DANIEL 12:4 - BUKUIT NE TILIL

⁴ Ago tuch ng’alechu, ee Daniel, ak ing’och bukuit agoi betusiek che bo let: tun ruaati che chang’, ak kotesak naet.

Bukuit Ne Tilil

⁴ Ago tuch ng'aleechu, ee Daniel, ak ing'ooch bukuit agoi peetuusyek che po let. Tuun rwaati che chaang', ak kotesak naet.

DANIEL 12:4 ပူးပေါင်းရင်းမြစ်များ

ISAIAH 11:9

Ma ito kiy chi anan kong’emis eng’ tulwennyu tugul ne tilil: amu nyiiei ng’ony naetab Jehovah ko u ye nyiiei beek nyanjet.

ISAIAH 29:11

Ak kagergeit eng’ okwek ng’ang’utiet tugul ak ng’alekab bukuit ne kiging’och, ne igochin bik chito ne inetat, kolenji, Asomin ale, soman bukuini: ak kole, Mamuchi, amu kiging’och.

ISAIAH 30:26

Kogeny, kogergeitu lapkeiyetab arawet ak ne bo asista, ak kotesak lapkeiyetab asista konyil tisab, koigei lapkeiyetab betusiek tisab, eng’ betut ne inyai Jehovah mookab bikyik, ak kosoob birutikab kaguotenenywa.

ISAIAH 32:3

Ama kigerei konyekab icheget che keertoi, ak kogasta itikab icheget che kastoi.

ISAIAH 8:16

Rat anyun baornatet, ng’och ng’atutik eng’ kwenutab alamalyennyu.

JEREMIA 5:1

Oruaate ortinwekab Jerusalem si ogeer, ak onai, ak ocheng’ eng’ komoswekyik che baraen, ngot omuchi onyoru chi, ngot komi ne yaei imanda, ne cheng’ei imanit; si kobiit anyochi kaat nganasanato.

DANIEL 10:1

Kiging’ang’ji Daniel ne kigiguure Beltesasar kiy eng’ kenyit ne bo somok ne bo Kirus laitoriatab Persia; ak ki bo iman kioto, noto ko ki boriet ne o: ak kiiguiyo, ak konyor kaguiyetab ng’ang’utiet.

DANIEL 10:14

Kanyo anyun si kobiit aborun iguiye tuguk che tun bwanjin biguk eng’ betusiek che bo let: amu bo ng’ang’utiet betusiek che chang’.

DANIEL 10:21

Ago amwaun kit ne sirat eng’ sirutik che bo iman: ama mi age ne toreta agirinda tuguchuto, kobate Mikael bounindeng’wong’.

DANIEL 11:33

Ak konet bik che chang’ bik che ng’omen che mi kwenutab bik: ago kibarei eng’ rotwetab chok, ak eng’ mat, eng’ luulet ak eng’ kamutet, eng’ betusiek che chang’.

DANIEL 11:40

Ak koborio ak inendet laitoriatab murot ne bo tai eng’ betusiek che bo let: ak kobokyi inendet laitoriat ne bo murot ne bo katam ko u kipchurjuriet, koboto karisiekab luget, ak bik che lanyei mbartanyisiek, ak melisiek che chang’; ak kwo kochwalda koyom emotinwek, ak kobun oloto.

DANIEL 12:13

Ago ui inye oldang’ung’ agoi koit kagesunet: amu imuunyi, ak tun itononi eng’ komostang’ung’, eng’ kagesunetab betusiechoto.

DANIEL 12:5

Kiageer anyun ane Daniel, ak ogeero, kitononso alak aeng’u, kitonone age ngegutab ainet bitoni, kotonone age ngegutab ainet bitonin.

DANIEL 12:9

Ak kile, Ui inye Daniel: amu kagituch ng’alechuto ak keng’och kot koit betusiek che bo kagesunet.

DANIEL 8:17

Kirik anyun ye kiatonone; ak kingoit ole ami, aiyweisie, ak abut kot kotiiny toget ng’ony: ago kilenja, Ee, weritab chi, iguiye anyun; amu bo ng’ang’utionito betusiek che bo let.

DANIEL 8:19

Ak kile, Keero, aborun inai tuguk che tun biitu let che bo neregek: amu bo ng’ang’utionoto betut ne kiging’at ne bo let.

DANIEL 8:26

Ak bo iman ng’ang’utietab koskoleng’usiek ak karonusiek ne kagemwa: ago tuch inye ng’ang’utionoto; amu bo betusiek che chang’ che bwanei.

MATAYO 24:14

Ak keamdaati logoiywechu miach bo bounatet eng’ ng’ony komugul koek baornatet eng’ bororiosiek tugul; ak koit anyun kagesunet.

ROMANIK 10:18

Ago amwae ale, Tos kima kas? Ee, iman, Kiwa twegunenywa koyom emet komugul, Ak kiba ng’alekwak agoi tabanwekab ng’ony.

NG'ANG'UTYET 10:4

Ak ye kingo kagobolyo tulosiek tisabu, amach asir: ak kiagas kutit ne bunu kipsengwet kole, Ng’och tuguk che kamwa tulosiek tisabu, amesir.

NG'ANG'UTYET 22:10

Ak kilenja, Amat ing’och ng’alek che bo maoinatetab bukuini; amu kagorik betusiek.

NG'ANG'UTYET 5:1

Ak kiageer eng’ eutab tai ne bo inendet ne kitebe ng’echeranato bo laitornatet, bukuit ne kigisir orit ak batai, ne kiging’och kogerak eng’ ng’oksosiek tisab.