DANIEL 2:21 - BUKUIT NE TILIL

²¹ ak kowalei betusiek ak kenyisiek; istoi laitorinik, ak koeeti laitorinik; igochin ng’omnatet che ng’omen, ak kogochin naet ichek che ingen kaguiyet:

Bukuit Ne Tilil

²¹ Wolei peetuusyek ak kenyiisyek, istoi laitorinik, ak koeeti laitorinik; igoochin utaatyet che utaatiin, ak kogoochin naet icheek che ingen kaguiyet.

DANIEL 2:21 ပူးပေါင်းရင်းမြစ်များ

1 LAITORINIK 10:24

Ak kicheng’ ng’ony komugul kogeer Solomon, kogas ng’omnatennyi, ne kigainde Kamuktaindet muguleldanyi.

1 LAITORINIK 3:28

Ak kigas Israel tugul kiruoget ne kiiruoch laitoriat; ak kiiywei laitoriat: amu kigeer kole mi ng’omnatetab Kamuktaindet eng’ inendet, si kobiit koruoch.

1 LAITORINIK 4:29

Ak kiigochi Kamuktaindet Solomon ng’omnatet ak naet, che siirtootin mising’, ak boroindab muguleldo, ko u ng’aniek che mi ngegutab nyanjet.

1 ATEPTAP PEETUUSYEK 22:12

Ingogonin Jehovah kaguiyet ak naet, ak kogonin ng’atutiet agobo Israel; si kobiit irib ng’atutietab Jehovah Kamuktaindeng’ung’.

1 ATEPTAP PEETUUSYEK 29:30

koboto laitornatennyi tugul ak kimnatennyi, ak betusiekab sobennyi, ak che bo Israel, ak che bo bounatosiek tugul che bo emotinwek.

ESTA 1:13

Kolenji anyun laitoriat bik che ng’omen, che kiingen betusiek, (amu ki u noto ateptab laitoriat eng’ tugul che ingen ng’atutik ak kiruogutik:

Kitabuutap JOB 12:18

Itiachi ratutietab laitorinik, Ak koratei suenutikwak eng’ birenet.

KOMONG'U 31:3

ak kaanyiit inendet Tamirmiriet ne bo Kamuktaindet, ak ng’omnatet, ak kaguiyet ak naet, konai ole teptoi boisiet age tugul ne bo musoknatet,

KOMONG'U 31:6

Keero, kaalewen ane Oholiab koboto inendet, weritab Aisamak, ne bo oretab Dan; ak kaande ng’omnatet mugulelwekab tugul che tinyei kaguiyet, si kobiit koyai tugul che kaang’atin:

DANIEL 1:17

Ago eng’ atebetab neranichuto ang’wan, ko kiigochi Kamuktaindet naet ak utatiet eng’ kanetetab ge tugul ak ng’omnatet: ak kitinyei Daniel kaguiyet ne bo ng’ang’utik tugul ak karuotitaosiek.

DANIEL 10:1

Kiging’ang’ji Daniel ne kigiguure Beltesasar kiy eng’ kenyit ne bo somok ne bo Kirus laitoriatab Persia; ak ki bo iman kioto, noto ko ki boriet ne o: ak kiiguiyo, ak konyor kaguiyetab ng’ang’utiet.

DANIEL 11:6

Ak ye igesgei kenyisiek, konamgei; ak konyo cheptab laitoriatab murot ne bo tai ole mi laitoriatab murot ne bo katam kochamnyogei: ago mang’etyin cheboto kimnatetab eunnyi; ama tononi laitoriandanato, anan eunnyi; ago kigoitoi cheboto, koboto bik che kiimutu inendet, koboto chito ne kisichei inendet, koboto chito ne kigimiti inendet eng’ betusiechoto.

DANIEL 2:20

Kiwol Daniel kole, Iberurot kainetab Kamuktaindet koigeny ak koigeny: amu nenyi ng’omnatet ak kamuktaet:

DANIEL 2:23

Aweegun kongoi, ak alosun, ee inye, Kamuktaindetab kwanisiekyuk, ne kiigona ng’omnatet ak kamuget, ak kaiborun nguno kit ne kogimagenen: amu kaiboruech ng’olyotab laitoriat.

DANIEL 2:9

Ago ngot ko moborua karuotitoet, komi ng’atutiet agenge ne nyoljinok: amu koochob lembechek ak ng’alek che yaachen si omwa eng’ tainnyu, kot kowalak betusiek: omwawa anyun karuotitaonoto, si anai ale omuchi oborua kaweeksennyi.

DANIEL 4:14

Kimwa eng’ kutit ne o ko u ni kole, Oeb ketoto, ak oeb temenikyik, otumdum korara sogekyik, ak oseer logoekyik: ingoba tiong’ik eng’ kelunnyi, ak koba taritik eng’ temenikyik.

DANIEL 4:17

Bunu kiruogoni ng’atutietab ribik, ak bunu magonato ng’olyotab icheget che tililen: si kobiit konai che soptos kole bou Inendet ne Toror Mising’ bounatetab bik, ak kogochin age tugul ne makyin, ak koeeti bik che nyerotin mising’ koboi.

DANIEL 4:22

inye noto, ee laitoriandani, ne koieetu ak igimitu: amu kogotesak etunateng’ung’ ak koitei kipsengwet, ak koitei tabanwekab ng’ony bounateng’ung’.

DANIEL 4:32

Ak kionin eng’ ole mi bik, ak imeny koboto tiong’ikab timin; kigonin iagete ko u tuga, agoi kogesgei betusiek che kiging’at, konyil tisab; agoi inai ile bou Inendet ne Toror Mising’ bounatetab bik, ak kogochin age tugul ne makyin.

DANIEL 7:25

Ak komwa ng’alek che kirindoi Inendet ne Toror Mising’, ak koiim mising’ bik che tililen che bo Inendet ne Toror Mising’: ak kilen inendet kowal betusiek ak ng’atutik; ak kigochi koboi agoi kobek kenyit, ak kenyisiek, ak kebebertab kenyit.

LUKA 21:15

amu agonok kutit ak ng’omnatet, ne maimuchi bunikwok tugul kota kowol kiy anan kogirindaak.

ROMANIK 13:1

Ingogas it chi tugul bounatosiek che eechen: amu mami bounato, kobate ne bunu Jehovah; ak kiindoi Jehovah choto mitei.

1 KORINTOEK 1:30

Ago o bo inendet okwek eng’ Kristo Jesu, ne kigiyai eng’ Kristo Jesu, ne kigiyai eng’ achek koek ng’omnatet ne bunu Jehovah, ak imanda, ak tililindo, ak katiaget:

JAKOBO 1:17

Kagoitoet age tugul ne mie ak konunotiot age tugul ne igesunotgei ko bo barak, chorugei eng’ Kwanda ne bo lapkeiyosiek, ne mami eng’ inendet kit ne walaksei, anan ko uruet ne bunu waletab ge.

JAKOBO 1:5

Ago ngot kobetyi chi age tugul eng’ okwek ng’omnatet, ko ingosom Jehovah, ne igochin tugul eng’ aiyebindo ama kere kong’; ak kigochin inendet.

NG'ANG'UTYET 19:16

Ak kotinyei eng’ ngoriennyi ak eng’ kubestanyi kainet ne kigisir kole, LAITORIAT NE BO LAITORINIK, AK KIPTAIYAT NE BO KIPTAINIK.