DANIEL 12:10 - BUKUIT NE TILIL

¹⁰ Ianyinyegei che chang’, ak koyaegei koleelagitu, ak kotililegei: ago yaei kiptengeginik tengekto; amaiguitos kiptengeginik agot agenge: ago iguitos ichek che ng’omen.

Bukuit Ne Tilil

¹⁰ Ianyinyegei che chaang', ak koyaegei koleelagitu, ak kotiliilegei; ago yaei kiptengeginik tengekto. Ama iguitos kiptengeginik agot agenge, ago iguitos icheek che utaatiin.

DANIEL 12:10 ပူးပေါင်းရင်းမြစ်များ

TIENWOGIKAL 107:43

Epchin it ne ng’om tuguchuto, Ak kobwatoti rirenosiekab Jehovah.

TIENWOGIKAL 51:7

Iunena husop, si atililit: Iuna, si atililit kosiir teluchi.

KALEWANAIK 1:5

Si kobiit kogas chito ne ng’om, ak kotesak eng’ kanetetab ge; Ak si kobiit konyor kiruogutik che bo iman chito ne tinyei kaguiyet;

ISAIAH 1:18

Obwa anyun, keng’alal, mwaei Jehovah: agot ngo biriren tengekwogikwok, koleelagitu ko u teluchi; agot ngo biriren mising’, koigeitu kororikab kechirek.

EZEKIEL 36:25

Ak abisenok beek che tililen, si otililitu: ak aundawok simdang’wong’ tugul, ak kanamonikwok tugul.

EZEKIEL 47:11

Ago magianyinyi komoswekyik che mi ng’atatek, ak nyanjosiekyik; kibagaktoi kobunji munyuk.

DANIEL 11:33

Ak konet bik che chang’ bik che ng’omen che mi kwenutab bik: ago kibarei eng’ rotwetab chok, ak eng’ mat, eng’ luulet ak eng’ kamutet, eng’ betusiek che chang’.

DANIEL 11:35

Ak kobutyo alak che ng’omen eng’ ichek, si kitilil, ak kianyiny, ak keyai koleelagitu, kot koit betut ne bo let: amu ta koitu betut ne kiging’at.

DANIEL 12:3

Ak koluu che ng’omen ko u kakweng’et ne bo barak; ak koluu koigeny ak koigeny ko u kecheik ichek che imutyin che chang’ imanda.

HOSEA 14:9

Ng’o ne ng’om, si koguiyo tuguchuto? Ng’o ne utat, si konai tuguchoto? Amu lititen ortinwekab Jehovah, ak bendote che bo iman ortinwechoto; ago ibutyin oloto bistoik.

SEKARIA 13:9

Ak amut kebeberato bo somok kobun mat, ak atilil ichek ko u ye kitilili feda ak atiem ichek ko u ye kitiemei tahabu: kuurei ichek kainennyu, ak agas ichek: amwae ale, Icheget ko bikyuk; ak kole, Jehovah ko Kamuktaindennyu.

MALAKI 3:3

ak koteb ng’ony ko u kaunindetab feda ak ko katililindet, ak kitilil werikab Lawik, ak kotilil ichek ko u ye kitilili tahabu ak feda; ak kogochi Jehovah kagochinoik eng’ imanda.

MARIKO 4:11

Ak kilenji, Kagegonok okwek onai ung’otiet ne bo bounatetab Jehovah: ago ichek che mitei sang’, keyachin tuguk tugul eng’ kalewenaik:

LUKA 24:25

Ak kilenji anyun bichoto, Ee, che berberen, ak ko tamusen mugulelwek kot ko mata koyan tuguk tugul che kimwa maotik!

JOHANA 18:37

Kolenji anyun Pilato inendet, Ara, i laitoriat so? Kowol Jesu kole, Imwae ile a laitoriat. Kigisicha amu nito, ak kianyo ng’ony amu nito, si kobiit abaorianji imanit. Kasei kutinnyu chi age tugul ne bo imanit.

JOHANA 7:17

Ngo machei chi age tugul koyai magetab Jehovah, konai konetisioni, ngo bo Jehovah, anan ngamwae anege.

JOHANA 8:47

Inendet ne bo Jehovah kogasei ng’alekab Jehovah: noto anyun mogase okwek, amu mobo Jehovah.

1 KORINTOEK 6:11

Ak ki u choto alak eng’ okwek: ago kigiunok, ago kigitabanak, ago kigiityok imanda eng’ kainetab Kiptaiyat Jesu Kristo, ak eng’ Tamirmirietab Jehovah nenyo.

2 KORINTOEK 7:1

Amu kitinye arorutichu anyun, chamanichu, ongitililge, keiste simdo tugul ne bo borto ak ne bo tamirmiriet, si keityi tililindo eng’ kaiyweisietab Jehovah.

TITO 2:14

ne kiigoitogei agobo achek, si kobiit kotiachech eng’ tengekto tugul, ak kotililjigei bik koek chechik, che lewenotin, che igiilegei eng’ boisionik che miach.

HEBRANIK 12:10

Amu kiitigonisiei ichek betusiek che ng’ering’ ko u ye kigeerei kole mie; ago inendet, kotigonisiei agobo toretet, si keegu che yamdoi tililindanyi.

1 PETERO 1:22

Amu kiotilil sobonwekwok eng’ kasetab it ne ogase it imanit kot koit chamnyetab tupchosiek ne matinyei kenisiet, ochamnye, okwege eng’ mugulelwekwok eng’ kagiiletab ge:

1 PETERO 1:7

si kenyor eng’ kalosunet ak torornatet ak teegisto, tiemet ne chamaksei ne bo kayaneng’wong’, ne tinyei kamanutiet ne o kosiir ne bo tahabu che betos nganda kitiemei eng’ mat, eng’ ng’ang’et ne bo Jesu Kristo:

1 JOHANA 5:20

Ak kingen kele kigonyo Weritab Jehovah, ak kigogonech kaguiyet, si kobiit kenai inendet ne bo iman, ak kemi eng’ inendet ne bo iman, eng’ Werinnyi Jesu Kristo. Nito ko Jehovah ne bo iman, ak sobondab koigeny.

NG'ANG'UTYET 16:11

ak kichub Jehovah ne bo kipsengwet amu ng’woninwekwak ak mookwak; ama sik eng’ boisionikwak.

NG'ANG'UTYET 19:14

Ak kiisubi inendet lugosiek che mi kipsengwet che lanyei mbartanyisiek che leelach, kolaachi katanisiek che kororon che leelach kot ak ko tililen.

NG'ANG'UTYET 19:8

Ak kigigochi inendet kolaach gei eng’ katanit ne kararan, ne leel kot ak ko tilil; amu katanit ne kararan ko boisionikab imanda che bo bik che tililen.

NG'ANG'UTYET 22:11

Inendet ne ma bo imanda, koyai che ma bo imanda kosiir: ak inendet ne bo simdo, ingoek ne bo simdo kosiir: ak inendet ne bo imanda, koyai che bo imanda kosiir: ak inendet ne tilil, ingotililit kosiir.

NG'ANG'UTYET 3:18

aborun ale ialena tahabu ne kigitilile mat, si iegu magoriot; ak ngoroik che leelach, si ilaaige, si matook kalilanetab ach ngoring’ung’; ak kerichekab konyek che iile konyeguk si igeerte.

1 SAMUEL 24:13

Ko u ye mwaei kalewenetab bik che bo keny, kole, Bunu sogornatet sogoranik: ago mabarin eunnyu.