DANIEL 11:38 - BUKUIT NE TILIL

³⁸ Ago konyiti cheptalelitab irimoik eng’ komostanyi: ak kogonyit cheptalelit ne kima nai kwanisiekyik, kogochi tahabu, ak feda, koboto koik che bo kamanutiet ne o, ak tuguk che kichamei.

Bukuit Ne Tilil

³⁸ Ago konyiti kamuktaindetap irimoik eng' komostanyi; ak kogonyit kamuktain ne ki ma nai kwanisyekyik, kogoochi thahabu, ak fedha, kobooto koik che po kamanuutyet ne oo, ak konunoik che po alyet ne oo.

DANIEL 11:38 ပူးပေါင်းရင်းမြစ်များ

ISAIAH 44:9

Buch icheget tugul che yaei kanamonik che kiwaei; ak matinyei keljinet tugukwak che iboiboegei: ak mageertoi baorinikwak, ama naei; si kolilanso.

DANIEL 11:37

Ama iiti cheptalelisiekab kwanisiekyik, anan ne chamat eng’ kwonyik, ama iiti cheptalelit age tugul ago ieetegei kosiir tugul.

DANIEL 11:39

Ak konam irimoik che kimen mising’ eng’ toretetab cheptalelit ne ter; tesyin torornatet age tugul ne chamei inendet: ak kogochin inendet ichek koboi che chang’, ak kopchei emet kobunji kagaigaet.

DANIEL 11:7

Ago mong’u age ne bunu temetab tigitikyik ne igeeri inendet, ne nyonei ole mi luget, ak kochut irimetab laitoriat ne bo murot ne bo katam, ak kobargei ak bichoto, ak koterter:

1 TIMOTEO 4:1

Ago mwaei Tamirmiriet kotook, kole tun eng’ betusiek che bwanei koistoegei alak kayanet, koepchin it tamirmirik che ibeeti bich ak konetisiosiek che bo oik,

NG'ANG'UTYET 18:12

tugukab tahabu, ak feda, ak koik che bichien eng’ alet, ak sonoek che kororon, ak katanisiek che kororon, ak ngoroik che arusen ne birir, ak aririsiek, ak ngoroik che biriren; ak ketit age tugul ne nyamdut, ak kit age tugul ne bo kelekab belek, ak kit age tugul ne kigiyae ketit ne bo kamanutiet ne o, ak che bo sugunonik, ak karik, ak koik che leelachen;