DANIEL 2:34 - BUKUIT NE TILIL

³⁴ Koigeer kot keeb koita ne ma kiebe eunek, ne kokwer keldebesaikab kanamwonoto che ko bo karnet ak menet, ak kotonaton.

Bukuit Ne Tilil

³⁴ Ye kota igeere, keep koita ne ma kiebe eunek, ak kokwer kanamwonooto eng' keelyekyik po karnet ak meneet kotonatonagis.

DANIEL 2:34 ပူးပေါင်းရင်းမြစ်များ

TIENWOGIKAL 118:22

Koita ne kiesio teegik, Kaek noto metitab luita.

ISAIAH 28:16

mwaei anyun Kiptaiyat Jehovah kole, Ogeero, andoi Sion koita koek lumeiywot, koita ne kigetiem, koita ne bo kamanutiet ne o ne bo luita, lumeiywot ne kim; maigirgiri ne iyani.

ISAIAH 60:12

Amu lusei bororiet ak bounatet ne maboisieun; ee, king’emei bororiosiechoto kobetyo.

ISAIAH 8:9

Owaach, ee bororiosiechu, si kobiit ketonatonak; ak oeb it, ee okwek tugul che o bo emotinwek che looen: ogermenge, si ketonatonak; ogermenge anyun, si ketonatonak.

EZEKIEL 32:28

Ago kitonatonin eng’ kwenutab che ma kimuratan, ak oruitosi koboto icheget che kigibare rotwetab chok.

EZEKIEL 47:5

Ye ibata, kokwa elfut agenge; kiek ainet ne ma amuch alandae: amu kitesak beek mising’, beek che yamei kebir, ainet ne magimuchi kelandae.

DANIEL 2:33

ko bo karnet kelyekyik, ko bo kebebertab keldebesaikyik karnet, ko bo kebeberta age, menet.

DANIEL 7:27

Ak tun kigochin bikab bik che tililen che bo Inendet ne Toror Mising’, laitornatet ak bounatet, ak oindab laitornatosiek che mi kureretab kipsengwet komugul: laitornatennyi ko laitornatet ne bo koigeny, ak tun otei inendet bounatosiek tugul, ak kogase it.

DANIEL 8:25

Ak kogochi kaberberisiet konyor borotet eng’ ng’alsennyi; ak koeetgei eng’ muguleldanyi, ak kong’em che chang’ komi kalyenywa: ak koborie bounindetab bounik; ak ilei inegei ama twa chi.

SEKARIA 12:3

Ak ayae Jerusalem eng’ betunoto koek koita ne nyigis ne iimi bik tugul; nyoru berutik che chang’ ichek che kanabi koyato: ak koyumjigei inendet bororiosiek tugul che bo ng’ony.

SEKARIA 4:6

Yeityo kowol kolenja, Ni ko ng’olyotab Jehovah ne mwachin Serubabel, kolenjin, Ma eng’ kamuktaet, ama eng’ kimnatet, ago eng’ Tamirmiriennyu, mwaei Jehovah ne bo lugosiek.

MATAYO 16:18

Ak amwaun agane ale, i Petero, ak ateeche kanisennyu ruandani; ak maneneti kimnatosiekab oldab che kigobek.

JOHANA 1:13

che kigisich, ama eng’ korotik, anan eng’ magetab borto, anan eng’ magetab chi, ago eng’ Jehovah.

POISYONIGAP CHE KIYOKTOI 4:11

Inendet koita ne kiosas okwek teegik, ne kiga kiyai koek metitab luita.

2 KORINTOEK 5:1

Amu kingen kele ngobutok got ne bo ng’onyuni ne borwekyok, ketinye teekset ne bunu Jehovah, got ne kima kiteech eng’ eunek, bo koigeny, eng’ kipsengwet.

HEBRANIK 9:24

Amu kima mong’ji Kristo ole tilil ole kigiyae eunek, ne karogutietab tugukab iman; ago kimong’ji kipsengwet inendet, si kotoogu eng’ taitab Jehovah agoi achek:

1 PETERO 2:7

Eng’ okwek anyun che oyani ko chamat mising’ inendet: ago eng’ ichek che maiyani, ko, Koita ne kiesio teegik, Kigiyai koyata koek metitab luita;

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

NG'ANG'UTYET 17:14

Baregei chuto ak Aruet ak koterter Aruet ichek, amu inendet ko Kiptaiyatab kiptainik, ak ko Laitoriatab laitorinik; ak icheget che mi koboto inendet, che kigiguur ak che kigilewen ak che kiyani.