DANIEL 11:40 - BUKUIT NE TILIL

⁴⁰ Ak koborio ak inendet laitoriatab murot ne bo tai eng’ betusiek che bo let: ak kobokyi inendet laitoriat ne bo murot ne bo katam ko u kipchurjuriet, koboto karisiekab luget, ak bik che lanyei mbartanyisiek, ak melisiek che chang’; ak kwo kochwalda koyom emotinwek, ak kobun oloto.

Bukuit Ne Tilil

⁴⁰ Eng' peetuusyek che po let kobookyin ineendet `laitoryatap murot tai. Ago ibookyin ineendet `laitoryat ne po murot kaataam ko uu kipchurchuryet, kobooto kariisyegap lugeet, ak piik che ketei paraisisyek, ak melisyek che chaang'. Ak kwo kochwalda koyom emotinwek ak kobun olooto.

DANIEL 11:40 ပူးပေါင်းရင်းမြစ်များ

ISAIAH 21:1

Lautietab ong’atetab nyanjet. Ko u ye ibuksei kipchurjuriet ne bunu Murot ne bo Tai, kobunu ko u noto ong’atet, emetab kamuiset.

ISAIAH 5:28

che ng’atiben kipchabonikwak, ak ko riigotin kwangokwak tugul; kirogendoi kelyekab mbartanyisiekwak koik che uuen, ak u cheptirokwak kipchurjuriet:

ISAIAH 66:15

Amu ogeero, nyonei Jehovah eng’ mat, ak koigei karisiekyik che bo luget kipchurjuriet; koyaakta neregekyik eng’ koromnatet, ak koyaakta kerennyi bo kong’ eng’ liblibenetab mat.

JEREMIA 4:13

Ogeero, togosu ko u bolik, ak u kipchurjuriet karisiekyik che bo luget: chepcheb mbartanyisiekyik kosiir kipsichinik. Bwa eng’ achek! Amu kageng’emech.

EZEKIEL 38:4

awelelin, ak ande kombok tagilgiliguk, ak amutun koboto lugeng’ung’ tugul, mbartanyisiek ak bik che lanyei mbartanyisiek, kolaachi tugul karik tugul che bo luget, luget ne o ne tinyei long’onik che eechen ak che mengechen, kotinyei tugul rotokab chok:

EZEKIEL 38:9

Ak itogosu, inye ko u usonet, iige boldet ne tuchei emet, inye koboto lugosieguk tugul, komi bororiosiek che chang’ koboten.

DANIEL 11:10

Ak koyai luget werikyik, ak koyum tuiyet ne o ne bo lugosiek, che tun bwanei, ak kochwalda koyom emet, ak kobun oloto: ak koweek ak koyai luget, agoi irimennyi.

DANIEL 11:11

Ak konerech laitoriatab murot ne bo tai, ak komong’ ak kobargei ak inendet: noto ko laitoriatab murot ne bo katam: ak kochob tuiyet ne o, ak kinde tuiyonoto eunekyik.

DANIEL 11:13

Ak koweeigei laitoriatab murot ne bo katam, kochob luget ne o kosiir ni ka bo tai; ak konyo ko kagobata betusiek, choto ko kenyisiek alak, koboto luget ne o ak tuguk che chang’.

DANIEL 11:22

Ak keisto ichek eng’ tainnyi eng’ luget ne marani, ak keton; koboto bounindetab kayomisutiet agine.

DANIEL 11:25

Ak kong’eet kimnatennyi ak nyiganatennyi kobargei ak laitoriatab murot ne bo tai koboto luget ne o; ak koyai luget laitoriatab murot ne bo tai koboto luget ne o mising’ ak ko kim: ago matononi, amu chobei ichek chobutik agobo inendet.

DANIEL 11:35

Ak kobutyo alak che ng’omen eng’ ichek, si kitilil, ak kianyiny, ak keyai koleelagitu, kot koit betut ne bo let: amu ta koitu betut ne kiging’at.

DANIEL 11:39

Ak konam irimoik che kimen mising’ eng’ toretetab cheptalelit ne ter; tesyin torornatet age tugul ne chamei inendet: ak kogochin inendet ichek koboi che chang’, ak kopchei emet kobunji kagaigaet.

DANIEL 11:7

Ago mong’u age ne bunu temetab tigitikyik ne igeeri inendet, ne nyonei ole mi luget, ak kochut irimetab laitoriat ne bo murot ne bo katam, ak kobargei ak bichoto, ak koterter:

DANIEL 12:4

Ago tuch ng’alechu, ee Daniel, ak ing’och bukuit agoi betusiek che bo let: tun ruaati che chang’, ak kotesak naet.

DANIEL 12:9

Ak kile, Ui inye Daniel: amu kagituch ng’alechuto ak keng’och kot koit betusiek che bo kagesunet.

DANIEL 8:17

Kirik anyun ye kiatonone; ak kingoit ole ami, aiyweisie, ak abut kot kotiiny toget ng’ony: ago kilenja, Ee, weritab chi, iguiye anyun; amu bo ng’ang’utionito betusiek che bo let.

HABAKUK 3:14

Kiitoore kiplitokyik kandoindetab bikyik che bo luget: Kibwa ko u kipchurjuriet kole koseera: Ki u boiboindanywa che amei kibananok eng’ ung’ot.

SEKARIA 9:14

Ak kotook Jehovah eng’ baragunywa, ak kwo ne kipchabennyi ko u kalyelet: ak koguut Kiptaiyat Jehovah iriaget, ak kwo koboto kipchurjurinik che bo murot ne bo tai.

NG'ANG'UTYET 16:12

Ak kirong’ji malaikaiyat ne bo lo tabennyi ainet ne o, noto ko Euprate; ak kiyaamnyo beekyik, si kobiit kochobok oretab laitorinik che bunu kong’asis.

NG'ANG'UTYET 9:16

Ak kiek koitetab lugosiek che bo bik che lanyei mbartanyisiek elfusiek taman konyil elfusiek taman konyil aeng’: kiagas koitenywa.