DANIEL 2:47 - BUKUIT NE TILIL

⁴⁷ Kowolji laitoriat Daniel kolenji, Iman Kamuktaindeng’wong’ ko Kamuktaindet ne bou cheptalelisiek, ak ko Kiptaiyatab laitorinik, ak ng’ang’indetab ung’otik, amu kaimuch ing’any ung’otioni.

Bukuit Ne Tilil

⁴⁷ Kowolji `laitoryat Daniel koleenji, “Iman, Kamuktaindeng'wong' ko Kamuktaindet ne pou kamuktaik, ak ko Kiptaiyatap laitorinik ak ng'ang'indetap ung'ootik, amu kaimuuch ing'aany ung'ootyoni.”

DANIEL 2:47 ပူးပေါင်းရင်းမြစ်များ

TAUNET 41:39

Ak kilenji Parao Josep, Amu kagoborun Kamuktaindet choto tugul, mami anyun age ne tinyei ruchinet ak ng’omnatet ko u inye;

2 LAITORINIK 5:15

Ak kiweek kwo ole mi chitab Kamuktaindet, inendet ak bikyik tugul che kimi ak inendet, ak kinyo ak kotonon eng’ tainnyi: ak kole, Keer anyun nguno, kaanai ale mami Kamuktaindet eng’ ng’ony tugul, kobate mi eng’ Israel: ara asain nguno anyun ale, taach konunet eng’ otwogindeng’ung’.

Kitabuutap JOB 12:19

Imuti tisiik ko luulenik, Ak kogabui che kimen.

TIENWOGIKAL 136:2

Ee ogochi kongoi Kamuktaindet ne bou cheptalelisiek: Amu tebyei rirenennyi koigeny.

TIENWOGIKAL 136:3

Ee ogochi kongoi Kiptaiyatab kiptainik: Amu tebyei rirenennyi koigeny.

TIENWOGIKAL 72:11

Ee, ibutyin kelyekyik laitorinik tugul: Otei inendet bororiosiek tugul.

TIENWOGIKAL 82:1

Tononi Kamuktaindet eng’ tuiyetab Kamuktaindet; Iruochi Kamuktaindet eng’ kwenutab cheptalelisiek.

TIENWOGIKAL 96:4

Amu o Jehovah, nyolu kilos inendet mising’: Kanyol kiywei inendet kosiir cheptalelisiek tugul.

EZEKIEL 26:7

Amu mwaei anyun Kiptaiyat Jehovah ko u ni kole: Ogeero, amuti Nebukadresar laitoriatab Babulon, inendet laitoriatab laitorinik, kobokyi Turo, kobunu murot ne bo katam, koboto mbartanyisiek, ak karisiekyik che bo luget, ak bik che lanyei mbartanyisiek, ak kweanet, ak bik che chang’.

DANIEL 11:36

Ak koyai laitoriat ko u ye machei; ak kotororgei ak koeetgei kosiir cheptalelit age tugul, ak komwa tuguk che kikwong’e agobo Kamuktaindet ne bou cheptalelisiek: ak konyor inendet borotet kot kosulda neregek; amu kiyaei noto kigeng’at.

DANIEL 2:19

Kiging’ang’ji anyun Daniel ung’otionoto eng’ ng’ang’utiet ne bo kemoi. Kiilos anyun Daniel Kamuktaindetab kipsengwet.

DANIEL 2:22

ng’anyei tuguk che looen ak ko ung’otin: ingen tuguk che mi mesundeito, ak komenyei lapkeiyet koboto inendet.

DANIEL 2:28

ago mi Kamuktaindet kipsengwet ne ng’anyei ung’otik, ak kagoborji inendet laitoriat Nebukadnesar tuguk che tun biitu eng’ betusiek che bo let. Karuotitoeng’ung’ ak ng’ang’utik che kibwa meting’ung’ eng’ itogung’ung’ ko chu:

DANIEL 2:29

ago inye, ee laitoriat, kibwanjin kabwatutiguk eng’ itogung’ung’, agobo tuguk che tun biitu let: ak kagoborun inendet ne ng’anyei ung’otik, tuguk che tun biitu.

DANIEL 2:30

Ago eng’ ane, ko ma king’ang’wa ung’otionito amu ng’omnatet age tugul ne atinye kosiir chi age tugul ne sobei, ago si kobiit kiborji laitoriat kaweekset, ak si kobiit inai kabwatutikab muguleldang’ung’.

DANIEL 2:37

Ee laitoriandani, i laitoriatab laitorinik, ne kogogochi Kamuktaindetab kipsengwet bounatet, kamuget, ak kimnatet ak torornatet;

DANIEL 3:15

Ngot ochoboge anyun eng’ sait ne kogas cheetab igondit, ndurerut, ketubet, chepkesemit, kibugandet ak ndurerut ne o, koboto tienwogik alak tugul, obutye ng’ony ak olosu kanamwet ne koayai, komieitu: ago ngot ko molosu, kewirjinok mat ne o ne lalei mising’, eng’ sainato; ak ng’o cheptalelit ne tos soruok eng’ eunnyu?

DANIEL 3:28

Kong’alal anyun Nebukadnesar komwa kole, Iberurot Kamuktaindetab Sadrak, Mesak, ak Abed-nego, ne kagoyok malaikaiyandennyi kosor otwogikyik che koimang’u inendet, ak kagowal ng’olyotab laitoriat, ak kogoito borwekwak si maot anan kolos cheptalelit age tugul kobate Kamuktaindenywa inegei.

DANIEL 3:29

Kang’at ng’atutiet anyun ale kitonatoni bik alak tugul, bororiet age tugul, ak bikab kutit age tugul, che mwaei kiy age tugul ne ya agobo Kamuktaindetab Sadrak, Mesak, ak Abed-nego; ak keyai gorikwak koek kapng’atat: amu mami cheptalelit ne kimuchi kosor chi ko u ni.

DANIEL 4:17

Bunu kiruogoni ng’atutietab ribik, ak bunu magonato ng’olyotab icheget che tililen: si kobiit konai che soptos kole bou Inendet ne Toror Mising’ bounatetab bik, ak kogochin age tugul ne makyin, ak koeeti bik che nyerotin mising’ koboi.

DANIEL 4:25

kele kionin iwe eng’ ole mi bik, ak imeny koboto tiong’ikab timin, ak kegonin iaget ko u tuga, ak kobutyin rewot, kot kogesgei betusiek che kiging’at, konyil tisab; agoi inai ile bou Inendet ne Toror Mising’ bounatetab bik, ak kogochin age tugul ne makyin.

DANIEL 4:32

Ak kionin eng’ ole mi bik, ak imeny koboto tiong’ikab timin; kigonin iagete ko u tuga, agoi kogesgei betusiek che kiging’at, konyil tisab; agoi inai ile bou Inendet ne Toror Mising’ bounatetab bik, ak kogochin age tugul ne makyin.

DANIEL 5:11

mitei chito eng’ bounateng’ung’ ne menyei tamirmirietab cheptalelisiek che tililen; ak kiginyorji chichoto eng’ betusiekab kwandang’ung’ lapkeiyet ak naet ak ng’omnatet, ne u ng’omnatetab cheptalelisiek: ak kiinde laitoriat Nebukadnesar kwandang’ung’, ne inendet ko laitoriat kwandang’ung’, kiinde inendet koek kiptaiyatab bik che ng’omen che ng’orsei, ng’omotikab kecheik, Kaldeik ak kipsogeinik;

AMOS 3:7

Iman mayaei kiy Kiptaiyat Jehovah kotom kong’ang’ji ung’otiennyi otwogikyik maotik.

1 KORINTOEK 14:25

ak king’anyei ung’otikab muguleldanyi; ak kobutyi ng’ony anyun kong’uruk kolos Jehovah, komwaei kolen mi Jehovah kwenung’wong’ iman.

NG'ATUTIK 10:17

Amu Jehovah Kamuktaindeng’wong’ ko Kamuktaindet ne siirei cheptalelisiek, ak Kiptaiyatab kiptainik, Kamuktaindet ne o, ne bo kamuktaet, ne bo kamuiset, ne matiytii bik, ne mataachei che bo kagaigaet.

1 TIMOTEO 6:15

ne tun ibortoi eng’ betusiekyik, ne inendet ne iberurot ak ko Kamuktaindet inegei, Laitoriat ne bo laitorinik, ak Kiptaiyat ne bo kiptainik;

JOSHUA 22:22

Ingen Jehovah, Kamuktaindet ne bou cheptalelisiek, Jehovah, Kamuktaindet ne bou cheptalelisiek, ak ta konaei Israel agine; ngot ko eng’ ngelelnatet, anan ngot ko eng’ kachililutiet ne kagichililji Jehovah, (ko mat isoruech rani,)

NG'ANG'UTYET 1:5

ak che bunu Jesu Kristo ne baoriat ne bo iman, taita ne bo che kigobek, ak ko bounindetab laitorinikab ng’ony. Ingobunji inendet ne chamech, ne kiitiachech eng’ tengekwogikyok eng’ korotikyik;

NG'ANG'UTYET 17:14

Baregei chuto ak Aruet ak koterter Aruet ichek, amu inendet ko Kiptaiyatab kiptainik, ak ko Laitoriatab laitorinik; ak icheget che mi koboto inendet, che kigiguur ak che kigilewen ak che kiyani.

NG'ANG'UTYET 19:16

Ak kotinyei eng’ ngoriennyi ak eng’ kubestanyi kainet ne kigisir kole, LAITORIAT NE BO LAITORINIK, AK KIPTAIYAT NE BO KIPTAINIK.