DANIEL 12:1 - BUKUIT NE TILIL

¹ Ak kotonon eng’ betunoto Mikael, bounindet ne o ne toreti lagokab biguk: ak biitu betusiek che bo nyalilda, che kitomo kobiitu koboch ngab kobiit bororiet agoi betunoto: ak kisoru biguk eng’ betusiechoto, age tugul ne kigisirji kainennyi bukuit.

Bukuit Ne Tilil

¹ Ak kotonon eng' peetuunooto Mikael, pounindet ne oo ne toreti lagogap piiguk. Tuun piitu peetuusyek che po nyalilda, che ki tomo kobiitu kobooch ngap kobiit pororyet agoi peetuunooto. Ago kisaru piiguk eng' peetuusyechooto, age tugul ne ki kisirchi kainennyi bukuit.

DANIEL 12:1 ပူးပေါင်းရင်းမြစ်များ

TIENWOGIKAL 56:8

Iiti ombenennyu: Inde beekyuk bo kong’ soteng’ung’; Tos mami choto bukuing’ung’?

TIENWOGIKAL 69:28

Ingibukto ichek eng’ bukuitab sobon, Amat kesir koboto che bo imanda.

ISAIAH 4:3

Ak tun kiguure ne itabanat inendet ne ng’etu eng’ Sion, ak inendet ne ng’etu eng’ Jerusalem, chito age tugul ne kigisir eng’ che soptos eng’ Jerusalem:

ISAIAH 9:7

Mami ole igesunegei tesetab ge ne bo bounatennyi ak kalyet, eng’ ng’echeret ne bo laitornatetab Daudi, ak laitornatennyi, si kogimit, ak koboi eng’ kiruoget ak imanda koboch nguno agoi koigeny. Yaei nito kagiiletab ge ne bo Jehovah ne bo lugosiek.

JEREMIA 30:10

Ameiywei anyun, ee Jakobo otwogindennyu, mwaei Jehovah; ametoptoben, ee Israel: amu asorun eng’ ole loo, koboto iyoteng’ung’, komong’ eng’ emet ne kiga kiluulji; ak koweek Jakobo, ak kosis, ak komuuny, ama komi chi ne imui inendet.

JEREMIA 30:7

Bwa! Amu o betunoto, kot ko mami age ne u noto: noto ko betutab nyalildab Jakobo; ago kisoru eng’ nyalilato.

EZEKIEL 13:9

Ak koborie eunnyu maotik che keerei tangoita, ak che ng’orei lembechek: matebe kapkiruogetab bikyuk, ama kisirjin bukuit ole kisirjin gotab Israel, ama bendi emetab Israel; si onai ole a Kiptaiyat Jehovah.

EZEKIEL 34:24

Ak aegu ane Jehovah Kamuktaindenywa, ak koek Daudi otwogindennyu, bounindet eng’ kwenunywa; kamwae ane Jehovah ng’olyondonito.

EZEKIEL 5:9

Ak ayai eng’ inye kit ne tom ayae, ak kit ne matun ayae ne u noto kogeny, amu tuguguk tugul che kiwechei.

DANIEL 10:13

Ago kiranya bounindetab bounatetab Persia eng’ betusiek tiptem ak agenge: ago keero, kinyo Mikael, age eng’ bounik che eechen kotoreta: ak kiatebe oloto koboto laitorinikab Persia.

DANIEL 10:21

Ago amwaun kit ne sirat eng’ sirutik che bo iman: ama mi age ne toreta agirinda tuguchuto, kobate Mikael bounindeng’wong’.

DANIEL 11:45

Ak koteech emaisiekab gonnyi ne bo laitornatet eng’ kwenutab nyanjet ak tulwet ne tilil ne kararan; ago tun meei, ama toreti chi inendet.

DANIEL 7:10

Kibiit ainet ne u mat ne kimong’une tainnyi: kiboisiechin inendet elfusiek konyil elfut, ak kitonondos eng’ tainnyi elfusiek tamanu konyil elfusiek taman: kigichob kiruoget, ak kiging’any bukuisiek.

DANIEL 9:12

Ak kigogimit ng’alekyik, che kimwa agobo achek, ak agobo kiruogikyok che kiiruokwech koibwech yaitiet ne o: amu tom keyai eng’ kureret komugul ne bo kipsengwet kit ne kigiyachi Jerusalem.

JOEL 2:2

betutab mesundeito ak tuuindo, betutab bolik ak mesundeito ne nyigis, ko u ye machei korir emet eng’ tulonok; bororiet ne o ak ko kim, ne kitomo kobiitu ne u noto, ama kobiitu ne u ichek kogeny, agoi kenyisiekab ibinwek che chang’.

MALAKI 3:16

King’alaljigei anyun che iywei Jehovah: ak kieb it Jehovah kogas ak kigisir eng’ tainnyi bukuitab kabwatet agobo ichek che iywei Jehovah, ak kobwati kainennyi.

MATAYO 24:21

amu egu anyun nyalilda ne o, ne kitom kobiitu koboch taunetab ng’ony agoi nguno, ama koegu kogeny.

MARIKO 13:19

Amu egu nyalilda eng’ betusiechoto, ne kitom koegu ko u noto koboch taunetab yaetab ng’ony ne kiyai Jehovah, agoi nguno, ama kobiitu ko u noto kogeny agoi.

LUKA 10:20

Ago amoboiboitu amu ng’olyondoni, amu kasok it oik; ago oboiboitu amu sirotin kainaikwok eng’ kipsengwet.

ROMANIK 11:15

Amu ngo toortaenywa ko katuiyetab ng’ony, ko tos nee anyun taagetab ichek, kobate sobondo ne mong’une che kibek?

ROMANIK 11:26

ak u noto tun kisoru Israel tugul: ko u ye sirat kole, Tun mong’une Sion Katiagindet; Ak koistoe Jakobo bistoet:

EPESOEK 1:21

ne toror kosiir laitornatet tugul, ak bounatet, ak kamuktaet, ak kiptainatet, ak kainet age tugul ne mwaat, ma kityo eng’ kenyisiechu, ago eng’ choto bwanei:

PILIPIK 4:3

Ee, asomin aginye, kiboitiot ne bo iman kobota, ale toret kobogoriosiechu, amu kigiboisiei tugul eng’ logoiywek che miach, koboto Klement agine, ak chun alak che ki kiboitinik tugul, che mi kainaikwak bukuitab sobondo.

JUDA 1:9

Ago ye kingobaregei Mikael, malaikaiyat ne o, ak oindet, kotiitos agobo mustab Musa, ko ma kany koipchi inendet kiruogetab chubet, ago kile, Ingogerin kong’ Kiptaiyat.

NG'ANG'UTYET 1:5

ak che bunu Jesu Kristo ne baoriat ne bo iman, taita ne bo che kigobek, ak ko bounindetab laitorinikab ng’ony. Ingobunji inendet ne chamech, ne kiitiachech eng’ tengekwogikyok eng’ korotikyik;

NG'ANG'UTYET 12:7

Ak kibiit luget eng’ kipsengwet: kiwa Mikael koboto malaikaisiekyik kobargei ak maswetit; ak kiyai luget maswetinoto ak malaikaisiekyik;

NG'ANG'UTYET 13:8

Ak kolos inendet tugul che menyei ng’ony, che ma kisirji kainaikwak bukuitab sobondo ne bo Aruet ne kigibar koboch taunetab ng’ony.

NG'ANG'UTYET 17:14

Baregei chuto ak Aruet ak koterter Aruet ichek, amu inendet ko Kiptaiyatab kiptainik, ak ko Laitoriatab laitorinik; ak icheget che mi koboto inendet, che kigiguur ak che kigilewen ak che kiyani.

NG'ANG'UTYET 20:12

Ak kiageer che kigobek, che eechen ak che mengechen, kotonondos eng’ taitab ng’echeretab laitornatet; ak kigiyat bukuisiek: ak kigiyat bukuit age, noto ko bukuitab sobondo: ak kigiruokyi che kigobek eng’ tuguk che kiga kisirji bukuisiechoto, ko u boisionikwak.

NG'ANG'UTYET 20:15

Ak ngot kenyor chi age tugul ne kima kisirji bukuitab sobondo, kewirjin araraitab mat.

NG'ANG'UTYET 3:5

Inendet ne iterteri kotun kilaakyin ko u noto ngoroik che leelach; ak magoi abuch kainennyi eng’ bukuitab sobondo, ago ang’anye kainennyi eng’ taitab Baba, ak eng’ taitab malaikaisiekyik.

NG'ANG'UTYET 7:14

Ak kialenji inendet, Kiptaiyandennyu, ingen inye. Kolenja anyun, Chu ko ichek che bunu nyalilda ne o, ak kigomwet ngoroikwak koleelagitu eng’ korotikab Aruet.