DANIEL 11:4 - BUKUIT NE TILIL

⁴ Ak ye kagobiit, keng’emei laitornatennyi, ak kopcheigei kotokyigei usonaik ang’wan che bo kipsengwet; ago ma tun bunjin iyotennyi, ama isubi ko u bounatennyi ne kibou; amu kitutu laitornatennyi kobunji alak koboto chuto.

Bukuit Ne Tilil

⁴ Ak ye kagobiit, keng'emei laitornatennyi, ak kopcheigei kotokyigei usoonaik ang'wan che po kipsengwet; ago ma tuun punjin iyotennyi, ama isubi ko uu pounatennyi ne ki pou; amu kitutu laitornatennyi kobunji alak che ma pooto chuuto.

DANIEL 11:4 ပူးပေါင်းရင်းမြစ်များ

TIENWOGIKAL 39:6

Iman wendoti chi age tugul ko u uruet ne siirtoi: Iman iimegei bichoto buch: Iyumi tuguk, ama naei ne tun bunjin.

AMDOINDET 4:8

Mi age ne mi inegei, ama tinyei ne rubei; ee, matinyei werit anan ng’etab kamet; nganda u noto, ko mami kagesunet ne bo birtoennyi bo ge tugul, ama biyonyi konyekyik magornatosiek. Len, Aboisiechini ng’o, ak arebe sobondanyu kit ne mie? Buch nito agine, ee, boisiet ne bo nyalilda.

JEREMIA 12:15

Ak ye kaatut ichek, aweechige ak arire ichek; ak amutu kogeny, konyo age tugul borotennyi, ak konyo age tugul emennyi.

JEREMIA 12:17

Ago ngot ko macham kogas, atutu anyun bororionoto, atutu ak ang’em, mwaei Jehovah.

JEREMIA 18:7

Eng’ betut ne amwae agobo boror age tugul, ak agobo bounatet age tugul, ale atut, ak abut ak ang’em;

JEREMIA 31:40

Ak koek ne tilil eng’ Jehovah atebwet komugul ne bo muswek, ak ne bo orek, ak mbarenik tugul che itei kererutab Kidron, agoi luita ne bo ormarichetab mbartanyit ne tokyingei kong’asis; magitutu, anan kebut kogeny agoi.

JEREMIA 45:4

Mwachi anyun inendet ko u ni, ilenji, Mwaei Jehovah ko u ni kole: Keero, abute ne kiateech, ak atutu ne kiamin; ak ayae nito eng’ emet komugul.

JEREMIA 49:36

Ak aipchi Elam koriswek ang’wan che bunu luukwek ang’wan che bo kipsengwet, ak aiyeste ichek koba koriswechoto tugul; ama biitu bororiet ole maitei che kigion che bo Elam.

EZEKIEL 37:9

Kolenja anyun, Maotenji usonet, maoten, ee, weritab chi, ak ilenji usonet, Mwaei Kiptaiyat Jehovah ko u ni kole: Nyo eng’ usonaik ang’wan, ee kabuset, ak ibusyi chu kigebar, si kobiit kosopcho.

DANIEL 7:2

Kimwa Daniel kole, Kiageer eng’ ng’ang’utiennyu kemoi, ogeero, kiusyi nyanjet ne o usonaik ang’wanu che bo kipsengwet.

DANIEL 7:6

Kingobata nito, ageer, ak ogeero, tiondo age ne u cheblanget, ne kitinyei eng’ batai kebebaik ang’wan che u che bo taritiet; kitinyei kogeny tionyoto metowek ang’wan; ak kigigochi bounatet.

DANIEL 7:8

Kiabwat mising, agobo kuinoichoto, ak ogeero, kimong’une kuinet age ne ming’in, kuinoichoto, ne kigitutune tainnyi kuinoichoto bo tai somok: ak ogeero, kimi kuinonoto konyek che u che bo chi, ak kutit ne mwaei tuguk che eechen.

DANIEL 8:22

Ak kuinonoto kiil, eng’ ole kitononie choto ang’wanu, ko tun biitune yoto bounatosiek ang’wanu che mong’une bororiet, ago ma eng’ kimnatennyi.

DANIEL 8:8

Ak kieetgei kwesta mising’: ak ye kingo kagogimit, koil kuinet ne o; ak kimong’ kuinoik ang’wanu che toogunotin kotokyigei usonaik ang’wan che bo kipsengwet, kogeer ni ka bo tai.

SEKARIA 2:6

Eiye, eiye, omwei eng’ emetab murot ne bo katam, mwaei Jehovah: amu kiaseerak ko u usonaik ang’wan che bo kipsengwet, mwaei Jehovah.

SEKARIA 6:5

Ak kiwol malaikaiyat kolenja, Chuto ko usonaik ang’wan che bo kipsengwet che bendi eng’ ole katonone eng’ taitab Kiptaiyat ne bo ng’ony komugul.

MATAYO 12:25

Ak kingonai inendet kabwatutikwak kolenji, Ng’emaksei bororiet age tugul ne pchegei; ama tononi nganaset anan got age tugul ne pchegei:

LUKA 12:20

Ago kilenji Jehovah, I berber inye, kimachei sobondang’ung’ kemouni bo ra; ara, si kobunji ng’o anyun, tuguchoto koichob?

NG'ANG'UTYET 7:1

Kingobata nito ageer malaikaisiek ang’wan kotonondos eng’ luukwek ang’wan che bo ng’ony, konamei usonaik ang’wan che bo ng’ony, si mata kousyi usonet ng’ony, anan nyanjet, anan ketit age tugul.