DANIEL 3:23 - BUKUIT NE TILIL

²³ Ak kiibutyi anyun bichuto somogu, Sadrak, Mesak, ak Abed-nego, maata o lalei mising’, ko ratotin.

Bukuit Ne Tilil

²³ Ak pichuuto somogu, Shadrak, Meshak ak Abed-nego, ko ratotiin, ko ki ibutyi anyun maata oo lalei miising'.

DANIEL 3:23 ပူးပေါင်းရင်းမြစ်များ

TIENWOGIKAL 34:19

Chang’ nyalilwogikab ne bo imanda: Ago soru Jehovah inendet eng’ choto tugul.

ISAIAH 43:2

Ami koboten ye ibune beek che chang’; ak ye ibune ainosiek, ko maimaluuchin; ye ibune mat, ko mabeelin; ama imelin liblibenetab mat.

JEREMIA 38:6

Konam anyun ichek Jeremia, ak kotoorji inendet keringetab Malkija weritab laitoriat, ne kimi seremutab ribik: ak kichoortae Jeremia rogoonik. Kima komi beek keringonoto, ago kimi ng’atatek: ak kirorokyi Jeremia ng’atatek orit.

DANIEL 1:7

Ak kitochi bounindetab kiptainik ichek kainaik: koguure Daniel Beltesasar, ak koguure Hanania Sadrak, ak koguure Misael Mesak, ak koguure Asaria Abed- nego.

DANIEL 3:24

Kikwong’ anyun laitoriat Nebukadnesar ak kong’eet kochokyi: ak kong’alal kolenji bikyik che bo kapkiruok, Tos, kama kiwirji ma bik somok ko ratotin? Kowolji anyun bichoto laitoriat kolenji, Iman, ee laitoriat.

2 KORINTOEK 4:17

Amu bichiindanyo ne nyamnyum, ne matebyei, koyaiywech torornatet ne o ne bo koigeny, ne tesoksei mising’ kosiir;

HEBRANIK 11:34

kiimis kimnatet ne bo mat, kichililye rotwetab chok, kigigimit komong’ eng’ nyalulet, kigimegitu eng’ luget, kion lugosiekab bunik koweekta.