DANIEL 3:4 - BUKUIT NE TILIL

⁴ Kimwa anyun ng’alindet ne mwaitoi ng’alek, eng’ kutit ne o, kole, Kaging’atak, ee bichu, bororiosiechu, ak che o bo kutuswek che ter, kele,

Bukuit Ne Tilil

⁴ komwa anyun ng'alaalindet ne mwaitoi ng'aleek eng' kutit ne oo kole kaging'atak, okweek piik, pororyosyek ak che oo po kutusweek che teer, keele,

DANIEL 3:4 ပူးပေါင်းရင်းမြစ်များ

ESTA 8:9

Kigiguur anyun sirikab laitoriat betunoto, eng’ arawetab somok, noto ko arawetab Siban, eng’ betutab tiptem ak somok ne bo arawanato; kigisir ko u tuguk tugul che kiga ng’atyi Mordekai Yahudik, ak kandoik, ak bounik, ak kiptainikab emotinwek, che kimi kong’eete India agoi Etiopia, emotinwek bogol ak tiptem ak tisab, ak kigisirji emet age tugul eng’ sirutikyik, ak bororiet age tugul eng’ kutinywa, ak kigisirji Yahudik ko u sirutikwak, ak eng’ kutinywa.

ISAIAH 40:9

Togoste tulwet ne koi inye ne imwachini logoiywek che miach Sion; waach mising’ eng’ kimnatet inye ne imwachini Jerusalem logoiywek che miach; waach, ameiywei; mwachi nganasokab Juda ilenji, Ogeer, Kamuktaindeng’wong’!

ISAIAH 58:1

Waach mising’, amesis, waach ko u iriaget, ak imwachi bikyuk bistoenywa, ak imwachi gotab Jakobo tengekwogikwak.

DANIEL 3:10

Ee inye laitoriat, koing’at ng’atutiet ile chi age tugul ne kasei cheetab igondit, ndurerut, ketubet, chepkesemit, kibugandet, ak ndurerut ne o, koboto tienwogik alak tugul, kobutyi ng’ony ak kolos kanamwetab tahabu:

DANIEL 3:3

Koyumgei anyun bounik, kandoik, ak kiruogik, tilikab ng’alek, ribikab tuguk, bikab kapkiruok, ng’omotikab ng’atutik, koboto tononjinik tugul che bo emotinwek, koyumjigei katabanetab kanamwet ne kiga lumda laitoriat Nebukadnesar; ak kitononso eng’ taitab kanamwet ne kiga lumda Nebukadnesar.

DANIEL 3:7

Kingogas anyun bik tugul cheetab igondit, ndurerut, ketubet, chepkesemit, kibugandet, koboto tienwogik alak tugul, kobutyi ng’ony bik tugul, bororiosiek, ak che bo kutuswek che ter, ak kolos kanamwetab tahabu ne kiga kolumda laitoriat Nebukadnesar.

DANIEL 4:1

Kamwachi ane laitoriat Nebukadnesar bik tugul, bororiosiek tugul, ak che bo kutuswek tugul, che menyei ng’ony tugul; alenji, Ingotesak kalyet eng’ okwek.

DANIEL 4:14

Kimwa eng’ kutit ne o ko u ni kole, Oeb ketoto, ak oeb temenikyik, otumdum korara sogekyik, ak oseer logoekyik: ingoba tiong’ik eng’ kelunnyi, ak koba taritik eng’ temenikyik.

DANIEL 6:25

Kisirji anyun laitoriat Darius bik, ak bororiosiek tugul ak che bo kutuswek tugul, che menyei ng’ony komugul; kolenji, Ingotesak kalyet eng’ okwek.

HOSEA 5:11

Kisastoe Epraim, kitiekyin ng’ony eng’ kiruoget; amu kichamei kosub ng’atutiet.

MIKAH 6:16

Amu kiorib ng’atutikab Omri, ak boisionik tugul che bo gotab Ahab, ak obendate kiruogutikwak: si kobiit ayain iegu banan, ak ayai bik che menyei oloto koek che kirenyei; ak oib chotisietab bikyuk.

NG'ANG'UTYET 5:9

Ak kotieni tiendo ne leel, kolen, Nyoljinin inam bukuit, ak iyat ng’oksosiekyik: amu kigibarin, ak kiialji Jehovah eng’ korotiguk bik che bo bororiet age tugul, ak che bo kutit age tugul, ak che bo bik alak tugul, ak che bo emet age tugul,