DANIEL 11:31 - BUKUIT NE TILIL

³¹ Ak kotononso lugosiek eng’ komostanyi ak komuruon ole tilil, agot irimet, ak koisto kagochinet ne kibeelei ne bo kotugul, ak konde kit ne kiwechei ne ng’emisiei.

Bukuit Ne Tilil

³¹ Ak kotononso lugoosyek eng' komostanyi ak komurwon ole-tiliil kobooto irimeet, ak koisto kagoochinet ne kibeelei ne po kotugul, ak konde kiit ne kiwechei ne ng'emisyei.

DANIEL 11:31 ပူးပေါင်းရင်းမြစ်များ

JEREMIA 19:4

Amu kigometa ichek, kigoyai yuto koek ole maginaei, ak kigobeelji eng’ yuto, nyamdutik, kanamonik che ter, che kima kongen, icheget ak kwanisiekwak ak laitorinikab Juda; ak kigonyiit olito korotikab che matinyei tengek;

JEREMIA 7:30

Amu kigoyai lagokab Juda kit ne ya eng’ tainnyu, mwaei Jehovah: kigonde tugukwak che kiwechei got ne kimwaitoe kainennyu, komuruon.

RIREKAB JEREMIA 1:10

Kogoiitochi bunyot eunnyi tugukyik tugul che koboiboitune: Amu kagogeer kole kogochut bororiosiek oldanyi ne tilil, Che kiing’at ile, amat kochut ichek tuiyeng’ung’.

RIREKAB JEREMIA 2:7

Kigotimda Kiptaiyat kaptisisiennyi, ak kigowech oldanyi ne tilil, Kigonde irimoikab gorikyik che bo laitorinik, eutab bunyot: Kigobolyo eng’ gotab Jehovah, ko u eng’ betutab tuiyet ne kiging’at.

EZEKIEL 9:7

Ak kilenji ichek, Ong’wanit got, ak onyiit seremusiek bik che kagebar: oba anyun. Kiba anyun ak kibaris eng’ nganaset.

DANIEL 12:11

Egu betusiek elfut agenge ak bogol aeng’ ak tamanwogik sogol, koboch betusiek che kiistoi kagochinet ne kibeelei ne bo kotugul, ak kinde kit ne kiwechei ne ng’emisiei.

DANIEL 8:24

Ak tesoksei kimnatennyi, ago ma eng’ kimnatennyi; ak kong’emis ne kikwong’e, ak konyor borotet ak koyai ko u ye machei: ak kong’em che nyigonen ak bik che tililen.

DANIEL 8:26

Ak bo iman ng’ang’utietab koskoleng’usiek ak karonusiek ne kagemwa: ago tuch inye ng’ang’utionoto; amu bo betusiek che chang’ che bwanei.

DANIEL 9:27

Ak koyomisgei koboto bik che chang’ eng’ kayomiset ne kim ne bo wigit agenge: ak koges tiseiywot ak kagochinetab busiek eng’ kwenutab wigit; ak konyo age ne ibu ng’emisiet eng’ kebepchetab tuguk che kiwechei; ak kerong’ji ng’emindet neregek che kigeng’at, agoi kagesunet.

HOSEA 3:4

Amu tebyei lagokab Israel betusiek che chang’ ama tinyei laitoriat, ama tinyei bounindet, ama tinyei tiseiywot, ama tinyei toloita, ama tinyei epod anan terapik:

MATAYO 24:15

Ye ogeer anyun kit ne kiwechei ne bo ng’emisiet, ne kimwa maotiot Daniel, kotonone ole tilil (ingoguiyo inendet ne somani),

MARIKO 13:14

Ago ye tun ogeer kit ne kiwechei ne bo ng’emisiet kotonone ole ma nyoljin kotonone (ingoguiyo ne somani), ingomwechi anyun che mi Judea tolonok:

LUKA 21:20

Ak ye tun ogeer lugosiek koyiem Jerusalem, onai anyun ole, kagorik ng’emisiennyi.

NG'ANG'UTYET 17:12

Ak kuinoichoto taman che kegeer ko laitorinik taman che tom konam bounatet; ak konyoru kimnatet ko u laitorinik, koboto tiondo, eng’ boroindab sait agenge.