DANIEL 2:23 - BUKUIT NE TILIL

²³ Aweegun kongoi, ak alosun, ee inye, Kamuktaindetab kwanisiekyuk, ne kiigona ng’omnatet ak kamuget, ak kaiborun nguno kit ne kogimagenen: amu kaiboruech ng’olyotab laitoriat.

Bukuit Ne Tilil

²³ Aweegun kongoi ak alasun, ee inyee, Kamuktaindetap kwanisyekyuk, ne ki igoono utaatyet ak kamuget, ak kaiboorwon nguno kiit ne kogimagenen, amu kaiboorwech ng'olyootap laitoryat.”

DANIEL 2:23 ပူးပေါင်းရင်းမြစ်များ

TAUNET 18:17

Ak kile Jehovah, Tos aung’e Abraham kit ne amache ayai;

TAUNET 31:42

Ak nda kima komi kobota Kamuktaindet ne bo baba, Kamuktaindet ne bo Abraham, ak Inendet ne iywei Isak, ko kiteona awo buch. Kogogeer Kamuktaindet nyalildanyu ak boisietab eunekguk, sk kogerin kong’ lagat anyun amu noto.

1 LAITORINIK 18:36

Ak eng’ sait ne kigoitoe kagochinet, konyo maotiot Elija korik, ak kole, Ee Jehovah, Kamuktaindetab Abraham, ak ko bo Isak, ak ko bo Israel, ingonaak rani kele i Kamuktaindet eng’ Israel; ak a otwogindeng’ung’ ak konaak kele kayai tuguchuto tugul eng’ ng’olyondeng’ung’.

1 LAITORINIK 8:57

Ingoteb Jehovah Kamuktaindennyo kobotech ko u ye kimi ak kwanisiekyok: amat kobagaktech, anan kometech:

1 ATEPTAP PEETUUSYEK 29:10

Kolos anyun Daudi Jehovah eng’ taitab tuiyet tugul; ak kile Daudi, Iberurot inye, koigeny ak koigeny, ee Jehovah, Kamuktaindetab Israel kwandanyo.

1 ATEPTAP PEETUUSYEK 29:13

Ara anyun, Kamuktaindennyo, kimwaun kongoi, ak kilosu kaineng’ung’ ne bo torornatet.

2 ATEPTAP PEETUUSYEK 20:6

ak kile, Ee Jehovah, Kamuktaindetab kwanisiekyok, tos ma i Kamuktaindet eng’ kipsengwet? Ak tos ma i bounindet ne bou bounatosiek tugul che bo bororiosiek? Ak mi eung’ung’ kimnatet ak kamuktaet, ne mami ne imuchi kogirinden.

TIENWOGIKAL 21:2

Kiigochi kit ne machei muguleldanyi, Ama iete kit ne kosom.

TIENWOGIKAL 21:4

Kisomin sobondo, ak kiigochi; Agot chang’indab betusiek che bendi agoi koigeny ak koigeny.

TIENWOGIKAL 25:14

Mitei ung’otietab Jehovah koboto ichek che iywei inendet; Ak koborji ichek arorutiennyi.

TIENWOGIKAL 50:14

Igochi Kamuktaindet korosiotab kongoi; Ak yaakyi Inendet ne Toror Mising’ arorutiguk:

KOMONG'U 3:15

Ak kilenji Kamuktaindet Musa kogeny, Imwachini lagokab Israel ng’olyondoni ilenjini, Kagoyokwa anyonjok Jehovah Kamuktaindet ne bo kwanisiekwok, Kamuktaindet ne bo Abraham, Kamuktaindet ne bo Isak, Kamuktaindet ne bo Jakobo; kainennyu nito agoi koigeny, ak kabwatennyu nito agoi ibinwek tugul.

KALEWANAIK 21:22

Lanyei chito ne ng’om nganasetab che kimen, Ak kobut kimnatetab kamang’unennyi.

KALEWANAIK 24:5

Kim chito ne ng’om; Ee, tesei kimnatet chito ne bo naet.

KALEWANAIK 8:14

Nenyu kiruoget, ak naet ne igesunotge: A naet; atinye kamuget.

AMDOINDET 7:19

Ng’omnatet ko kimnatetab chito ne ng’om ne siirei bounik taman che mi nganaset.

AMDOINDET 9:16

Kiale anyun, Mie ng’omnatet kosiir kimnatet; nganda u noto, kesasei ng’omnatetab kibananiat, ama kigasei ng’alekyik.

AMDOINDET 9:18

Mie ng’omnatet kosiir karik che bo luget: ago ng’emei kiptengekyot agenge mieinwek che chang’.

ISAIAH 12:1

Ak eng’ betunoto imwae ile, Aweegun kongoi, ee Jehovah; agot nganda kiinerekya, ko kageisto neregeguk, ak igoigoa.

JEREMIA 33:3

Kuura, si awolun, ak aborun tuguk che eechen, ak ko uuen, che mengen.

DANIEL 1:17

Ago eng’ atebetab neranichuto ang’wan, ko kiigochi Kamuktaindet naet ak utatiet eng’ kanetetab ge tugul ak ng’omnatet: ak kitinyei Daniel kaguiyet ne bo ng’ang’utik tugul ak karuotitaosiek.

DANIEL 2:18

si kosom rirenosiek che bo Kamuktaindetab kipsengwert agobo ung’otioni; kole si ma kibar Daniel ak choronokyik koboto bik alak che ng’omen che bo Babulon.

AMOS 3:7

Iman mayaei kiy Kiptaiyat Jehovah kotom kong’ang’ji ung’otiennyi otwogikyik maotik.

MATAYO 11:25

Eng’ betusiechoto kowol Jesu kole, Amwaun kongoi, we Baba, Kiptaiyatab kipsengwet ak ng’ony, amu kiiung’e tuguchu che ng’omen ak che iguitos, ak kiing’ang’ji manyurunik:

LUKA 10:21

Eng’ sainato kobaibait Jesus eng’ Tamirmiriet ne Tilil, ak kole, Aweegun kongoi, ee Baba, Kiptaiyat ne bo kipsengwet ak ng’ony, amu kiiung’e tuguchu che ng’omen ak che ingen, ak kiing’ang’ji manyurunik: ee, Baba; amu kichamak ko u noto eng’ taing’ung’.

JOHANA 11:41

Koisto anyun koita. Ak kiyot met Jesu ak kole, Baba, amwaun kongoi ale kaigasa.

JOHANA 15:15

Ma aguurenok otwogik; amu manaei otwogindet kit ne yaei kiptaiyandennyi: ago kaaguurenok choronok; amu kaang’ang’wok tuguk tugul che kiagase Baba.

NG'ANG'UTYET 1:1

Ng’ang’utiet ne bo Jesu Kristo, ne kiigochi Jehovah inendet koborji otwogikyik tuguk che biitu kochogu, ne matiny: ak kiiyok ak koborji kiboitiondennyi Johana eng’ malaikaiyandennyi;

NG'ANG'UTYET 5:5

ak kilenja age eng’ boisiechugai, Merire: keero, kigoterter Ng’etundo ne bo oretab Juda, Tigitiot ne bo Daudi, si kobiit koyat bukuinoto ak ng’oksosiechoto tisab.