DANIEL 4:16 - BUKUIT NE TILIL

¹⁶ ingowalak naennyi si maigei ne bo chi, ak ingigochi inendet naet ne bo tiondo; ak ingoteb ko u noto kot kogesgei betusiek che kiginag’at, konyil tisab.

Bukuit Ne Tilil

¹⁶ Ingowalak naennyi si ma igei ne po chii, ak ingigoochi ineendet naet ne po tyondo. Ak ingotep ko uu nooto kot kogeskei peetuusyek che ki king'at, konyil tisap.

DANIEL 4:16 ပူးပေါင်းရင်းမြစ်များ

2 SAMUEL 18:32

Ak kilenji laitoriat Kusindet, Chamegei nerananato Absalom? Ak kiwolji Kusindet kole, Ingoigei bunikab kiptaiyandennyu laitoriat, ak bik tugul che ng’eetyinin kole kobarin, kit ne kaigei nerananato.

ISAIAH 6:10

Yai mugulelwekab bichu konyigisitu, ak kotimogis itikwak, ak kogerogis konyekwak, si mageertoe konyekwak, ama kastoe itikwak, anan koguiyo eng’ mugulelwekwak, ak kowalogis, ak kisoob.

DANIEL 11:13

Ak koweeigei laitoriatab murot ne bo katam, kochob luget ne o kosiir ni ka bo tai; ak konyo ko kagobata betusiek, choto ko kenyisiek alak, koboto luget ne o ak tuguk che chang’.

DANIEL 12:7

Agas chito ne kiilaachi ngoroikab katanit, ne kimi baragutab beekab ainonoto, ye kinamjin barak eunnyi ne bo tai, ak eunnyi ne bo katam, ak koyosio eng’ inendet ne sobei koigeny, kole kobunjin kenyit, ak kenyisiek ak kebebertab kenyit; ak ye tun kagoges ichek tonet ne tonatoni kimnatetab bik che tililen, kogesgei anyun tuguchuto tugul.

DANIEL 4:23

Ak ko u ye kigeer laitoriat ribindet ne tilil kochorugei eng’ kipsengwet ak kole, Oeb ketit ak ong’em; ago obagakte musukyennyi eng’ ng’ony, ko miroot eng’ karnet ak sugunwet, eng’ ole mi suswek che ng’orng’or; si kobutyi rewot, ak kotebi koboto tiong’ikab timin, kot kogesgei betusiek che kiging’at, konyil tisab.

DANIEL 4:25

kele kionin iwe eng’ ole mi bik, ak imeny koboto tiong’ikab timin, ak kegonin iaget ko u tuga, ak kobutyin rewot, kot kogesgei betusiek che kiging’at, konyil tisab; agoi inai ile bou Inendet ne Toror Mising’ bounatetab bik, ak kogochin age tugul ne makyin.

DANIEL 7:25

Ak komwa ng’alek che kirindoi Inendet ne Toror Mising’, ak koiim mising’ bik che tililen che bo Inendet ne Toror Mising’: ak kilen inendet kowal betusiek ak ng’atutik; ak kigochi koboi agoi kobek kenyit, ak kenyisiek, ak kebebertab kenyit.

DANIEL 7:28

Igesunegei yuto ng’olyondonoto. Kiima mising’ kabwatutikyuk, ane Daniel, ak kiwalak togennyu: ago kiagonore muguleldanyu ng’olyondonoto.

HEBRANIK 1:11

Betos choto; ago itebye inye agoi: Ak osegitu tugul ko u ngoriet;

NG'ANG'UTYET 12:14

Ak kigigochi kwonyoto kebebaik aeng’ che bo kipsichit ne o, si kobiit kotirirene kwo ong’atet agoi oldanyi, ole kibae, eng’ betusiek, ak betusiek alak, ak kebebertab betusiek, koistoegei togetab erenet.