DANIEL 12:7 - BUKUIT NE TILIL

⁷ Agas chito ne kiilaachi ngoroikab katanit, ne kimi baragutab beekab ainonoto, ye kinamjin barak eunnyi ne bo tai, ak eunnyi ne bo katam, ak koyosio eng’ inendet ne sobei koigeny, kole kobunjin kenyit, ak kenyisiek ak kebebertab kenyit; ak ye tun kagoges ichek tonet ne tonatoni kimnatetab bik che tililen, kogesgei anyun tuguchuto tugul.

Bukuit Ne Tilil

⁷ Agas chiito ne ki ilaachi ngoroigap katanit ne ki mi paragutap peegap ainonooto, ye kinamjin parak eunnyi ne po tai ak eunnyi ne po kaataam kotokyi kipsengwet. Ak ki agas koyasyo eng' ineendet ne sabei koigeny kole punjin kenyiit, kenyiisyek ak kebebertap kenyiit, ak ye tuun kagogees icheek tonet ne tonatoni kimnateetap piik che tiliileen, kogeskei anyun tuguuchuuto tugul.

DANIEL 12:7 ပူးပေါင်းရင်းမြစ်များ

Kitabuutap JOB 27:2

Ko u ye sobei Kamuktaindet, ne kiistoena imandanyu; Ak ko u ye sobei Inendet ne bo Kamuktaet, ne kigonyalil sobondanyu,

ISAIAH 62:12

Ak koguure ichek, Bik che tililen, Che kigotiach Jehovah: ak keguurenen, Ne Kigicheng’, Nganaset ne ma kimeto.

JEREMIA 4:2

ak iyosie ko u ni, ile, Ko u ye sobei Jehovah, eng’ imanit, eng’ kiruoget, ak eng’ imanda; ak koberurgei bororiosiek eng’ inendet, ak kolosunegei inendet.

EZEKIEL 20:5

ak ilenji, Mwaei Kiptaiyat Jehovah ko u ni kole: Eng’ betut ne kialewen Israel, ak ayogochi eunnyu iyotetab gotab Jakobo, ak aborjige ichek eng’ emetab Misri, ye kiayogochi eunnyu ichek alenji, A Jehovah Kamuktaindeng’wong’;

DANIEL 10:5

ayot met ak atobende, ageer chito ne ilaachi ngoroikab katanit, ne kiga rategei tahabu ne kararan ne bo Upas;

DANIEL 11:13

Ak koweeigei laitoriatab murot ne bo katam, kochob luget ne o kosiir ni ka bo tai; ak konyo ko kagobata betusiek, choto ko kenyisiek alak, koboto luget ne o ak tuguk che chang’.

DANIEL 12:6

Ak kiteebe age ne kiilaachi ngoroikab katanit, ne kimi baragutab beekab ainonoto, kolenji, Tianitu si koek kagesunetab kwong’utichu?

DANIEL 12:8

Ak kiagas, ago ma aguiye: yeityo amwa ale, Ee kiptaiyandennyu, egu nee kagesunetab tuguchuto?

DANIEL 4:31

Kingota kong’alali laitoriat, kotwek kutit ne bunu kipsengwet, kole, Ee laitoriat Nebukadnesar, kagimwaun ng’olyondoni: kele, kaistoenengei bounatet.

DANIEL 4:34

Ak kingogesgei betusiechoto anyal ane Nebukadnesar kipsengwet, ak koweekyagei naennyu, ak kiaweekyi kongoi Inendet ne Toror Mising, ak alosu ak agonyit inendet ne sobei koigeny; amu bounatennyi ko bounatet ne bo koigeny, ak ko bo laitornatennyi ibinwek tugul:

DANIEL 7:21

Kiageer koyai luget kuinonoto koboto bik che tililen, ak koterter kuinonoto ichek;

DANIEL 7:25

Ak komwa ng’alek che kirindoi Inendet ne Toror Mising’, ak koiim mising’ bik che tililen che bo Inendet ne Toror Mising’: ak kilen inendet kowal betusiek ak ng’atutik; ak kigochi koboi agoi kobek kenyit, ak kenyisiek, ak kebebertab kenyit.

DANIEL 8:14

Ak kilenja, kitilili ole tilil ko kagogesgei koskoleng’usiek ak karonusiek elfusiek aeng’ ak bogol somok.

DANIEL 8:24

Ak tesoksei kimnatennyi, ago ma eng’ kimnatennyi; ak kong’emis ne kikwong’e, ak konyor borotet ak koyai ko u ye machei: ak kong’em che nyigonen ak bik che tililen.

LUKA 21:14

Oegu che begechinotin eng’ mugulelwekwok, si mosib ogerer met agobo ole owolundoi:

LUKA 21:24

Ak kobutyo ichek eng’ ng’atibindab rotwetab chok, ak kimut luulenik koba bororiosiek tugul: ak kotiech Bororiosiek Jerusalem, agoi kosulda betusiekab Bororiosiek.

NG'ATUTIK 26:19

ak koyain itororitu isiir bororiosiek tugul che kiyai inendet eng’ kalosunet, ak kainet, ak teegisto; si iegu bororiet ne tilil eng’ Jehovah Kamuktaindeng’ung’, ko u ye kimwa.

NG'ATUTIK 32:36

Amu iruokyinechin Jehovah bikyik, Ak korir mo agobo otwogikyik; Ye keer kole kagowandagei kimnatenywa, Ama mi ne kong’et ne ratat anan ne ma ratat.

NG'ATUTIK 32:40

Amu kanamji eunnyu kipsengwet, Ak ale, Ko u ye asobe koigeny,

NG'ATUTIK 7:6

Amu i bororiet ne itabanat eng’ Jehovah Kamuktaindeng’ung’: kilewenin Jehovah Kamuktaindeng’ung’ iegu bororiet ne nenyi inegei, eng’ bororiosiek tugul che mi ng’ony.

1 PETERO 2:9

Ago okwek ko o bororiet ne kigelewen, o che boisiei eng’ tiseinatet ne bo kaplaitoriat, bororiet ne tilil, bik che bunjin Jehovah, si kobiit obarte telunatosiek che bo inendet ne kiguurok omong’une mesundeito omong’ji lapkeiyennyi ne kikweng’e.

NG'ANG'UTYET 12:14

Ak kigigochi kwonyoto kebebaik aeng’ che bo kipsichit ne o, si kobiit kotirirene kwo ong’atet agoi oldanyi, ole kibae, eng’ betusiek, ak betusiek alak, ak kebebertab betusiek, koistoegei togetab erenet.

NG'ANG'UTYET 12:6

Ak kimwei kwonyoto kwo surkwen, ole kiting’e komosta ne kiga kochopchi Jehovah, si kobiit kobai inendet eng’ oloto betusiek elfut agenge bogol aeng’ ak tamanwogik lo.

NG'ANG'UTYET 13:5

Ak kigigochi inendet kutit kong’alal tuguk che eechen ak chubisiosiek; ak kigigochi inendet kimnatet koboisie arawek artam ak aeng’.

NG'ANG'UTYET 4:10

kobutyi anyun boisiechoto tiptemu ak ang’wan taitab inendet ne tebe ng’echeranato bo laitornatet, ak kogutung’ji inendet ne sobei koigeny ak koigeny, ak kowirji ng’ony kutonokwak che bo tahabu eng’ taitab ng’echeret, kolen,

NG'ANG'UTYET 4:9

Ak ye igochi tuguchoto soptos torornatet ak teegisto ak kongoi inendet ne tebe ng’echeranato bo laitornatet, inendet ne sobei koigeny ak koigeny,