DANIEL 12:3 - BUKUIT NE TILIL

³ Ak koluu che ng’omen ko u kakweng’et ne bo barak; ak koluu koigeny ak koigeny ko u kecheik ichek che imutyin che chang’ imanda.

Bukuit Ne Tilil

³ Tuun iluu che utaatiin ko uu kakweng'et ne po parak; ak kooluu koigeny ak koigeny ko uu kecheik icheek che imutyin che chaang' imanda.

DANIEL 12:3 ပူးပေါင်းရင်းမြစ်များ

KOMONG'U 34:35

ak kigeer lagokab Israel togetab Musa, kole iluu iririotab togetab Musa: ak kituge Musa togennyi ngoriet kogeny, agoi komanda kwo kong’alal ak inendet.

KALEWANAIK 11:30

Logoekab ne bo iman ketitab sobondo; Ng’om inendet ne soru sobonwekab bik.

KALEWANAIK 3:35

Bunjin torornatet bik che ng’omen; Ago egu tewernatet etunatetab che berber.

KALEWANAIK 4:18

Ago oretab che bo iman ko u lapkeiyet ne iluu, Ne iluu ko tesoksei agoi betut ne igesunotgei.

AMDOINDET 12:9

Ago, amu ki ng’om Amdoindet, kita koneti bik naet; ee, kiibwat, ak kocheng’, ak kotet kalewenaik che chang’.

ISAIAH 53:11

Tun keerei che biitune ng’wanindab sobondanyi, ak koyam; tun iityin otwogindennyu ne bo iman, imanda, bik che chang’, eng’ naennyi: ak tun ibei tengekwogikwak.

JEREMIA 23:22

Ago nda kiga tononso eng’ kapkiruogennyu, ta kiigochin bikyuk kogas ng’alekyuk, ak ta kiweechi bichoto koweek eng’ orenywa ne ya, ak eng’ yaitietab boisionikwak.

DANIEL 11:33

Ak konet bik che chang’ bik che ng’omen che mi kwenutab bik: ago kibarei eng’ rotwetab chok, ak eng’ mat, eng’ luulet ak eng’ kamutet, eng’ betusiek che chang’.

DANIEL 11:35

Ak kobutyo alak che ng’omen eng’ ichek, si kitilil, ak kianyiny, ak keyai koleelagitu, kot koit betut ne bo let: amu ta koitu betut ne kiging’at.

DANIEL 12:10

Ianyinyegei che chang’, ak koyaegei koleelagitu, ak kotililegei: ago yaei kiptengeginik tengekto; amaiguitos kiptengeginik agot agenge: ago iguitos ichek che ng’omen.

MATAYO 13:43

Iluu anyun che bo imanda ko u asista eng’ bounatetab Kwandanywa. Inendet ne tinyei itik, kogas.

MATAYO 19:28

Ak kilenji Jesu ichek, Amwawok, iman, ale, Okwek che koosubwa, eng’ yaet ne leel ye tun tebe Weritab chi ng’echeretab torornatennyi, otebe ak okwek ng’echerok taman ak aeng’ che bo laitornatet, oruokyini ortinwek taman ak aeng’ che bo Israel.

MATAYO 24:45

Ng’o anyun otwogindet ne kiyani ak ko ng’om, ne kiinde kiptaiyandennyi kotononji gonnyi, ak kogochi bik amitwogikwak eng’ betut ne yamei?

JOHANA 4:36

Inendet ne kesei kotaachei melekto, ak koyumi logoek che bo sobondab koigeny; si koboiboitu tuwai ne kolei ak ne kesei.

JOHANA 5:35

Ki tait inendet ne kilalei kokweng’sei: ak kiocham oboiboitune lapkeiyennyi eng’ betusiek che matia.

POISYONIGAP CHE KIYOKTOI 13:1

Ak kimi kaniset ne kimi Antiokia, maotik ak konetik, Barnaba, ak Simion ne kigiguure Niger, ak Lukio ne bo Kurene, ak Manaen ne kigigui koboto kiruogindet Herod, ak Saul.

1 KORINTOEK 3:10

Kialumde lumeiywot ko u teegindet ne o ne ng’om, ko u mieindab Jehovah ne kigigona; ak teechei chito age baragunnyi. Ago ingorib chi age tugul ole teektoi eng’ baragunnyi.

EPESOEK 4:11

Ak kiigochi alak koek che kiyoktoi: ak alak, maotik; ak alak, che mwaitooti logoiywek che miach; ak alak, mestowek ak ko konetik;

HEBRANIK 5:12

Amu eng’ ye kita nyolu oegu konetik, konyoljinok kogeny konetak chi konetisiosiek che bo tai che bo ng’alekab Jehovah; ak kioegu che machei chego, ama amitwogik che uuen.

2 PETERO 3:15

Ak oiit ole muitaetab Kiptaiyandennyo ko yetunet; ko u ye kisirwak agine Paulo, tupchennyo ne kechame, ko u ng’omnatet ne kigigochi;

NG'ANG'UTYET 1:20

ung’otietab kecheik tisab che kegeer eng’ eunnyu ne bo tai, ak kelyek tisab che bo taisiek che bo tahabu. Kecheichoto tisab ko malaikaisiekab kanisosiek tisab: ak kelyechoto tisab bo taisiek ko kanisosiek tisab.

KIRUOGIK 5:31

Ingobetyo anyun buniguk tugul, ee Jehovah: Ago ingoigei che chamei inendet asista, ye choru eng’ kimnatennyi. Ak kiimuuny emet eng’ kenyisiek artam.