boisietab eunekyik. Higaion.

KOMONG'U 9:16

ago iman kaachamun itebi, si kobiit aborun kimnatennyu, ak si kobiit kemwaita kainennyu eng’ ng’ony komugul.

ISAIAH 6:3

Ak kitwekyi age age kolenji, Tilil, tilil, tilil, Jehovah ne bo lugosiek: nyiitat ng’ony komugul torornatennyi.

ISAIAH 6:8

Ak kiagas kutitab Kiptaiyat kolen, Ayokte ng’o, ng’o ne wendi agobo achek? Kiale anyun, Ami yu; iyokta.

EZEKIEL 25:17

Ak ayaakyi ichek mugetut ne korom, eng’ keretab kong’ ne ng’wan; si konai kole a Jehovah, ye ayaakyini ichek mugetut.

EZEKIEL 7:24

Amutu anyun bik che yaach mising’ eng’ bororiosiek, ak konam gorikwak kobunji: ak agesu kogeny menotetab che kimen; ak king’wanit komoswekwak che tililen.

DANIEL 11:21

Ak kogeer inendet chito age ne kasasei, ne kima igochi ichek teegistab bounatet: ago tun nyonei eng’ betusiekab kalyet, ak konam bounatet eng’ mwaikutnatet.

DANIEL 2:21

ak kowalei betusiek ak kenyisiek; istoi laitorinik, ak koeeti laitorinik; igochin ng’omnatet che ng’omen, ak kogochin naet ichek che ingen kaguiyet:

DANIEL 4:2

Kiageer ale mie abor kaborunoik ak kwong’utik che kiyaiywa Kamuktaindet ne Toror Mising’.

DANIEL 4:25

kele kionin iwe eng’ ole mi bik, ak imeny koboto tiong’ikab timin, ak kegonin iaget ko u tuga, ak kobutyin rewot, kot kogesgei betusiek che kiging’at, konyil tisab; agoi inai ile bou Inendet ne Toror Mising’ bounatetab bik, ak kogochin age tugul ne makyin.

DANIEL 7:25

Ak komwa ng’alek che kirindoi Inendet ne Toror Mising’, ak koiim mising’ bik che tililen che bo Inendet ne Toror Mising’: ak kilen inendet kowal betusiek ak ng’atutik; ak kigochi koboi agoi kobek kenyit, ak kenyisiek, ak kebebertab kenyit.

ROMANIK 13:1

Ingogas it chi tugul bounatosiek che eechen: amu mami bounato, kobate ne bunu Jehovah; ak kiindoi Jehovah choto mitei.

1 KORINTOEK 1:28

ak kilewen Jehovah tuguk che ma toogunotin che bo ng’ony, ak tuguk che kisasei, ak tuguk che mamitei, si kowal koek buch tuguk che mitei:

1 TIMOTEO 5:21

Kang’atin anyun eng’ taitab Jehovah, ak Kristo Jesu, ak malaikaisiek che lewenotin, ale irib tuguchuto amesib itil kiruoget, ameyae kiy age tugul eng’ tiytiet.

NG'ANG'UTYET 4:8

Ak nyiitotin tiong’ichoto ang’wan soptos konyek, komoswek tugul ak orit, kotinyei age tugul kebebaik lo: ama imuunyi ichek bet ak kemoi, komwaei kolen, Tilil, tilil, tilil, Kiptaiyat Jehovah, Kamuktaindet, ne kimi ak komi ak kotun nyonei.

1 SAMUEL 2:8

Ing’eeti kibananok komong’une temburiek, Kanabu eng’ kapng’atat che matinyei kiy, Si kogochi kotebi ak bounik, Ak kosich ng’echeretab torornatet: Amu bo Jehovah tolochikab ng’ony, Ak kiinde ng’onyut kotonone choto.