DANIEL 11:25 - BUKUIT NE TILIL

²⁵ Ak kong’eet kimnatennyi ak nyiganatennyi kobargei ak laitoriatab murot ne bo tai koboto luget ne o; ak koyai luget laitoriatab murot ne bo tai koboto luget ne o mising’ ak ko kim: ago matononi, amu chobei ichek chobutik agobo inendet.

Bukuit Ne Tilil

²⁵ Ak kong'eet kimnateennyi ak nyiganatennyi kobargei ak laitoryatap murot tai kobooto lugeet ne oo; ak koyai lugeet laitoryatap murot tai kobooto lugeet ne oo miising' ak ko kiim. Ago ma tononi, amu chobei icheek chobutik agobo ineendet.

DANIEL 11:25 ပူးပေါင်းရင်းမြစ်များ

KALEWANAIK 15:18

Ing’eeti chito ne kolgol boriet: Ago tisei boriet inendet ne masartae nerek.

KALEWANAIK 28:25

Ing’eeti boriet inendet ne tinyei kasetab miat: Ago nerei inendet ne imang’u Jehovah.

DANIEL 11:10

Ak koyai luget werikyik, ak koyum tuiyet ne o ne bo lugosiek, che tun bwanei, ak kochwalda koyom emet, ak kobun oloto: ak koweek ak koyai luget, agoi irimennyi.

DANIEL 11:2

Aborun anyun ne bo iman. Keero, ta kobiitu laitorinik somogu eng’ Persia; ak egu magoriot mising’ ne bo ang’wan kosiir chun tugul: ak ye kagogimit amu magornatosiekyik, kong’eet bik tugul kobargei ak bounatetab emetab Yunanik.

DANIEL 11:40

Ak koborio ak inendet laitoriatab murot ne bo tai eng’ betusiek che bo let: ak kobokyi inendet laitoriat ne bo murot ne bo katam ko u kipchurjuriet, koboto karisiekab luget, ak bik che lanyei mbartanyisiek, ak melisiek che chang’; ak kwo kochwalda koyom emotinwek, ak kobun oloto.

DANIEL 11:5

Ak tun kimitu laitoriat ne bo murot ne bo tai, koboto age eng’ bounikyik; ak tun kimitu kosiir inendet, ak konyor bounatet; egu bounatennyi bounatet ne o.