DANIEL 11:34 - BUKUIT NE TILIL

³⁴ Ye kagobutyo anyun, ketoreti eng’ toretet ne matia: ago namegei che chang’ ak ichek eng’ mwaikutnatet.

Bukuit Ne Tilil

³⁴ Ye kagobutyo anyun, ketoreti eng' toreteet ne matya, ago namegei che chaang' ak icheek eng' mwaigutnateet.

DANIEL 11:34 ပူးပေါင်းရင်းမြစ်များ

DANIEL 11:21

Ak kogeer inendet chito age ne kasasei, ne kima igochi ichek teegistab bounatet: ago tun nyonei eng’ betusiekab kalyet, ak konam bounatet eng’ mwaikutnatet.

DANIEL 11:32

Ak komaas inendet eng’ mwaikutnatet che yaei yaitio kowechei kayomiset: ago kimegitu bik che ingen Kamuktaindenywa, ak koyai boisionik che kimen che kikwong’e.

MATAYO 7:15

Oribege maotik che bo lembech, che bwanjinok eng’ ngoroik che bo kechirek, ago suik che amei bich.

ROMANIK 16:18

Amu icheget che u choto, ko maotei Kiptaiyandennyo Kristo, ago otei mootinwekwak; ak kong’alei mugulelwekab che libwoben eng’ ng’alekwak che tangusen ak che bo chemwaikutnatet.

GALATYEK 2:4

amu tupchosiek che bo lembech che kigimut kobwa orit eng’ ung’ot, che kimong’ eng’ ung’ot kosegei katiagennyo ne kitinye eng’ Kristo Jesu, si kobiit kondeech otwoknatet:

2 TIMOTEO 4:3

Amu nyonei betut ne ma tun epchin it agot kitigin konetisiet ne bo imanit; ago, tinyei itik che iututos, iyumjingei konetik che isubi magutikwak;

TITO 1:11

che kanyol keger kutuswekwak; che itarng’anyi go komugul, koneti tuguk che kama konyolu amu magornatetab tewernatet.

1 JOHANA 4:1

Chamanichu, amoyan tamirmiriet age tugul, ago otiem tamirmirik, ngo bo Jehovah: amu kigomong’ji ng’ony maotik che chang’ che bo lembech.

1 JOHANA 4:5

Bo ng’ony icheget: ko amu noto kong’alali che bo ng’ony, ak kogasei ng’ony ichek.

2 JOHANA 1:7

Amu kigomong’ji ng’ony kenik che chang’, ichek che mang’anyei kole kinyo Jesu Kristo eng’ borto. Nito ko kenindet, ak ko kirindoindetab Kristo.

JUDA 1:4

Amu mi bik alak che kichut orit eng’ ung’ot, ichek che kigichopchi kiruogoni koboch keny, bik che maiywei Jehovah, che walei mieindab Jehovah nenyo koek maget ne ya, ak koesioi Laitoriandennyo, ne inegei, ak ko Kiptaiyandennyo Jesu Kristo.

NG'ANG'UTYET 12:13

Ak ye kingogeer maswetit kole kageturur konyo ng’ony, kous kwonyi kasichei werit.

NG'ANG'UTYET 2:20

Ago ating’enen ng’olyot, ale ichamjini kobogoriot Jesebel, ne kuuregei maotio; ak koneti otwogikyuk ak kogoigoi kosokso, ak koam tuguk che kigochin kanamonik.