DANIEL 11:37 - BUKUIT NE TILIL

³⁷ Ama iiti cheptalelisiekab kwanisiekyik, anan ne chamat eng’ kwonyik, ama iiti cheptalelit age tugul ago ieetegei kosiir tugul.

Bukuit Ne Tilil

³⁷ Ama iiti kamuktaigap kwanisyekyik anan ne chamat eng' kwonyik, ama iiti kamuktain age tugul ago ieetegei kosiir tugul.

DANIEL 11:37 ပူးပေါင်းရင်းမြစ်များ

TAUNET 3:16

Kolenji kwondo anyun, Atesun mising’ nyalildang’ung’ eng’ manageng’ung’; isiche lagok eng’ ng’wanindo; ak inyali manong’otiondeng’ung’ eng’ mageng’ung’, ak koboun.

TAUNET 3:5

amu ingen Kamuktaindet kole, eng’ betut ne koam che bo ketoto koyatogis konyekwok, ak ogergeitu ak Kamuktaindet, onai ne mie ak ne ya.

TYENDO NE SIIREI TUGUL 7:10

A bo chamanennyu, Ak tokyinagei magennyi.

ISAIAH 14:13

Ak kiimwa eng’ muguleldang’ung’ ile, Atogostoi kipsengwet, atorori ng’echerennyu ne bo laitornatet kosiir kecheikab Kamuktaindet; ak atebe tulwetab tuiyet, eng’ komoswek che looen che bo murot ne bo katam.

ISAIAH 14:14

Atogostoi asiir bolik; aigeitu Inendet ne Toror Mising’.

EZEKIEL 24:16

Ee, weritab chi, keero, aistoi eng’ yoto ne iboiboi konyeguk: ago metei anan irir, ama saitoi beeguk che bo kong’.

EZEKIEL 28:2

Ee, weritab chi, mwachi bounindetab Turo, ilenji, Mwaei Kiptaiyat Jehovah ko u ni kole: Amu kiitororge eng’ muguleldang’ung’, ak imwa ile, A cheptalelit, atebe ng’echeretab Kamuktaindet, eng’ kwenutab nyanjosiek; ago i chito, ma i Kamuktaindet, agot nganda kiiyaige eng’ muguleldang’ung’ iige Kamuktaindet:

DANIEL 11:36

Ak koyai laitoriat ko u ye machei; ak kotororgei ak koeetgei kosiir cheptalelit age tugul, ak komwa tuguk che kikwong’e agobo Kamuktaindet ne bou cheptalelisiek: ak konyor inendet borotet kot kosulda neregek; amu kiyaei noto kigeng’at.

DANIEL 11:38

Ago konyiti cheptalelitab irimoik eng’ komostanyi: ak kogonyit cheptalelit ne kima nai kwanisiekyik, kogochi tahabu, ak feda, koboto koik che bo kamanutiet ne o, ak tuguk che kichamei.

DANIEL 8:11

Ee, kiieetgei, kot koit ole mi bounindetab luget; ak koistoe inendet kagochinet ne kibeelei ne bo kotugul, ak kigibut oldanyi ne tilil.

NG'ATUTIK 21:11

ak ngigeer eng’ kwenutab luulenichoto kwondo ne kararan, ak imach inendet, imutyigei koek osotiondeng’ung’;

NG'ATUTIK 5:21

Amegase miat osotiotab chitab kokweng’ung’; anan imakyige gotab chitab kokweng’ung’, anan emennyi, anan otwogennyi ne muren, anan ne tie, anan eitanyi, anan sigiriennyi, anan kiy age tugul ne bo chitab kokweng’ung’.

2 THESSALONIKEK 2:4

inendet ne kirindoi ak kotororegei kogirindoi tugul che kiguure Jehovah anan che kilosu; si koteb anyun eng’ hekalutab Jehovah, koborugei inendet ko u ne Jehovah.

1 TIMOTEO 4:3

che etei kitunis, ak koistoegei amitwogik alak, che kiyai Jehovah kole kotaach eng’ kongoi ichek che iyani ak kongen imanit.