DANIEL 2:37 - BUKUIT NE TILIL

³⁷ Ee laitoriandani, i laitoriatab laitorinik, ne kogogochi Kamuktaindetab kipsengwet bounatet, kamuget, ak kimnatet ak torornatet;

Bukuit Ne Tilil

³⁷ Ee laitoryat, ii laitoryatap laitorinik, ne kogogoochi Kamuktaindetap kipsengwet pounateet, kamuget, kimnateet ak toroornatet;

DANIEL 2:37 ပူးပေါင်းရင်းမြစ်များ

1 LAITORINIK 4:24

Amu kibou koret tugul ne bo Ainet komosi, koboch Tipsa agoi Gasa, kiboi laitorinik tugul che mi Ainet komosi: ak kichamdos ak bik che kimi komoswekyik tugul.

2 LAITORINIK 25:28

ak king’alalji inendet eng’ rirenetab ge, ak konde ng’echerennyi ne bo laitornatet kotororit eng’ che bo laitorinik che kimi Babulon koboto inendet.

2 ATEPTAP PEETUUSYEK 36:23

Kamwa ko u ni Kirus laitoriatab Persia, kole, Kigona Jehovah, Kamuktaindetab kipsengwet, bounatosiek tugul che bo ng’ony; ak king’ata ateekyi got eng’ Jerusalem, ne mi Juda. Ingotogosta age tugul eng’ okwek che o bo bikyik tugul, ak ingoteb Jehovah Kamuktaindennyi koboto chichoto.

EZRAH 1:2

Kamwa ko u ni Kirus laitoriatab Persia, kole, Kigona Jehovah, Kamuktaindetab kipsengwet, bounatosiek tugul che bo ng’ony; ak king’ata ateekyi got eng’ Jerusalem, ne mi Juda.

EZRAH 7:12

Ane, Artaserses, laitoriatab laitorinik, asirjini Esra tisiindet, sirindetab ng’atutikab Kamuktaindetab kipsengwet, ne igesunotgei ak ko u noto.

TIENWOGIKAL 62:11

Kitwek Kamuktaindet konyil agenge, Kiagas noto konyil aeng’, Ale, bo kimnatet Kamuktaindet:

KALEWANAIK 8:15

Laitorani laitorinik amu ane, Ak iruochi bounik eng’ imanda.

ISAIAH 10:8

Amu kimwa kole, Tos, ma laitorinik bounikyuk tugul?

ISAIAH 47:5

Tebi eng’ sisek, ak iwe mesundeito, ee cheptab Kaldeik: amu ma keguurenen kogeny Chebiosetab bountosiek.

JEREMIA 28:14

Amu mwaei Jehovah ne bo lugosiek, Kamuktaindetab Israel, ko u ni kole: Kande chogitab karnet kaatwekab bororiosiechu tugul, si kobiit koot Nebukadnesar laitoriatab Babyulon; ak otei inendet: ak kaagochi inendet tiong’ikab timin agichek.

JEREMIA 34:1

Kinyonji Jeremia ng’olyot ne kibunu Jehovah, ye kibargei Nebukadnesar laitoriatab Babulon, ak lugennyi tugul, ak bounatosiek tugul che bo ng’ony che kimi bounatennyi, ak bororiosiek tugul kobaregei ak Jerusalem, ak nganasokyik tugul, kolenji:

EZEKIEL 26:7

Amu mwaei anyun Kiptaiyat Jehovah ko u ni kole: Ogeero, amuti Nebukadresar laitoriatab Babulon, inendet laitoriatab laitorinik, kobokyi Turo, kobunu murot ne bo katam, koboto mbartanyisiek, ak karisiekyik che bo luget, ak bik che lanyei mbartanyisiek, ak kweanet, ak bik che chang’.

DANIEL 1:2

Ak kiinde Kiptaiyat eutab Nebukadnesar Jeoiakim laitoriatab Juda, koboto tuguk alak che bo gotab Kamuktaindet; ak kiib tuguchoto koba emetab Sinar agoi gotab cheptalelinnyi: ak konde tuguchoto gotab konoraik che bo cheptalelinnyi.

DANIEL 2:31

Koigeer inye, ee laitoriat, kanamwet ne o. Kitonone taing’ung’ kanamwonoto o, ne ko kararan mising’ kakweng’ennyi; ak koimuisiei itondanyi.

DANIEL 2:44

Ak tun lumdoi Kamuktaindetab kipsengwet eng’ betusiekab laitorinichoto bounatet ne magoi king’em, ama kigochin laitornatanato boror age; ago tuatui ak koges bounatosiechuto tugul, ak tononi koigeny.

DANIEL 4:19

Kitoptoben anyun ne matia Daniel, ne kigiguure Beltesasar, ak kiim inendet kabwatutikyik. Kiwolji laitoriat inendet kolenji, Beltesasar, amatingoiimin karuotitoet, anan ko kaweeksennyi. Kowolji Beltesasar kolenji, Ingobunji karuotitoet ichek che wechin, ak ingobunji kaweeksennyi buniguk.

DANIEL 4:22

inye noto, ee laitoriandani, ne koieetu ak igimitu: amu kogotesak etunateng’ung’ ak koitei kipsengwet, ak koitei tabanwekab ng’ony bounateng’ung’.

DANIEL 4:25

kele kionin iwe eng’ ole mi bik, ak imeny koboto tiong’ikab timin, ak kegonin iaget ko u tuga, ak kobutyin rewot, kot kogesgei betusiek che kiging’at, konyil tisab; agoi inai ile bou Inendet ne Toror Mising’ bounatetab bik, ak kogochin age tugul ne makyin.

DANIEL 4:3

Eechen ne tia kaborunoikyik! Ak kimen ne tia kwong’utikyik! Laitornatennyi ko laitornatet ne bo koigeny, ak ko bo bounatennyi ibinwek tugul.

DANIEL 4:32

Ak kionin eng’ ole mi bik, ak imeny koboto tiong’ikab timin; kigonin iagete ko u tuga, agoi kogesgei betusiek che kiging’at, konyil tisab; agoi inai ile bou Inendet ne Toror Mising’ bounatetab bik, ak kogochin age tugul ne makyin.

DANIEL 4:34

Ak kingogesgei betusiechoto anyal ane Nebukadnesar kipsengwet, ak koweekyagei naennyu, ak kiaweekyi kongoi Inendet ne Toror Mising, ak alosu ak agonyit inendet ne sobei koigeny; amu bounatennyi ko bounatet ne bo koigeny, ak ko bo laitornatennyi ibinwek tugul:

DANIEL 5:18

Ee laitoriandani, kiigochi Kamuktaindet ne Toror Mising’ Nebukadnesar kwandang’ung’ bounatet, ak oindo, ak torornatet, ak etunatet:

DANIEL 7:14

Ak kigigochi inendet bounatet, ak torornatet, ak laitornatet, si koot inendet bik tugul, bororiosiek tugul, ak che bo kutuswek tugul: bounatennyi ko bounatetab koigeny, ne ma igesugei, ak ma tun king’emei laitornatennyi.

HOSEA 8:10

Ee, agot nganda alei eng’ bororiosiek, ayumi anyun ichek; ak kotoi kong’ering’itu amu lautietab laitoriatab bounik.

MATAYO 6:13

Amemutech ole mi yomset, ago soruech eng’ ne ya. [Amu neng’ung’ bounatet, ak kamuktaet, ak torornatet, agoi koigeny. Amen.]

JOHANA 19:11

Kowolji Jesu kolenji, Kama ko tetinye kimnatet iyaiywa kiy, nda kama kigonin eng’ barak; noto anyun, tinyei inendet ne koindea euneguk tengekto ne o kosiir.

NG'ANG'UTYET 1:5

ak che bunu Jesu Kristo ne baoriat ne bo iman, taita ne bo che kigobek, ak ko bounindetab laitorinikab ng’ony. Ingobunji inendet ne chamech, ne kiitiachech eng’ tengekwogikyok eng’ korotikyik;

NG'ANG'UTYET 17:14

Baregei chuto ak Aruet ak koterter Aruet ichek, amu inendet ko Kiptaiyatab kiptainik, ak ko Laitoriatab laitorinik; ak icheget che mi koboto inendet, che kigiguur ak che kigilewen ak che kiyani.

NG'ANG'UTYET 19:16

Ak kotinyei eng’ ngoriennyi ak eng’ kubestanyi kainet ne kigisir kole, LAITORIAT NE BO LAITORINIK, AK KIPTAIYAT NE BO KIPTAINIK.

NG'ANG'UTYET 4:11

Nyoljinin, Kiptaiyandennyo ak ko Jehovah nenyo, itaach torornatet ak teegisto ak kamuktaet: amu kiitau iyae tuguk tugul, ak kibiit amu mageng’ung’, ak kigiyai.

NG'ANG'UTYET 5:12

komwaei eng’ kutit ne o kole, Nyoljin Aruet ne kigibar konyor kimnatet, ak magornatosiek ak ng’omnatet, ak kamuktaet, ak teegisto, ak torornatet, ak kaberuret.