DANIEL 3:6 - BUKUIT NE TILIL

⁶ ak age tugul ne maibutyin ng’ony ak kolos, kewirjin mat ne o, ne lalei mising’, eng’ sainato.

Bukuit Ne Tilil

⁶ Ak age tugul ne ma ibutyin ng'wony ak kolas, kewiirchin eng' sainooto maat ne oo ne lalei miising'.

DANIEL 3:6 ပူးပေါင်းရင်းမြစ်များ

TAUNET 19:28

ak kitobendo kogeerot olin bo Sodom ak Gomora, agot emet tugul ne bo atebwet, ak kigeer iyeto ne bo emet kotogostoi ko u iyeto ne bo mat ne o mising’.

KOMONG'U 20:5

ameng’urukyi anan iot ichek: amu ane Jehovah Kamuktaindeng’ung’, ko a Kamuktaindet ne ama ng’etkong’, ageerjini lagok tengektab kwanisiekwak, agoi ibindab somok ak ne bo ang’wan eng’ ichek che wecha,

ISAIAH 44:17

ak koyae che ng’etu cheptalelit, noto kanamwennyi ne kiwaei: ibutyin ak kogutung’jin, ak kosaei, kole, Sorua; amu i cheptalelinnyu.

JEREMIA 29:22

ak komwaei luulenik tugul che bo Juda che mi Babulon, eng’ chubisiet kole, Ingoyain Jehovah iige Sedekia ak Ahab, che kiwatan laitoriatab Babulon eng’ ma;

DANIEL 2:5

Kiwolji laitoriat Kaldeik kolenji, Bo iman ng’olyot ne kaatil ale: ngot ko moborua karuotitaonoto ak kaweeksennyi, ketonatonok, ak koek gorikwok kapng’atat.

DANIEL 3:11

ak age tugul ne maibutyin ng’ony ak kolos, kewirjin mat ne o ne lalei mising’.

DANIEL 3:15

Ngot ochoboge anyun eng’ sait ne kogas cheetab igondit, ndurerut, ketubet, chepkesemit, kibugandet ak ndurerut ne o, koboto tienwogik alak tugul, obutye ng’ony ak olosu kanamwet ne koayai, komieitu: ago ngot ko molosu, kewirjinok mat ne o ne lalei mising’, eng’ sainato; ak ng’o cheptalelit ne tos soruok eng’ eunnyu?

DANIEL 3:21

Kigiratita anyun bichoto ngoroikwak ak che taae metowekwak, ak ngoroikwak che koen, koboto ngoroikwak alak, ak kigiwirji maata o kolalei mising’.

DANIEL 3:7

Kingogas anyun bik tugul cheetab igondit, ndurerut, ketubet, chepkesemit, kibugandet, koboto tienwogik alak tugul, kobutyi ng’ony bik tugul, bororiosiek, ak che bo kutuswek che ter, ak kolos kanamwetab tahabu ne kiga kolumda laitoriat Nebukadnesar.

DANIEL 5:19

kibotanso ak koiyweis eng’ tainnyi bik tugul, bororiosiek tugul, ak che bo kutuswek tugul, amu oindo ne kiigochi inendet: kibarei ne kimachei kobar, ak kibagaktoi kosob ne kimakyin kosob; kiieeti ne kimachei koeet, ak kiiming’ini ne kimachei koming’in.

DANIEL 6:7

Kogong’alaljigei boisiek tugul che bo bounatet, kiptainik, ak bounik, bikab kapkiruok ak kiruogik, kole kogimit ng’atutiet ne bo kaplaitoriat, ak kong’at ng’atutiet ne kim, kole, age tugul ne somei kiy cheptalelit age tugul anan ko chi eng’ betusiek sosom, kobatenen, inye, ee laitoriat, kewirjin keringetab ng’etunyik.

MATAYO 13:42

ak kowirji mat ne o: egu eng’ oloto kateeiyet ak nyeetab kelek.

MATAYO 13:50

ak kowirji mat ne o: egu eng’ oloto kateeiyet ak nyeetab kelek.

MATAYO 4:9

ak kolenji, Agonin tuguchu tugul, ngibutya iloswa.

MARIKO 6:27

Ak ngunoto koyokto laitoriat askarindet age eng’ che kiripsei, ak kong’at keib konyo metitab Johana: kiwa anyun kotil metit eng’ korgoret,

NG'ANG'UTYET 14:11

ak kotogostoi iyetab ng’wanindanywa koigeny ak koigeny; ama tinyei kamuung’et bet ak kemoi, ichek che ilosu tiondo ak kanamwennyi, ak age tugul ne nyoru berutietab kainennyi.

NG'ANG'UTYET 9:2

Ak kiyat keringonoto; ak kitogosta iyeto komong’une keringonoto, ne u iyeto ne bo mat ne o mising’; ak koimenit asista ak soet amu iyetab keringonoto.