DANIEL 11:32 - BUKUIT NE TILIL

³² Ak komaas inendet eng’ mwaikutnatet che yaei yaitio kowechei kayomiset: ago kimegitu bik che ingen Kamuktaindenywa, ak koyai boisionik che kimen che kikwong’e.

Bukuit Ne Tilil

³² Imaas ineendet eng' mwaigutnateet che yaei yaityo kowechei kayomiset; ago piik che ingen Kamuktaindennywa ko kimegitu ak koyai poisyonik che kiimeen che kikwong'ee.

DANIEL 11:32 ပူးပေါင်းရင်းမြစ်များ

1 ATEPTAP PEETUUSYEK 28:9

Nai anyun inye Solomon werinnyu, Kamuktaindetab kwandang’ung’, ak iboisiechi inendet eng’ muguleldo ne igesunotgei, ak eng’ kabwatutik che tinyei chamet: amu isiachi Jehovah mugulelwek tugul, ak koguitos kabwatutik tugul che bo metit: ngot icheng’ inendet, inyoru: ago ngot imete inendet, kowirtoin koigeny.

NEEMIA 4:14

Ak kiageer, ak ang’eet, ak alenji bik che toogunotin, ak bounik, ak bik tugul, Amoiywei ichek: obwat Jehovah, ne o ak ko bo kamuiset, ak oyai luget agobo tupchosiekwok, ak werikwok, ak tibikwok, osotikwok ak gorikwok.

TIENWOGIKAL 9:10

Ak imang’un che ingen kaineng’ung’; Amu ma imete inye, Jehovah che cheng’in.

KALEWANAIK 19:5

Magimetoi baoriatab lembech ama kibir; Ak machilili inendet ne mwaei lembechek.

KALEWANAIK 26:28

Wechei ng’elyepta ne mwaei lembech icheget che kagoguoten; Ak ibu ng’emisiet chito ne chemwai kut.

JEREMIA 31:34

Ama koneti kogeny chi age tugul chitab kokwennyi, ama koneti chi age tugul ng’etab kamet, kolenjin, Nai Jehovah: amu tun naa ichek tugul, koboch ne ming’in eng’ ichek agoi ne o, mwaei Jehovah: amu anyochini kaat amun yaitienywa, ama abwati tengektanywa kogeny.

DANIEL 11:21

Ak kogeer inendet chito age ne kasasei, ne kima igochi ichek teegistab bounatet: ago tun nyonei eng’ betusiekab kalyet, ak konam bounatet eng’ mwaikutnatet.

DANIEL 11:34

Ye kagobutyo anyun, ketoreti eng’ toretet ne matia: ago namegei che chang’ ak ichek eng’ mwaikutnatet.

SEKARIA 10:12

Ak agimit ichek eng’ Jehovah; ak kobendate kainennyi, mwaei Jehovah.

MALAKI 4:2

Ago okwek che oiywei kainennyu kochorjinok asista ne bo imanda ne ting’e kanyaiset kebebaikyik; ak omande, ourerenote ko u moek che kagiyat.

JOHANA 17:3

Ak ni sobondab koigeny, ale konain Jehovah ne inyendet inyege ne bo iman, ak Jesu Kristo, ne kiiyogu.

1 JOHANA 5:20

Ak kingen kele kigonyo Weritab Jehovah, ak kigogonech kaguiyet, si kobiit kenai inendet ne bo iman, ak kemi eng’ inendet ne bo iman, eng’ Werinnyi Jesu Kristo. Nito ko Jehovah ne bo iman, ak sobondab koigeny.

NG'ANG'UTYET 6:11

Ak kigigochi age tugul eng’ ichek ngoriet ne leel; ak kelenji ko ta komuuny ne matia, kot kosulda koitetab che otwogik koboto ichek, ak tupchosiekwak, che tun kibarei ko u icheget.