DANIEL 3:28 - BUKUIT NE TILIL

²⁸ Kong’alal anyun Nebukadnesar komwa kole, Iberurot Kamuktaindetab Sadrak, Mesak, ak Abed-nego, ne kagoyok malaikaiyandennyi kosor otwogikyik che koimang’u inendet, ak kagowal ng’olyotab laitoriat, ak kogoito borwekwak si maot anan kolos cheptalelit age tugul kobate Kamuktaindenywa inegei.

Bukuit Ne Tilil

²⁸ Kong'alaal anyun Nebukadnezar komwa kole iberuurot Kamuktaindetap Shadrak, Meshak ak Abed-nego, ne kagoyok malaikaiyandennyi ak kosar otwogikyik che koimang'u ineendet. Kogobistoe `icheek ng'olyootap laitoryat, ak kogoito poorwekwak si ma oot anan kolas kamuktain age tugul kobatee Kamuktaindennywa ineegei.

DANIEL 3:28 ပူးပေါင်းရင်းမြစ်များ

TAUNET 9:26

Ak kile, Ingoberurok Sem eng’ Jehovah Kamuktaindennyu; Ak ingoek Kanan otwogindennyi.

1 ATEPTAP PEETUUSYEK 5:20

Ak kigitoret kobargei ak icheget, ak kiginde Hagrik eunekwak, koboto tugul che kimi koboto bichoto: amu kirirji Kamuktaindet komi luget, ak kigasyi inendet ichek; amu kiimang’ inendet.

2 ATEPTAP PEETUUSYEK 20:20

Ak king’eetyo karon mising’, komusta ong’atetab Tekoa; ak ye kingota kobendi, kotonon Jeosapat ak kole, Ogasa, ee Juda, ak che omenye Jerusalem; oyan Jehovah Kamuktaindeng’wong’, si kobiit ogimegitu; oyan maotikyik, si obor.

2 ATEPTAP PEETUUSYEK 32:21

Ak kiiyokto Jehovah malaikaiyat, ne kibar murenik tugul che kimen che nyigonen, koboto kandoik ak kiptainik, eng’ nganaset ne bo laitoriatab Asuria. Koweek anyun eng’ kalilanet kwo emennyi. Ak kingoit gotab kanamwennyi, kobar lagokyik inendet eng’ yoto eng’ rotwetab chok.

EZRAH 1:3

Ingotogosta Jerusalem, ne mi Juda, age tugul eng’ okwek che o bo bikyik tugul, ak ingoteb Kamuktaindennyi koboto inendet, kwo koteekyi got Jehovah, Kamuktaindetab Israel (inendet ko Kamuktaindet,) ne mi Jerusalem.

EZRAH 6:11

Kang’at kogeny ale, chi age tugul ne walei ng’olyondonito ko ingeng’us bambaniat eng’ gonnyi, ak keganapchi inendet ak keratyi ketoto; ak keyai gonnyi koek kapng’atat agobo nito:

TIENWOGIKAL 103:20

Olosu Jehovah, okwek malaikaisiekyik: Okwek che o kimen eng’ kamuktaet, che osuldoi ng’olyondennyi, Che oepchini it tugetab ng’olyondennyi.

TIENWOGIKAL 147:11

Baibai Jehovah eng’ ichek che iywei inendet, Eng’ icheget che imang’u rirenennyi.

TIENWOGIKAL 33:18

Ogeero, keerei konyekab Jehovah ichek che iywei inendet, Icheget che igeni rirenennyi;

TIENWOGIKAL 33:21

Amu boiboitu mugulelwekyok eng’ inendet, Amu kigimang’u kainennyi ne tilil.

TIENWOGIKAL 34:22

Itiachi Jehovah sobonwekab kiboitinikyik: Ak magiruokyin agot agenge ne imang’u inendet.

TIENWOGIKAL 62:8

Omang’u inendet kotugul okwek, ee bichu; Orong’ji mugulelwekwok inendet: Kamuktaindet ole kemwechini.

KOMONG'U 20:5

ameng’urukyi anan iot ichek: amu ane Jehovah Kamuktaindeng’ung’, ko a Kamuktaindet ne ama ng’etkong’, ageerjini lagok tengektab kwanisiekwak, agoi ibindab somok ak ne bo ang’wan eng’ ichek che wecha,

ISAIAH 12:2

Ogeero, Kamuktaindet ko yetunennyu; amang’u ama aiyweisiei: amu Jehovah JEHOVAH ko kimnatennyu ak ko tiendanyu; ak kagoek inendet yetunennyu.

ISAIAH 37:36

Ak kimanda malaikaiyatab Jehovah, ak kobar bik elfusiek bogol ak tamanwogik sisiit ak mut eng’ nganasetab Asuriek: ak kingong’eetyo bik karon, ogeero, ki muswek tugul, che kogobek.

ISAIAH 50:10

Ng’o eng’ okwek ne iywei Jehovah, ne kase it kutitab otwogindennyi? Ne wendote mesundeito, ama tinyei lapkeiyet, ingomang’ kainetab Jehovah ak kotiiegei Kamuktaindennyi.

DANIEL 2:47

Kowolji laitoriat Daniel kolenji, Iman Kamuktaindeng’wong’ ko Kamuktaindet ne bou cheptalelisiek, ak ko Kiptaiyatab laitorinik, ak ng’ang’indetab ung’otik, amu kaimuch ing’any ung’otioni.

DANIEL 3:25

Kowolji inendet ichek kolenji, Ogeero, ageere bik ang’wan che itiagotin, kobendoti eng’ ma, ama am kiy; ak kergei itondab ne bo ang’wan ak weritab cheptalelisiek.

DANIEL 4:34

Ak kingogesgei betusiechoto anyal ane Nebukadnesar kipsengwet, ak koweekyagei naennyu, ak kiaweekyi kongoi Inendet ne Toror Mising, ak alosu ak agonyit inendet ne sobei koigeny; amu bounatennyi ko bounatet ne bo koigeny, ak ko bo laitornatennyi ibinwek tugul:

DANIEL 6:16

Kong’at anyun laitoriat ng’atutiet, ak kigimut Daniel, ak kewirji keringetab ng’etunyik. King’alalji laitoriat Daniel kolenji, Sorun Kamuktaindeng’ung’ ne iote kotugul.

DANIEL 6:26

Ang’ate ng’atutiet ale, Ingobotanso bik che mi bounatetab laitornatennyu ak koiyweis eng’ taitab Kamuktaindetab Daniel: amu inendet ko Kamuktaindet ne sobei, ak kotebyei koigeny, ak laitornatennyi ko maging’emei, ak kotebyei bounatennyi agoi kagesunet:

MATAYO 4:10

Kilenji Jesu anyun, Ui eng’ oli, Setani: amu sirat kole, Ilosu Kiptaiyat Jehovah neng’ung’, ak iboisiechi inendet inegei.

POISYONIGAP CHE KIYOKTOI 4:19

Ago kiwolji Petero ak Johana ichek kolenji, Ngo mie eng’ taitab Jehovah kegasak kosiir Jehovah, oruoch okwek:

POISYONIGAP CHE KIYOKTOI 5:19

Ago kiyat malaikaiyatab Kiptaiyat kurgotikab korgoret kemoi ak komut ichek komong’ sang’, ak kolenji,

ROMANIK 12:1

Noto anyun che kitupche, asomok mising’, eng’ rirenosiekab Jehovah ale, ogoite borwekwok koek tiseiywot ne sobei, ne tilil, ne taachaksei eng’ Jehovah, noto ko boisieng’wong’ ne nyolu.

1 KORINTOEK 13:3

Ak ngot agoite tugukyuk tugul abae kibananok, ak ndagoite bortanyu kebeel, ago matinye chamnyet, ko magelwa kiy.

PILIPIK 1:20

Ko u eng’ kagenisiennyu ne ageni mising’ ak kamang’unennyu, ale magigona alilan eng’ kiy age tugul ago eng’ nyiganatet tugul, ko u kotugul, ko u noto agine nguno kitorori Kristo eng’ bortanyu, ngo eng’ sobondo, anan eng’ meet.

HEBRANIK 1:14

Tos choto tugul ko ma tamirmirik che boisiei, che kiyoktoi kobois agobo ichek che tun nyoru yetunet?

HEBRANIK 11:37

kigilach eng’ koik, kigimurmure musumenosiek, kigiyom, kigibare rotwetab chok: kiilaagoti ngoroikab kechirek, ak che bo ng’ororek, kobonondos, kiginyalili, keyachin ne ya

1 PETERO 1:21

che o kayanik eng’ Jehovah amu inendet, ne kiing’eet inendet komong’ eng’ che kibek, ak kogochi torornatet; si kotebi kayaneng’wong’ ak kamang’uneng’wong’ eng’ Jehovah.

NG'ANG'UTYET 12:11

Ak kiiterter inendet amu korotikab Aruet, ak amu ng’olyotab baornatenywa; ama cham sobonwekwak agoi meet.