DANIEL 12:13 - BUKUIT NE TILIL

¹³ Ago ui inye oldang’ung’ agoi koit kagesunet: amu imuunyi, ak tun itononi eng’ komostang’ung’, eng’ kagesunetab betusiechoto.

Bukuit Ne Tilil

¹³ Ago ui inyee oldang'ung' agoi koit kagesunet: amu imuunyi, ak tuun itononi eng' komostang'ung', eng' kagesunetap peetuusyechooto.

DANIEL 12:13 ပူးပေါင်းရင်းမြစ်များ

TIENWOGIKAL 1:5

Eng’ noto anyun matonondos che yaachen eng’ kiruoget, Ama tonondos kiptengeginik eng’ tuiyetab che bo imanda.

TIENWOGIKAL 16:5

Jehovah ko kebebertab borotennyu ak ne bo kikombennyu: Iname barbariandennyu.

TIENWOGIKAL 16:9

Baibai muguleldanyu amu noto, ak kogasegei sobondanyu: Ak kotebi bortanyu agine eng’ chametab ge.

KOMONG'U 33:14

Ak kile, Kibendi tuwai, ak agonin kamuung’et.

DANIEL 12:3

Ak koluu che ng’omen ko u kakweng’et ne bo barak; ak koluu koigeny ak koigeny ko u kecheik ichek che imutyin che chang’ imanda.

DANIEL 12:4

Ago tuch ng’alechu, ee Daniel, ak ing’och bukuit agoi betusiek che bo let: tun ruaati che chang’, ak kotesak naet.

SEKARIA 3:7

Mwaei Jehovah ne bo lugosiek ko u ni kole: Ngot iwendote ortinwekyuk, ak ngot irib ng’atutikyuk, iruoksechi anyun aginye gonnyu, ak irib seremusiekyuk, ak ayatun ole ibunoti eng’ kwenutab chu tonondos eng’ yuto.

MATAYO 19:28

Ak kilenji Jesu ichek, Amwawok, iman, ale, Okwek che koosubwa, eng’ yaet ne leel ye tun tebe Weritab chi ng’echeretab torornatennyi, otebe ak okwek ng’echerok taman ak aeng’ che bo laitornatet, oruokyini ortinwek taman ak aeng’ che bo Israel.

LUKA 21:36

Ago oripge eng’ betut age tugul, ak osae, si kobiit oterterisie, ochilile tuguchuto tugul bwanei, ak otononse eng’ taitab Weritab chi.

2 KORINTOEK 5:1

Amu kingen kele ngobutok got ne bo ng’onyuni ne borwekyok, ketinye teekset ne bunu Jehovah, got ne kima kiteech eng’ eunek, bo koigeny, eng’ kipsengwet.

2 THESSALONIKEK 1:7

ak kogonok kamuung’et kobotech, okwek che kiusei, eng’ ng’ang’etab Kiptaiyat Jesu kobunu kipsengwet koboto malaikaisiek che bo kamuktaennyi

NG'ANG'UTYET 14:13

Ak kiagas kutit kobunu kipsengwet kole, Sir ile, Boiboen ichek che begu eng’ Kiptaiyat koboch nguno: ee, mwaei Tamirmiriet, kole si kobiit komuuny eng’ boisionikwak, amu isubi ichek boisionikwak.