DANIEL 3:24 - BUKUIT NE TILIL

²⁴ Kikwong’ anyun laitoriat Nebukadnesar ak kong’eet kochokyi: ak kong’alal kolenji bikyik che bo kapkiruok, Tos, kama kiwirji ma bik somok ko ratotin? Kowolji anyun bichoto laitoriat kolenji, Iman, ee laitoriat.

Bukuit Ne Tilil

²⁴ Ki kwong' anyun Laitoryat Nebukadnezar ak kong'eet kochokyi. Ki ng'alaalji piikyik che po kapkirwook koleenji, “Tos, kama ki wiirchi ma piik somok ko ratotiin?” Kowolji anyun `pichooto laitoryat koleenji, “Iman, ee laitoryat.”

DANIEL 3:24 ပူးပေါင်းရင်းမြစ်များ

2 ATEPTAP PEETUUSYEK 22:4

Ak kiyai ne ya eng’ taitab Jehovah, ko u ye kiyai gotab Ahab: amu ki konetikyik che kiineti inendet, agoi ng’emisiennyi, kingo kagome kwandanyi.

DANIEL 3:17

Ngot ko u noto, komuchi Kamuktaindennyo ne keote kosoruech eng’ mat ne o ne lalei mising’; ak kosoruech inendet eng’ eung’ung’, ee laitoriat.

DANIEL 3:23

Ak kiibutyi anyun bichuto somogu, Sadrak, Mesak, ak Abed-nego, maata o lalei mising’, ko ratotin.

DANIEL 3:25

Kowolji inendet ichek kolenji, Ogeero, ageere bik ang’wan che itiagotin, kobendoti eng’ ma, ama am kiy; ak kergei itondab ne bo ang’wan ak weritab cheptalelisiek.

DANIEL 4:22

inye noto, ee laitoriandani, ne koieetu ak igimitu: amu kogotesak etunateng’ung’ ak koitei kipsengwet, ak koitei tabanwekab ng’ony bounateng’ung’.

DANIEL 4:27

Noto anyun, ee laitoriandani, ingochamak kiruogennyu eng’ inye, ak itabanege tengekwogiguk, ye iyae imanda, ak itabanege yaitwogiguk ye irire kibananok; si kotesak kalyeng’ung’.

DANIEL 5:18

Ee laitoriandani, kiigochi Kamuktaindet ne Toror Mising’ Nebukadnesar kwandang’ung’ bounatet, ak oindo, ak torornatet, ak etunatet:

DANIEL 5:6

Kowalak anyun togetab laitoriat, ak koiim inendet kabwatutikyik; ak kiirigisis ole tuiyechin kowekab suennyi, ak kibirgei kutung’oikyik.

DANIEL 6:22

Koiyok Kamuktaindennyu malaikaiyandennyi koger kutuswekab ng’etunyik, ama ita kiy: amu ma kinyorja kiy ne ya eng’ tainnyi; ak kogeny, tom ayai kiy ne ya eng’ taing’ung’, ee laitoriandani.

DANIEL 6:7

Kogong’alaljigei boisiek tugul che bo bounatet, kiptainik, ak bounik, bikab kapkiruok ak kiruogik, kole kogimit ng’atutiet ne bo kaplaitoriat, ak kong’at ng’atutiet ne kim, kole, age tugul ne somei kiy cheptalelit age tugul anan ko chi eng’ betusiek sosom, kobatenen, inye, ee laitoriat, kewirjin keringetab ng’etunyik.

POISYONIGAP CHE KIYOKTOI 12:13

Ak ye kingogongony kurgetab ormarichet, konyo chepto ne kigiguure Roda kogas.

POISYONIGAP CHE KIYOKTOI 26:13

ageer lapkeiyet ne kibunu kipsengwet, ne siirei kaluunetab asista, koluucha komoswek tugul koboto che kigibendi tugul, eng’ oret bet kwen, ee, laitoriandani.

POISYONIGAP CHE KIYOKTOI 26:27

Laitoriat Agripa, tos iyani inye maotik? Angen ale iyani.

POISYONIGAP CHE KIYOKTOI 9:6

ago ng’eet, ui nganaset, si kemwaun kit ne kanyol iyai.

1 SAMUEL 17:55

Ak kingogeer Saul Daudi kowendi kobaregei ak Pilistindet, koteebe Abner ne ki kiptaiyatab luget, kolenji, Abner, bo gab ng’o weri? Ak kile Abner, Ko u ye sobei sobondang’ung’, ee laitoriat, ko mangen.