DANIEL 2:28 - BUKUIT NE TILIL

²⁸ ago mi Kamuktaindet kipsengwet ne ng’anyei ung’otik, ak kagoborji inendet laitoriat Nebukadnesar tuguk che tun biitu eng’ betusiek che bo let. Karuotitoeng’ung’ ak ng’ang’utik che kibwa meting’ung’ eng’ itogung’ung’ ko chu:

Bukuit Ne Tilil

²⁸ ago mi Kamuktaindet kipsengwet ne ng'aanyei ung'ootik, ak kagoboorchi Laitoryat Nebukadnezar tuguuk che tuun piitu eng' peetuusyek che po let. Karwotitoeng'ung' ak ng'ang'utik che ki pwa meting'ung' eng' itogung'ung' ko chu:

DANIEL 2:28 ပူးပေါင်းရင်းမြစ်များ

TAUNET 40:8

Ak kilenji, Kogiruotyi karuotitoet, ak mami chi ne imuchi koboruech ole teptoi. Ak kolenji Josep, Tos ma bo Kamuktaindet weekset? Kaigai anyun omwawa.

TAUNET 41:16

Ak kiwolji Josep Parao kolenji, Mabota ane: igochin Kamuktaindet Parao wolunet ne bo kalyet.

TAUNET 41:25

Ak kilenji Josep Parao, Agenge karuotitoetab Parao: kagoborji Kamuktaindet Parao kit ne machei si koyai ko negit.

TAUNET 49:1

Ak kiiguur Jakobo werikyik, kolenji, Oyumgei tugul, si kobiit aboruok tuguk che tun bwanjinok eng’ betusiek che bo let.

TIENWOGIKAL 115:3

Ago mitei Kamuktaindennyo kipsengwetisiek: Kigoyai inendet kiy age tugul ne kimachei.

ISAIAH 2:2

Kimitu eng’ betusiek che bo let, tulwetab gotab Jehovah eng’ tulonok barak, ak kitorori kosiir tulonok che mengechen; ak tun itendenjin oloto bororiosiek tugul.

JEREMIA 10:7

Ng’o ne maiywein, ee Laitoriatab bororiosiek? Amu nyoljinin nito: amu mami ne u inye eng’ bik tugul che ng’omen che bo bororiosiek, ak eng’ bounatosiekwak tugul.

JEREMIA 30:24

Mamweeksei neregek che ng’wonen che bo Jehovah agoi koyai koges, agoi koyai magutikab muguleldanyi kosulda: oguitosi ng’olyondonito eng’ betusiek che bo let.

JEREMIA 48:47

Ago aweechi kogeny luulenikab Moab eng’ betusiek che bo let, mwaei Jehovah. Te noto anyun kiruogetab Moab.

EZEKIEL 28:3

keero, i ng’om isiir Daniel; mami ung’otiet ne imuchi ichek koung’enen:

EZEKIEL 38:16

ak obwa obarge ak bikyuk Israel, ko u boldet ne tuchei emet; amutun eng’ betusiek che bo let obwa obarge ak emennyu, si kobiit konaa bororiosiek, ye tun aegu ne itabanat eng’ inye, ee Gog, eng’ tainywa.

EZEKIEL 38:8

Kibwanjinin ko kagosiirto betusiek che chang’: iite eng’ kenyisiek che bo let emet ne kigiweegune rotwetab chok, ne kigiweech eng’ bororiosiek che chang’, eng’ tolonokab Israel, ne kiga koguber betusiek che chang’: ago kigiweech komong’ eng’ bororiosiek ak komeng’is tugul eng’ chametab ge.

DANIEL 1:20

Ak kigeer anyun laitoriat bichoto kole siirei bik tugul che ng’omen che ng’orsei, ak ng’omotikab kecheik che kimi bounatennyi tugul konyil taman eng’ kit age tugul ne bo ng’omnatet ak naet ne kiga teepse laitoriat bichoto.

DANIEL 10:14

Kanyo anyun si kobiit aborun iguiye tuguk che tun bwanjin biguk eng’ betusiek che bo let: amu bo ng’ang’utiet betusiek che chang’.

DANIEL 2:18

si kosom rirenosiek che bo Kamuktaindetab kipsengwert agobo ung’otioni; kole si ma kibar Daniel ak choronokyik koboto bik alak che ng’omen che bo Babulon.

DANIEL 2:22

ng’anyei tuguk che looen ak ko ung’otin: ingen tuguk che mi mesundeito, ak komenyei lapkeiyet koboto inendet.

DANIEL 2:44

Ak tun lumdoi Kamuktaindetab kipsengwet eng’ betusiekab laitorinichoto bounatet ne magoi king’em, ama kigochin laitornatanato boror age; ago tuatui ak koges bounatosiechuto tugul, ak tononi koigeny.

DANIEL 2:45

Ak ko u ye koigeer ile kogieb koita ne komi tulwet ama eng’ eunek, si kotuatui karnet, sugunwet, menet, feda, ak tahabu; kagoborji Kamuktaindet ne o, laitoriat, tuguk che tun biitu let: ak bo iman karuotitoet, ak kosuldoi kaweeksennyi.

DANIEL 2:47

Kowolji laitoriat Daniel kolenji, Iman Kamuktaindeng’wong’ ko Kamuktaindet ne bou cheptalelisiek, ak ko Kiptaiyatab laitorinik, ak ng’ang’indetab ung’otik, amu kaimuch ing’any ung’otioni.

DANIEL 4:5

Kiaruotyi karuotitoet ne kiimua; ak kiima kabwatutik ak ng’ang’utik che kibwanja ami itogunnyu.

HOSEA 3:5

ye ibata koweek lagokab Israel, ak kocheng’ Jehovah Kamuktaindenywa, ak Daudi laitoriandenywa; ak kobwanji Jehovah ak mieindanyi eng’ kaiyweisiet eng’ betusiek che bo let.

AMOS 4:13

Amu, keero, inendet ne yaei tulonok, ak koyaei usonet, ak komwachin chi kabwatennyi, inendet ne yaei karonet koimenit, ak kotiechei komoswek che tororen che bo ng’ony; kainennyi ko Jehovah, Kamuktaindet ne bo lugosiek.

KAITOSYEK 24:14

Keero, kawe nguno ole mi bikyuk: nyo anyun amwaun kit ne itoi bichu biguk eng’ betusiek che bo let.

MATAYO 6:9

Noto anyun osa ko u ni: Kwandanyo ne mi kipsengwet, Ingotililit kaineng’ung’.

NG'ATUTIK 31:19

Osirjige anyun nguno tieni, si inet lagokab Israel: inde kutuswekwak, si koek baoriandennyu tieni agobo lagokab Israel.

NG'ATUTIK 4:30

Ak ye imitei nyalilda, ak kobwanjin tuguchu tugul, iweekyigei Jehovah Kamuktaindeng’ung’ anyun eng’ betusiek che bo let, ak igas kutinnyi:

2 TIMOTEO 3:1

Ago nai ni ile bwanei eng’ betusiek che bo let egosiek che bichien.

HEBRANIK 1:1

Jehovah, ne king’alalji kwanisiekyok keny eng’ maotik, eng’ kebeberwek che chang’ ak eng’ ortinwek che chang’,

2 PETERO 3:3

korok, ongen ole tun bwanei chombilik ak chombilisiet eng’ betusiek che bo let, che isubi magutikwak,

NG'ANG'UTYET 1:1

Ng’ang’utiet ne bo Jesu Kristo, ne kiigochi Jehovah inendet koborji otwogikyik tuguk che biitu kochogu, ne matiny: ak kiiyok ak koborji kiboitiondennyi Johana eng’ malaikaiyandennyi;