DANIEL 3:1 - BUKUIT NE TILIL

¹ Kiitany Nebukadnesar laitoriat kanamwet ne bo tahabu, ne koindab tononennyi ko ki kakwautik tamanwogik lo che bo eut, ko bo tebeesindanyi kakwautik lo che bo eut: kilumda inendet eng’ warengetab Dura, eng’ emetab Babulon.

Bukuit Ne Tilil

¹ Ki itany Nebukadnezar laitoryat kanamwet ne po thahabu, ne kooindap tononennyi ko ki mitainik tamanwogik lo che po euut ak tebeesindanyi ko mitainik lo che po euut; ki lumda ineendet eng' warengetap Dura eng' emetap Babilon.

DANIEL 3:1 ပူးပေါင်းရင်းမြစ်များ

1 LAITORINIK 12:28

Koruoch anyun laitoriat ak kotany itonwek aeng’ che bo moek che bo tahabu; ak kilenji ichek, Uui kot eng’ okwek obe otogoste Jerusalem; ogeer kanamonikwok-o, ee Israel, che kiimutwak otogosu eng’ emetab Misri.

ESTA 1:1

Eng’ betusiekab Aasuerus (Aasuerus-nito ko ne kilaitorani koboch India agoi Etiopia, kobou emotinwek bogol ak tiptem ak tisab:)

TIENWOGIKAL 135:15

Kanamonikab bororiosiek ko bo feda ak tahabu. Boisietab eunekab bik.

KOMONG'U 20:23

Amat oyachige kanamonik alak otesena, che bo feda, anan kanamonik che bo tahabu.

KOMONG'U 32:31

Ak kiweekyigei Musa Jehovah, ak kolenji, Bwa, kiyai bichu tengekto ne o mising’, ak kigoyachigei kanamwet ne bo tahabu.

ISAIAH 2:20

Laktoi chito kanamonikyik che bo feda betunoto, ak kanamonikyik che bo tahabu, che kigiyachi inendet si kosa, kolaktochi bung’ung’onik ak reresik;

ISAIAH 30:22

Ak omuruon kit ne kigiliige kanamoniguk che bo feda che kigiwai, koboto che kigiliige kanamoniguk che bo tahabu che kigitany: iwirtoi ko u kit ne mi simdo; ilenjini, Istege eng’ yu.

ISAIAH 46:6

Ichek che rong’u tahabu eng’ lolet, ak kogere feda ratilit, kosirei kitang’indetab tahabu, ak koyae tuguchoto kanamwet; ibutyin ng’ony ichek, ee, kutung’jin.

JEREMIA 10:9

Mitei feda che kigitany kolebelitu che kigiibune Tarsis, ak tahabu che bunu Upas, boisietab musogindet ak bo kitang’indetab tahabu; tuuen ngoroikwak ne nyalil, ak ko arusen ne birir; boisietab bik che ng’omen choto tugul.

JEREMIA 16:20

Tos yachingei chito kanamonik, che ma cheptalelisiek?

DANIEL 2:48

Koeet anyun laitoriat Daniel, ak kogochi inendet kagochinoik che eechen, ak kogochi inendet koboi emet komugul ne bo Babulon; ak koek kiruogindet ne o ne bou bik tugul che ng’omen che bo Babulon.

DANIEL 2:49

Ak kisom Daniel laitoriat, konde Sadrak, Mesak, ak Abed-nego, koboi ng’alekab emetab Babulon: ago kitebe Daniel ormarichetab laitoriat.

DANIEL 3:14

Koteebe Nebukadnesar ichek kolenji, Ee, Sadrak, Mesak, ak Abed-nego, tos kootil iman ole moote cheptalelinnyu, anan olosu kanamwetab tahabu ne koalumde?

DANIEL 3:30

Koeet anyun laitoriat Sadrak, Mesak, ak Abednego, eng’ emetab Babulon.

DANIEL 5:23

ago kiietge obelge ak Kiptaiyat ne bo kipsengwet; ak kogeib terenikab gonnyi kobwa taing’ung’, ak kooee divaik, inye ak kiptainiguk, osotiguk ak chebaigeiniguk; ak koilosu kanamonikab feda, ak che bo tahabu, che bo sugunwet, che bo karik, che bo ketik, ak che bo koik, che mageertoi, ama kastoi, amaingen kiy: ama itoror Kamuktaindet ne tinyei kabuseng’ung’ eng’ eunnyi, ak chechik ortinweguk tugul:

DANIEL 5:4

Kiee divaik ak kolos kanamonikab tahabu, ak che bo feda, che bo sugunwet, che bo karik, che bo ketik, ak che bo koik.

HOSEA 2:8

Amu ma nai kole ane ne kiagochini bek, ak divaik, ak mwanik, ak atesyi feda ak tahabu, che kiyae Baal.

HOSEA 8:4

Kigonde laitorinik, ago ma teebena; kigonde bounik, ama anai: kiyachigei kanamonik eng’ fedaisiekwak ak eng’ tahabusiekwak, si kobiit keisto.

HABAKUK 2:19

Bwa inendet ne lenjin ketit, Kosu; ak ne lenjin koita ne matwegu, Ng’eet! Tos inetisiei nito? Ogeero, kigiliige tahabu ak feda, ama tinyei kabuset eng’ kwenunnyi, agot kitigin.

POISYONIGAP CHE KIYOKTOI 17:29

Ngo ki lagokab Jehovah anyun, ko manyoljech kibwat kele kergei Jehovah ak tahabu, anan feda, anan koita, che kigiyai eng’ musoknatet ak eng’ ng’omnatetab bik.

POISYONIGAP CHE KIYOKTOI 19:26

Ak ogeere ak ogase ole, ma eng’ Epeso kityo, ago negit Asia tugul, kagochuut bik che chang’ Paulo-inito, ak koweechi, kolenjin, choto kigiyae eunek ko ma cheptalelisiek:

NG'ATUTIK 7:25

Obeel kanamonikab cheptalelisiekwak: amat igase miat feda anan tahabu che mi kanamonichoto, anan iipchige, si mariichin: amu wechei noto Jehovah Kamuktaindeng’ung’;

NG'ANG'UTYET 9:20

Ak ma sik bik che kiga ng’et, che kima kibar eng’ korotwechoto, eng’ boisionikab eunekwak si mata kosa oik, ak kanamonikab tahabu, ak che bo feda, ak che bo sugunonik, ak che bo koik, ak che bo ketik; ak maimuchi kogeerto, anan kogasta anan kobendat: