DANIEL 11:22 - BUKUIT NE TILIL

²² Ak keisto ichek eng’ tainnyi eng’ luget ne marani, ak keton; koboto bounindetab kayomisutiet agine.

Bukuit Ne Tilil

²² Ak keisto lugeet ne oo ak keton eng' tainnyi; kobooto pounindetap kayomisutyet agine.

DANIEL 11:22 ပူးပေါင်းရင်းမြစ်များ

ISAIAH 28:15

Amu kiomwa ole, kigiyomisge ak meet, ak kigiyanjine ak oldab meet; ye siirto biret ne o, ko maityinech; amu kigeyai lembechek koek ole kimwechini, ak kigiung’ege lembeita:

DANIEL 11:10

Ak koyai luget werikyik, ak koyum tuiyet ne o ne bo lugosiek, che tun bwanei, ak kochwalda koyom emet, ak kobun oloto: ak koweek ak koyai luget, agoi irimennyi.

DANIEL 11:23

Ak kobois eng’ ng’alset ye kagobata kasyinet: amu tun togosu ak kogimit, koboto bik che ng’ering’.

DANIEL 8:25

Ak kogochi kaberberisiet konyor borotet eng’ ng’alsennyi; ak koeetgei eng’ muguleldanyi, ak kong’em che chang’ komi kalyenywa: ak koborie bounindetab bounik; ak ilei inegei ama twa chi.

DANIEL 9:26

Ak ye ibata wigisiek tamanwogik lo ak aeng’ keisto inendet ne iilat ama kotinyei kiy: ak kobwa bikab bounindet kong’em nganaset ak ole tilil; ak nyonei kagesunennyi koboto maranet, ak egu luget agoi let; kigeng’at ng’emisiosiek.

AMOS 8:8

Tos mabotani emet amu nito, ak korir age tugul ne menyei oloto? Ee, ng’eetei komugul ko u Ainet; ak koiimgei ak koteny kogeny, ko u Ainet ne bo Misri.

AMOS 9:5

Amu Kiptaiyat Jehovah ne bo lugosiek, ko inendet ne twaei emet si kochoot, ak koririo tugul che menyei oloto; ak ng’eetei emet komugul ko u Ainet; ak koteny kogeny ko u Ainet ne bo Misri.

NAHUM 1:8

Ago igesu komosato eng’ maranet ne o, ak koon bunikyik koba mesundeito.