DANIEL 11:45 - BUKUIT NE TILIL

⁴⁵ Ak koteech emaisiekab gonnyi ne bo laitornatet eng’ kwenutab nyanjet ak tulwet ne tilil ne kararan; ago tun meei, ama toreti chi inendet.

Bukuit Ne Tilil

⁴⁵ Ak koteech emaisyegap koonnyi ne po laitornatet eng' kwenutap nyanjet ak tulweet ne tiliil ne karaaran; ago tuun meei, ama toreti chii ineendet.

DANIEL 11:45 ပူးပေါင်းရင်းမြစ်များ

TIENWOGIKAL 48:2

Mi tulwetab Sion ole kararan, ole toogunot, inendet boiboindab ng’ony komugul, Ne tokyingei murot ne bo katam, Nganasetab Laitoriat ne o.

ISAIAH 10:12

Noto anyun ye tun kagoyai Kiptaiyat boisiennyi komugul eng’ tulwetab Sion ak eng’ Jerusalem, abir anyun logoekab menotetab muguleldo ne bo laitoriatab Asuria, ak torornatetab kachaunennyi bo ge.

ISAIAH 11:9

Ma ito kiy chi anan kong’emis eng’ tulwennyu tugul ne tilil: amu nyiiei ng’ony naetab Jehovah ko u ye nyiiei beek nyanjet.

ISAIAH 14:13

Ak kiimwa eng’ muguleldang’ung’ ile, Atogostoi kipsengwet, atorori ng’echerennyu ne bo laitornatet kosiir kecheikab Kamuktaindet; ak atebe tulwetab tuiyet, eng’ komoswek che looen che bo murot ne bo katam.

ISAIAH 2:2

Kimitu eng’ betusiek che bo let, tulwetab gotab Jehovah eng’ tulonok barak, ak kitorori kosiir tulonok che mengechen; ak tun itendenjin oloto bororiosiek tugul.

ISAIAH 27:13

Ak tun kiguutei iriaget ne o eng’ betunoto; ak tun bwanei che ki negit kolusyo eng’ emetab Asuria, koboto che kigetimda eng’ emetab Misri; ak tun ilosu Jehovah eng’ tulwet ne tilil eng’ Jerusalem.

ISAIAH 65:25

Ageti suiyot ak aruetab kechir, ak koam ng’etundo suswek ko u teta: ak koek ng’ung’unyek amitwogikab erenet. Ma itoi kiy chi anan kong’emis eng’ tulwennyu tugul ne tilil, mwaei Jehovah.

ISAIAH 66:20

Ak komut tupchosiekwok tugul komong’une bororiosiek tugul koek kagochinet eng’ Jehovah, kobunu mbartanyisiek, ak karisiek, ak tirbonok, ak eng’ nyumbusiek, ak eng’ moek che chepcheben che bo tambesik, kobwa tulwennyu ne tilil Jerusalem, mwaei Jehovah, ko u ye ibu lagokab Israel kagochinenywa eng’ teret ne tilil konyo gotab Jehovah.

EZEKIEL 39:2

ak awelelin, ak areun, ak amutun itogosu eng’ tabanwek che looen che bo murot ne bo katam; ak amutun inyo tulonokab Israel:

DANIEL 11:16

Ago inendet ne nyonei kobaregei ak chichoto koyaei ko u ne machei, ama biitu chi ne imuchi kotonon eng’ tainnyi: ak kotonon inendet eng’ emet ne kararan mising’, ak mi eunnyi ng’emisiet.

DANIEL 11:41

Wendi inendet kogeny emet ne kararan, ak kigabui emotinwek che chang’: ago kisoru chu eng’ eunnyi, Edom, ak Moab, ak chu eechen che bo lagokab Amon.

DANIEL 11:44

Ago iimi inendet ng’alek che bunu kong’asis ak che bunu murot ne bo katam: ak kwo eng’ neregek che ng’wonen che eechen kwo kong’emis ak kobar che chang’.

DANIEL 2:35

Kotonogis anyun tugul; karik, menet, sugunwet, feda, ak tahabu, ak koigei metetek che bo ruanyut ne kiborse; ak koib usonet, kot ko mata kenyorji ui: ak koek tulwet ne o kayato kotuei kanamwet, ak konyi emet komugul.

DANIEL 7:26

Ago kichobei kiruoget, ak kerebe bounatennyi, si koges ak kong’em agoi kagesunet.

DANIEL 8:25

Ak kogochi kaberberisiet konyor borotet eng’ ng’alsennyi; ak koeetgei eng’ muguleldanyi, ak kong’em che chang’ komi kalyenywa: ak koborie bounindetab bounik; ak ilei inegei ama twa chi.

DANIEL 9:16

Ee Kiptaiyat, asain ale, ingoistoegei neregeguk, neregeguk che ng’wonen, nganaseng’ung’ Jerusalem, tulweng’ung’ ne tilil, ko u eng’ imandang’ung’ tugul: kigoek Jerusalem koboto biguk, che kichotei eng’ tugul che mitei komoswek tugul, amu tengekwogikyok, ak amu yaitwogikab kwanisiekyok.

DANIEL 9:20

Ak ye kita ang’alali, ak asae, ak ang’anye tengektanyu, ak tengektab bikyuk Israel, ak aibe somennyu kwo taitab Jehovah Kamuktaindennyu agobo tulwet ne tilil ne bo Kamuktaindennyu;

JOEL 2:20

ago aistoi kolooit eng’ okwek luget ne bunu murot ne bo katam, ak aone kwo emet ne ong’atet ak ko surkwen, bendi che indoi kotokyingei nyanjet ne mi kong’asis, kobendi che letu nyanjet ne mi cherongo; ak kobul, ak kong’u ne samis, amu kogoyai tuguk che eechen.

MIKAH 4:2

Ak bendi bororiosiek che chang’ ak komwa kole, Obwa, ketogoste tulwetab Jehovah, ak kebe gotab Kamuktaindetab Jakobo; si konetech ortinwekyik, ak kebendate ortinwekyik: amu mong’une ng’atutik Sion, ak komong’une ng’olyotab Jehovah Jerusalem.

SEKARIA 14:8

Ak tun mong’une beek che soptos Jerusalem eng’ betunoto; bendi kebeberta age kotokyingei nyanjet ne mi kong’asis, kobendi kebeberta age kotokyingei nyanjet ne mi cherongo: bendi ko u noto eng’ kemei ak iwot.

KAITOSYEK 34:5

ak koweigei kiwotet kong’eete Asmon agoi koit ainetab Misri, ak kobochit kiwotosiekyik nyanjet.

2 THESSALONIKEK 2:4

inendet ne kirindoi ak kotororegei kogirindoi tugul che kiguure Jehovah anan che kilosu; si koteb anyun eng’ hekalutab Jehovah, koborugei inendet ko u ne Jehovah.

2 THESSALONIKEK 2:8

Ak yeityo keng’any ngeleliot, ne tun barei Kiptaiyat Jesu eng’ kabusetab kutinnyi, ak kong’em koek buch eng’ ng’ang’etab nyonunennyi;

NG'ANG'UTYET 13:10

Ngo luulis chi, keluulei inendet: ngo baris chi eng’ rotwetab chok, kobare inendet rotwetab chok matiny. Mi yu muitaet ak kayanetab bik che tililen.

NG'ANG'UTYET 20:2

Ak konam maswetit, erenet ne ki bo keny, ne inendet ko Oindet ak ko Setani, ak korat inendet kenyisiek elfut agenge,

NG'ANG'UTYET 20:9

Ak kotogosta koyom ng’ony ak koyiem oldab che tililen, ak nganaset ne chamat: ak kichorgei mat eng’ kipsengwet, ak kobeel ichek.